2 तीमुथियुस 4:18 - चम्बयाली नौआ नियम

¹⁸ ते प्रभु ने मेरे जो हर इक्क बुराई का बचाणा, ते तिन्हा ने मेरे जो स्वर्ग अंदर अपणे राज बिच सुरक्षित तौर पर पूजाणा। तिन्हेरी महिमा हमेसा-हमेसा तांइ हुंदी रेय। आमीन!

2 तीमुथियुस 4:18 Iomraidhean Croise

मत्ती 13:43

तिस बेल्ले धार्मिक लोक्कां ने अपणे परम-पिता रे राज बिच सूरज सांई चमकणे। जे सुनणा चाए, से ध्यान कने सुणे!”

मत्ती 25:34

फिरी मैं अपणे सज्जे हत्थ पास्से वालेयां जो बोलणा, ओ मेरे प्यो का आशीष पाये रे लोक्कों, आओ, ते जे राज तुसा रे तांइ दुनिया रचणे का पैह्ल्ले तैयार कित्तेया गेया है उसेरे अधिकारी होई जाओ।

मत्ती 6:13

अते असा जो परखदे मत, पर शैतान का बचाई रख्खेयो, (किजोकी राज, पराक्रम ते महिमा हमेसा तुसा रा ही है, आमीन)!

लूका 11:4

ते असा रे पाप्पां जो तुसा माफ करी देयो, किजोकी, असी भी अपणे गुनेह्गारां जो माफ करदे, ते असा जो परखीह्णे का बचाई लेयो।

लूका 12:32

इधेरे तांइ ओ छोटे झुण्ड, डरो मत, किजोकी तुसा रा परम पिता परमेश्वर चाह्‍ंदा कि तुसा तिन्हेरे राज रे वारिस बणो।

लूका 22:29

कने जिय्यां मेरे पिता-परमेश्वर ने मेरे जो राज करणे तांइ इक्क प्रदेश दित्ते दा है, तिय्यां ही मैं भी तुसा जो राज करणे तांइ इक्क प्रदेश पर पूरा हक्क दिन्दा

यूहन्ना 17:15

मैं ए प्रार्थना नी है करदा कि तुसा इन्हा जो दुनिया का चुक्की लेयो बल्कि ए कि तुसा उन्हेरी शैतान का रक्षा करो।

रोमियों 11:36

किजोकी परमेश्वर रे ही पास्से का, ते तिन्हेरे ही जरिए, ते तिन्हेरे तांइ ही सब किच्‍छ है। तिन्हेरी महिमा हमेसा-हमेसा तांइ हुंदी रेयो: आमीन।”

रोमियों 16:27

तिसी इकलौत्ते ते समजदार परमेश्वर री मसीह यीशु रे जरिये महिमा हुंदी रे। आमीन!

1 कुरुन्थियों 1:21

जां परमेश्वर ने अपणे ज्ञान कने ए समजी लेया कि दुनिया ने तिन्हा जो कदी अपणी इन्सानी समझ कने नी दिख्खी सकणा, तां तिन्हा ने असा रे सुब बसेख रे प्रचार जो इस्तेमाल कित्तेया ताकि विश्वास करणे वाले मणूआं जो बचाए जिस जो कई मणू बेवकूफी समजदे।

1 कुरुन्थियों 10:13

तुसा सिर्फ इदेइ ही परिक्षा बिच ही पे, जदेई परिक्षा बिच सारे जणे पैंदे। परमेश्वर भरोस्सेमंद हिन ते तिन्हा ने तुसा जो सैह्णे री ताकत का बधी करी कुसकी परिक्षा बिच नी पैणा दैणा। पर तिन्हा ने तुसा जो से ताकत दैणी जिसेरी जरुरत तुसा जो पाप करणे का बचणे तांइ पैणी।

1 कुरुन्थियों 15:50

ओ संगी विश्वासियों, मैं चाह्‍ंदा कि तुसा इस गल्ल जो जाणो कि असा रे हड्ड-मांस वाले ए सरीर सड़ी जाणे जिसेरा मतलब ए है कि से कदी परमेश्वर रे राज बिच वास नी करी सकदे जिनिये हमेसा-हमेसा तिकर रैह्णा ते नाशवान कदी अविनाशी नी बणी सकदा।

2 कुरुन्थियों 1:10

तिन्हा ने असा जो मौत रे बड़े बड्डे खतरे का बचाया, ते अग्गे भी बचाणा। असा ने तिन्हा पर आस रख्खे री है, कि तिन्हा ने असा जो बचांदे रैह्णा।

गलातियों 1:5

तिन्हेरी महिमा हमेसा-हमेसा तांइ हून्दी रे। आमीन। सिर्फ इक्क ही सुब बसेख है।

1 थिस्सलुनीकियों 5:23

ते परमेश्वर जे तुसा जो सांती दिंदे अप्पु ही तुसा जो पूरे तरिक्के कने पवित्र करण ते असा रे प्रभु यीशु मसीह रे हटी आणे तिकर तुसा री पूरी आत्‍मा ते पूरे प्राण ते पूरा सरीर कने बेकसूर ते सुरक्षित रे।

2 थिस्सलुनीकियों 3:3

पर प्रभु भरोस्सेमंद हिन, तिन्हा ने तुसा जो आत्मिक रुप कने मजबूत बनाणा ते तुसा जो शैतान का बचाई रखणा।

1 तीमुथियुस 1:17

हमेसा तिकर राज करणे वाले राज्जा, अविनाशी, अणदिख्खे ते इकलौत्ते परमेश्वर रा आदरमान ते महिमा हमेसा-हमेसा तिकर हुंदी रे। आमीन!

1 तीमुथियुस 6:16

ते सिर्फ से ही हिन जिन्हा ने हमेसा तांइ रैह्णा, से इन्नी जादा चमकदार रौसनी बिच रैह्‍न्दे। कुसकी मणू ने तिन्हा जो कदी नी दिख्खेया ते ना ही दिख्खी सकदा, तिन्हेरी महिमा ते ताकत हमेसा-हमेसा तांइ रैह्णी। आमीन!

2 तीमुथियुस 1:12

इसी गल्ल री वजह कने मैं इत्ते कैद बिच दुख भी सहन करेया करदा है, मैं फिरी भी इस गल्ल तांइ शर्मिंदा नी है किजोकी मैं मसीह जो जाणदा जिन्हा पर मैं विश्वास कित्ते रा है ते मेरे जो पक्का पता है कि से तिसेरी रखवाली करणे बिच पूरे तरिक्के कने ताकतवर हिन जे तिन्हा ने मेरे जो सौंप्पे रा है।

2 तीमुथियुस 4:1

जां मसीह यीशु ने इक्क राज्जे रे रुप बिच राज करणे तांइ आणा, तां तिन्हा ने जिन्दा लोक्कां रा ते मरे रे लोक्कां रा भी हिसाब-किताब करणा। इधेरे तांइ परमेश्वर ते मसीह जो गवाह मन्नी करी मैं तेरे पर इस गल्ल रा जोर पांदा

इब्रानियों 11:16

पर से सबका खरी चीज मतलब स्वर्ग रे चाह्‍णे वाले हिन इधेरे तांइ परमेश्वर तिन्हा का परमेश्वर केहलाणे बिच खुस हुदें थिये, किजोकी तिन्हा ने तिन्हेरे तांइ इक्क सहर तैयार कित्ते रा है।

इब्रानियों 12:22

पर तुसा सिय्योन रे पहाड़ रे नेड़े आए रे हिन, जित्ते स्वर्गीय यरुशलेम है, जे जिन्दगी दैणे वाले परमेश्वर रा सहर है, लख्खां स्वर्गदूतां

इब्रानियों 13:21

ते परमेश्वर प्रभु यीशु मसीह री ताकत कने तुसा बिच से हर इक्क ठीक चीज पैदा करे, जिस कने से खुस हुंदे, जिस कने तिन्हेरी महिमा हमेसा-हमेसा तिकर हुंदी रेयो। आमीन।

याकूब 2:5

ओ मेरे प्यारे संगी विश्वासियों, ध्यान देयो, परमेश्वर ने इस दुनिया रे गरीब लोक्कां जो मता विश्वास दित्ते रा है ते से अपणे राज रा हिस्सा तिन्हा सारे लोक्कां जो दैणे रा वादा कित्ते रा है जे परमेश्वर कने प्यार करदे।

1 पतरस 1:5

परमेश्वर अपणी महान ताकत कने तुसा जो सुरक्षित रखदे किजोकी तुसा मसीह बिच विश्वास करदे। तिन्हा ने तुसा जो अग्गे भी तां तांइ सुरक्षित रखणा जां तांइ मसीह यीशु हटी नी आंदे तां ही तुसा ने जाणना कि परमेश्वर ने तुसा जो पाप ते हमेसा री मौत का पूरे तरिक्के कने बचाए रा है।

1 पतरस 5:11

से महिमा पाणे रे हकदार हिन किजोकी तिन्हेरी ताकत रा कोई अंत नी है। आमीन!

2 पतरस 1:11

ते परमेश्वर ने भी तुसा जो बड़ी खुसी कने स्वर्ग लेई आणा जित्ते मसीह यीशु रैह्‍न्दे, जे असा रे प्रभु ते जे असा जो छुटकारा दिंदे, ते जिन्हा ने इक्क राज्जे रे तौर पर हमेसा-हमेसा तिकर राज करणा।

2 पतरस 3:18

पर तुसा जो असा रे प्रभु ते छुटकारा दैणे वाले मसीह यीशु रे अनुग्रह रा होर भी जादा अनुभव करणा चाएदा, ते तिन्हा जो समजणे बिच होर भी जादा बधणा चाएदा। तिन्हा रा आदरमान अब्बे ते हमेसा-हमेसा तिकर हुंदा रे।

यहूदा 1:1

मैं यहूदा जे मसीह यीशु रा सेवादार ते याकूब रा छोटा भ्याल है, तुसा लोक्कां जो ए चीठ्ठी लिख्खेया करदा है जिन्हा जो परमेश्वर ने तिन्हा बिच विश्वास करणे तांइ सद्दे रा है। परमेश्वर पिता तुसा जो प्यार करदे ते तुसा जो मसीह यीशु बिच सुरक्षित रखदे।