2 तीमुथियुस 4:12 - चम्बयाली नौआ नियम

¹² तुखिकुस जो मैं इफिसुस रे कस्बे बिच भेज्जे रा है।

2 तीमुथियुस 4:12 Iomraidhean Croise

प्रेरितां रे कम्म 18:19

फिरी से त्रैन्नी जणे इफिसुस सहर बिच पूज्जे ते पौलुस ने प्रिस्किल्ला ते अक्विला जो तित्ते ही छड्डी दित्तेया ते अप्पु सभास्थल बिच जाई करी यहूदियां कने बैह्स करणे लग्गेया।

प्रेरितां रे कम्म 18:21

पर जांदे बेल्ले तिसने बोल्लेया, जे परमेश्वर री मर्जी हुन्गी तां मैं तुसा का फिरी आंगा फिर तिसने इफिसुस सहर कने किस्ती बिच सफर कित्तेया

प्रेरितां रे कम्म 19:1

ते जां अपुल्लोस कुरिन्थुस सहर बिच थिया, तां पौलुस तिन्हा प्रदेशां रे उपराल्ले हिस्सेयां बिच सफर करदे-करदे इफिसुस सहर बिच आई पूज्जेया तित्ते तिसजो किच्‍छ चेल्‍ले मिल्ले।

प्रेरितां रे कम्म 20:25

पर मेरे जो पता है कि तुसा सब जणे जिन्हा बिच मैं परमेश्वर रे राज रा प्रचार करदा रेया, तुसा मेरे जो फिरी नी दिख्खणा।

प्रेरितां रे कम्म 20:4

बिरीया कस्बे रे रैह्णे वाले पुरुर्स पुत्तर सोपत्तरुस ते थिस्सलुनीकियां सहर बिच का अरिस्तर्खुस ते सिकुन्दुस ते दिरबे कस्बे रा गयुस ते लुस्त्रा कस्बे रा तीमुथियुस ते एशिया प्रदेश रा तुखिकुस ते त्रुफिमुस एशिया प्रदेश तांइ तिसेरे कन्ने आये।

इफिसियों 6:21

मैं तुखिकुस जो तुसा का भेज्जेया करदा है जे प्यारा संगी विश्वासी ते प्रभु बिच भरोस्सेमंद सेवक है। तिसने तुसा जो मेरे बारे बिच सारा किच्‍छ दस्सी दैणा कि असी कदेय हिन ते मैं किय्यां रैंह्दा।

कुलुस्सियों 4:7

तुखिकुस मसीह बिच मेरा प्यारा विश्वासी भ्याल ते भरोस्सेमंद साथी है, जे मसीह री सेवकाई रे कम्म बिच मेरा साथी है। तिनिये तुसा जो मेरी हर गल्ल दस्सी दैणी।

1 तीमुथियुस 1:3

तीमुथियुस, जिय्यां कि तू जाणदा इफिसुस सहर बिच किच्‍छ मणू हिन जे गलत शिक्षां दिंदे। से लगातार मनघड़ंत कहाणियां ते पूरखां रे लंबी सुची रे बारे बिच सिखांदे रैह्‍न्दे। जां मैं इफिसुस सहर का मकिदुनिया रे इलाक्के बिच जाणे तांइ तैयार थिया तां मैं तुसा जो इफिसुस सहर बिच रैह्णे तांइ बोल्लेया थिया ते फिरी तित्ते ही रुकणे ते बोलदा कि तिन्हा लोक्कां जो समझाओ कि से लोक्कां जो झूठ्ठी गल्लां ना सिखाण ते विश्वासी मणू भी इदेइ झूठ्ठी गल्लां बिच मन ना लाण किजोकी जां से इदेइ झूठ्ठी गल्लां सिखांदे तां विश्वासी तिस बारे बिच अप्पु-मिते बैह्स करदे ते इदेइ बैह्सबाजी परमेश्वर रा कम्म करणे बिच मदद नी करदी, परमेश्वर री सेवा रा कम्म सिर्फ तां ही होई सकदे जां कोई मणू परमेश्वर बिच पूरा विश्वास रख्खे।

तीतुस 3:12

जां मैं अरतिमस या तुखिकुस जो क्रेते टापू बिच तुसा का भेजणा तां तिसेरे तित्ते पुजणे का बाद तुसा मेरे का निकुपुलिस सहर बिच आणे री कोसीस करेयो किजोकी मैं तित्ते ही सर्दियां गुजारणे रा फैसला कित्ते रा है।