2 तीमुथियुस 4:22 - चम्बयाली नौआ नियम

²² मैं प्रार्थना करदा कि परमेश्वर तुसा कने रे ते तिन्हेरा अनुग्रह भी तुसा पर हुंदा रे।

2 तीमुथियुस 4:22 Iomraidhean Croise

मत्ती 28:20

से सब हुकम जे मैं तुसा जो दित्ते हिन, उन्हा जो उन पर चलणा सिखाओ: अते याद रख्खो, कि मैं दुनिया रे अंत तक हमेसा तुसा रे कने है।

रोमियों 1:7

मैं ए चीठ्ठी रोम सहर बिच रैह्णे वाले तुसा सारे विश्वासियां जो लिख्खेया करदा है, जिन्हा जो परमेश्वर प्यार करदे ते जिन्हा जो तिन्हा ने अपणे मणू बणने तांइ चुणे रा है। परमेश्वर पिता ते मसीह यीशु तुसा जो अनुग्रह ते सांती दैण।

रोमियों 16:20

सांती रा परमेश्वर ने बड़े तौले ही शैतान री ताकत जो मुकाई दैणा ते तिसजो तुसा रे पैरा हेठ करी दैणा, असा रे प्रभु यीशु मसीह री अनुग्रह तुसा पर हुंदी रैह्णी।

1 कुरुन्थियों 16:23

प्रभु यीशु रा अनुग्रह तुसा पर हुंदा रे।

2 कुरुन्थियों 13:14

असा रे प्रभु यीशु रा अनुग्रह, ते परमेश्वर रा प्यार ते पवित्रात्मा री संगती, तुसा सबणी कने बणी रेयो।

गलातियों 6:18

ओ संगी विश्वासियों, असा रे प्रभु यीशु मसीह रा अनुग्रह तुसा कने बणी रेयो। आमीन!

इफिसियों 6:24

जे असा रे प्रभु यीशु मसीह कने सच्चा प्यार करदे, तिन्हा सारेयां पर परमेश्वर रा अनुग्रह हुंदा रे।

फिलिप्पियों 4:23

असा रे प्रभु यीशु मसीह रा अनुग्रह तुसा री आत्‍मा कने रे।

कुलुस्सियों 4:18

मैं पौलुस, चीठ्ठी रे इस हिस्से जो अपणे हत्थ कने लिख्खी करी तुसा जो नमस्ते भेज्जेया करदा है। याद रख्खेयो कि मैं कैद बिच है, ते मेरे तांइ प्रार्थना करदे रेयो। तुसा पर परमेश्वर रा अनुग्रह बणे रे। आमीन।

1 तीमुथियुस 6:21

किच्‍छ लोक्कां ने इन्हा झूठ्ठी शिक्षां जो मन्नी लित्ते रा है ते इय्यां करणे री वजह कने अवे से अग्गे जो मसीह यीशु बिच विश्वास नी रखदे। मैं प्रार्थना करदा कि परमेश्वर री अनुग्रह तुसा सारे लोक्कां पर हुंदी रेय।

फिलेमोन 1:25

मैं प्रार्थना करदा कि मसीह यीशु तुसा पर अनुग्रह करण। आमीन!

1 पतरस 5:14

इक्क-दूए जो मसीही प्यार कने नमस्ते करो। मैं प्रार्थना करदा कि परमेश्वर तिन्हा सारेयां जो सांती दे जे मसीह रे हिन।

प्रकाशित वाक्य 22:21

मैं प्रार्थना करदा कि प्रभु यीशु परमेश्वर रे लोक्कां पर अनुग्रह करण।