2 तीमुथियुस 4:10 - चम्बयाली नौआ नियम

¹⁰ किजोकी देमास दुनिया री चीजां जो जादा प्यार करदा इधेरे तांइ तिनिये मेरे जो छड्डी दित्तेया, ते थिस्सलुनीके रे कस्बे जो चली गेया, ते क्रेसकेंस गलातिया रे इलाक्के पास्से चली गेया ते तीतुस दलमतिया रे इलाक्के बिच चली गेया।

2 तीमुथियुस 4:10 Iomraidhean Croise

मत्ती 12:32

अते जे कोई मणू रे पुत्तर, जे मैं ही है रे खिलाफ बिच बोलगा तिसजो माफ कित्तेया जाणा, पर जे कोई पवित्रात्मा रे खिलाफ बिच किच्‍छ बोलगा, तिसेरा ए गुनाह ना तां इस जुग बिच अते ना आणे वाले जुग बिच माफ कित्तेया जाणा।

मत्ती 26:56

पर ए सारा किच्‍छ इस तांइ होए रा है की भविष्यद्वक्ता रे वचन पूरे होण तां सारे चेल्‍ले तिन्हेरे जो छडी करी न्हसी गे।

लूका 14:33

इय्यां ही जां तांइ कोई मणू अपणा सब किच्‍छ पूरी तरह् कने छड्डी नी दिंगा, तां तांइ से मेरा चेल्ला बणने जोग्गा नी है।

लूका 16:13

कोई भी मणू दो मालकां री सेवा नी करी सकदा, से या तां इक्क कने नफरत करी सकदा अते दूज्जे कने प्यार या इक्क जणे कने बड़ी ईमानदारी कने रेह्ई सकदा पर दूज्जे जो से अण-दिख्खा करी सकदा इय्यां ही कोई भी मणू परमेश्वर अते धन-दौलत, दोनां री सेवा किठ्ठे नी करी सकदा।

लूका 17:32

लूत री लाड़ी जो चेत्ता करो, कि उस कने कै होया थिया?

प्रेरितां रे कम्म 13:13

पौलुस ते तिसेरे साथी पाफुस कस्बे का जहाज जो चलाई करी पंफूलिया प्रदेश रे पिरगा कस्बे बिच आये ते यूहन्ना मरकुस तिन्हा जो छड्डी करी यरुशलेम सहर जो वापस हटी गेया।

प्रेरितां रे कम्म 15:38

पर पौलुस ने तिसजो जे कि पंफूलिया प्रदेश बिच तिन्हा का बखरे होई गे थिये, ते कम्म पर तिन्हा कने नी गे थिये, कने लेई जाणा ठीक नी समजेया

प्रेरितां रे कम्म 16:6

से फ्रूगिया ते गलातिया प्रदेशां का होई करी निकले किजोकी पवित्रात्मा ने तिन्हा जो एशिया प्रदेश बिच वचन सुनाणे जो मना करी दित्तेया थिया।

प्रेरितां रे कम्म 17:1

फिरी पौलुस ते सीलास अम्फिपुलिस ते अपुल्लोनिया कस्बेयां का होई करी थिस्सलुनीके सहर बिच आये, जित्ते यहूदियां री इक्क सभास्थल थिया।

प्रेरितां रे कम्म 17:11

ए मणू थिस्सलुनीके सहर रे मणूआं का जादा ठीक थिये इन्हा ने पूरा मन लगाई करी वचन सूणेया ते हर रोज पवित्रशास्त्र जो उलटदे पलटदे ए जांचदे रे कि पौलुस ने जे गल्लां दस्सी, कै से सच हिन।

प्रेरितां रे कम्म 17:13

पर जां थिस्सलुनीके सहर बिच रैह्णे वाले यहूदी जाणी गे, कि पौलुस बिरीया सहर बिच भी परमेश्वर रा वचन सुणाया करदा है, तां तित्ते भी आई करी मणूआं जो उकसाणे ते हल्ला मचाणा लग्गे

प्रेरितां रे कम्म 18:23

तित्ते किच्‍छ दिन रुकेया ते तिसेरे बाद तित्ते का चली गेया ते गलातिया ते फ्रूगिया रे प्रदेशां बिच इक्क जगाह् का दूज्जी जगाह् पर सफर करदे सबणी चेल्‍लेयां जो विश्वास बिच बधाणे लग्गेया।

2 कुरुन्थियों 2:13

पर जां अपणे विश्वासी भ्याल तीतुस जो तित्ते नी दिख्खेया तां मेरा मन बड़ा बेचैन होई गेया, ते तिसजो तोपणे तांइ मैं त्रोआस सहर रे विश्वासियां का बिदा लेई करी आई गेया, ते मकिदुनिया प्रदेश जो हटी गेया।

2 कुरुन्थियों 7:6

तां भी दुखी मणूआं जो तसल्ली दैणे वाले परमेश्वर ने तीतुस रे आणे कने असा जो तसल्ली दित्ती।

2 कुरुन्थियों 8:16

परमेश्वर रा शुकर हो, जिन्हा ने तुसा तांइ से ही फिकर तीतुस रे मन बिच पाए री है, जे मेरे जो भी है।

2 कुरुन्थियों 8:23

जे कोई तीतुस रे बारे बिच पुच्छे, तां बोल्लेयो कि से मेरा साथी ते मेरे कने कम्म करणे वाला मेरा सहकर्मी है, ते जे असा रे विश्वासी भाईयां रे बारे बिच पुच्छे, तां दस्सेयों कि से कलीसिया रे दूत ते मसीह यीशु जो महिमा दैणे वाले मणू हिन।

2 कुरुन्थियों 8:6

इधेरे तांइ असा ने तीतुस जो समजाया कि जिय्यां तिनिये पैल्ले सुरु कित्तेया थिया तिय्यां ही इस दान रे कम्म जो तुसा रे बिच मझाटे पूरा भी करी लै।

फिलिप्पियों 2:21

किजोकी सारे अपणे-अपणे मतलब री चीजां रे पीच्छे पे रे हिन। ते तिन्हा गल्लां री फिकर नी करदे जे मसीह यीशु तांइ जरुरी हिन।

1 तीमुथियुस 6:10

किजोकी पैसे रा लालच हर तरिक्के री बुराई री जड़ है, किच्‍छ लोक्कां बिच पैसे री चाह्‍त इन्नी जादा है कि तिन्हा ने मसीह यीशु री शिक्षा जो मनणा ही छड्डी दित्तेया, ते से मणू इन्ना जादा तड़पेया करदे हिन जिय्यां कि कुसकी मणू ने अप्पु जो कुसकी हथियार कने छलनी करी दित्तेया हो।

1 तीमुथियुस 6:17

इस दुनिया रे अमीर लोक्कां जो हुकम दे कि से घमंडी ना होण ते अपणे तिस पैसे पर आस ना रख्खे जे इक्क दिन मुकी जाणा, पर परमेश्वर उम्मीद रख्खे, जे असा जो बड़ी दयालुता कने से सारी चीजां दिंदे जे असा का है ताकि असी तिन्हेरा लुफ्त लेई सके।

2 तीमुथियुस 1:15

तुसा जो ए गल्ल पता ही है कि एशिया प्रदेश रे मते सारे विश्वासियां ने मेरे जो छड्डी दित्ते रा है, फिलेगस ते हरमोगेनेस भी तिन्हा लोक्कां बिच हिन।

2 तीमुथियुस 4:16

पैल्ली वरी मेरे जो रोम सहर बिच हाकिम रे सामणे तिन्हा लोक्कां जो जवाब दैणे तांइ खड़िणा पेया जिन्हा ने मेरे पर किच्‍छ गलत कम्म करणे रा इल्जाम लाया थिया, कोई भी मेरे पास्से का गवाई दैणे तांइ नी आया बल्कि तिन्हा सारे जणेया ने मेरे जो किल्ला छड्डी दित्तेया।

तीतुस 1:4

मसीह बिच असा रे विश्वास री वजह कने, तीतुस तू मेरे बच्चे सांई है। पिता परमेश्वर ते असा जो छुटकारा दैणे वाले प्रभु यीशु मसीह तेरे जो अनुग्रह ते सांती दे।

फिलेमोन 1:24

मरकुस, अरिस्तर्खुस, देमास ते लूका जे मेरे कने सेवा रा कम्म करदे, तिन्हा पास्से का तेरे जो नमस्कार।

2 पतरस 2:15

तिन्हा ने से कम्म करणा छड्डी दित्ते रा है जे सही है, ते तिन्हा ने से ही गलत कम्म करणा सुरु करी दित्ते रे हिन जे बड़े पैल्ले बओर रे मुंडे, बिलाम ने कित्ते थिये। तिसजो गलत कम्म करी के पैसे कमाणा पसंद थिया।