2 तीमुथियुस 4:14 - चम्बयाली नौआ नियम

¹⁴ सिकंदर ठठैरे ने मेरे जो मते तरिक्केयां कने मेरे जो दुखी कित्ते रा है। प्रभु ने तिसजो तिसेरे बुरे कम्मां रे हिसाब कने बदला दैणा।

2 तीमुथियुस 4:14 Iomraidhean Croise

रोमियों 12:19

ओ प्यारे लोक्कों, अप्पु कदी बदला मत लिन्दे, पर परमेश्वर जो तुसा तांइ बदला लैणे देयो, किजोकी पवित्रशास्त्र बिच परमेश्वर ने बोल्ले रा है, “बदला लैणा मेरा कम्म है; मैं ही बदला लैणा।”

रोमियों 2:6

परमेश्वर ने हर इक्क जो तिन्हेरे कम्मां रे हिसाब कने बदला दैणा।

2 थिस्सलुनीकियों 1:6

किजोकी परमेश्वर हमेसा धार्मिकता कने हिसाब-किताब करदे, तिन्हा ने उन्हा मणूआं पर मुसीबतां पाणी जिन्हा ने तुसा जो मुसीबत बिच पाया।

1 तीमुथियुस 1:20

उन्ही बिच का हुमिनयुस ते सिकन्दर हिन जिन्हा जो मैं कलीसिया बिच का कड्डी दित्ते रा है ते तिन्हा जो शैतान रे वस बिच छड्डी दित्ते रा है ताकि से मणू समजी जाण कि तिन्हा जो परमेश्वर री बेजती नी करणी चाएदी।

2 तीमुथियुस 4:15

तू भी तिसका सावधान रे, किजोकी तिसने मसीह रे बारे बिच असा री शिक्षां रा बड़ा विरोध कित्ते रा है।

1 यूहन्ना 5:16

जे अगर तुसा संगी विश्वासी इदेय तरिक्के कने पाप करदे दिख्खो कि जिसेरा नतीज्जा हमेसा री मृत्यु ना हो तां तिन्हेरे तांइ प्रार्थना करो कि परमेश्वर तिन्हा जो हमेसा री जिन्दगी दे। इदेय पाप भी हिन जिन्हेरा नतीज्जा हमेसा री मृत्यु है, मैं तुसा जो तिन्हा तांइ प्रार्थना करणे तांइ नी बोलदा।

प्रकाशित वाक्य 18:20

ओ स्वर्ग ते ओ परमेश्वर रे लोक्कों ते प्रेरितो ते भविष्यद्वक्ता जे तिस कने होआ, तिस पर खुस हो, किजोकी परमेश्वर ने तिसका जे किच्‍छ भी तिसने तुसा कने कित्तेया थिया, तिसेरा सही हिसाब करी के तुसा रा बदला चुकाए रा है।”

प्रकाशित वाक्य 18:6

तिस कने तदेया ही करो जदेया तिनिये लोक्कां कने कित्तेया। जे दुख लोक्कां ने तिसेरी वजह कने सहन कित्तेया, तिसने तिसेरा दुगणा भरणा। तिनिये लोक्कां जो तिसेरे गलत कम्म चखाए, इधेरे तांइ तिसने भी परमेश्वर रा दुगणा गुस्सा बर्दाश करणा।

प्रकाशित वाक्य 6:10

से जोरे सणे हक्क देई करी बोल्लेया करदे थिये, ओ पवित्र अते सच्चे प्रभु, तुसा किजो धरती पर रैह्णे वाले पाप्पी लोक्कां जो सजा दैणे बिच इन्ना इंतजार करेया करदे हिन? असी छंदे करदे कि तुसा तिन्हा लोक्कां रे बर्ताव तांइ बदला लेयो जिन्हा ने असा रा खून करी रख्खेया।