2 तीमुथियुस 4:3 - चम्बयाली नौआ नियम

³ किजोकी इदेया बेल्ला आणा जां लोक्कां ने सही शिक्षा जो सुनणा नी चाह्‍णा, पर तिन्हा ने अपणी मर्जी रे हिसाब कने चलणा ते तिन्हा शिक्षकां जो तोपणा जिन्हा ने से ही बोलणा जे से मणू सुनणा चाह्‍ंदे।

2 तीमुथियुस 4:3 Iomraidhean Croise

लूका 20:19

तिस्सी बेल्ले शास्त्रि अते बड्डे पुरोत्त ने कोई तिगड़म लाई करी यीशु जो पकड़ी लैणा चाह्‍ंदे थिये किजोकी से समजी गेरे थिये, कि यीशु ने से उदारण तिन्हेरे ही खिलाफ बोल्लेया पर से मणूआं का डरदे थिये।

लूका 6:26

लाणत है तुसा पर जां सब मणू तुसा री बड़ी तरीफां करण, किजोकी तिन्हेरे बब्ब-दाद्दे भी झूठे-भविष्यद्वक्ता री इय्यां ही बड़ाई करदे थिये।

यूहन्ना 8:45

पर मैं जे सच बोलदा, इस तांइ तुसा मेरा विश्वास नी करदे।

प्रेरितां रे कम्म 17:21

तित्ते रैह्णे वाले एथेंस रे सब मणू ते परदेसी सिर्फ किच्‍छ नौआ सुनणे या तिन्हा गल्लां री चर्चा रे अलावा कुसकी होर गल्ल बिच अपणा वक्त नी जाया नी करदे थिये।

1 कुरुन्थियों 2:1

ओ संगी विश्वासियों, मैं जां आई करी तुसा जो परमेश्वर रे सुब बसेख रा राज़ दस्सेया, तिस बेल्ले मैं तुसा सामणे समजदार लगणे तांइ बड़े वरी बुलंद शब्द नी इस्तेमाल कित्ते।

1 कुरुन्थियों 2:4

अते मेरे शिक्षा ते मेरे प्रचार बिच इन्सानी समझ वाले बड्डे बड्डे छैल शब्द नी थिये पर पवित्रात्मा ने तुसा जो इन्ने ताकतवर तरिक्के ए दिखाया कि जे बसेख मैं तुसा जो सुणाया थिया से सच थिया,

गलातियों 4:16

इय्यां लगदा कि मैं तुसा कने सच बोलणे री वजह कने तुसा रा दुश्मण बणी गे रा है।

1 तीमुथियुस 1:10

व्यभिचारियां तांइ, दूए मर्दां कने अस्वभाविक रिश्ते बणाणे वाले मर्दां तांइ, गुलामी तांइ मणूआं जो बेचणे वाले लोक्कां तांइ, झूठ बोलणे वाले लोक्कां तांइ, झूठ्ठी कसम खाणे वाले लोक्कां तांइ ते सही शिक्षा रे उलट कुसकी भी तरिक्के रा कम्म करणे वाले लोक्कां तांइ है।

2 तीमुथियुस 1:13

इस गल्ल रा ध्यान रख्खो कि जे सच्ची शिक्षा तुसा ने मेरे का सुणे री हिन तुसा तिसजो अपणे आदर्श रे तौर पर पकड़ी रेयो। ए सारी चीजां प्यार ते विश्वास कने करेयो किजोकी तुसा रा रिस्ता मसीह कने है।

यहूदा 1:18

से तुसा जो ए बोलदे हुंदे थिये, “मसीह यीशु रे हटणे का पैल्ले किच्‍छ इदेय मणू उठणे जिन्हा ने परमेश्वर ते तिन्हेरे लोक्कां रा मजाक उडाणा। ए से मणू हिन जिन्हेरी जिन्दगी तिन्हेरे अपणे दिल री बुरी इच्छा रे वस बिच है।”