2 तीमुथियुस 3:8 - चम्बयाली नौआ नियम

⁸ ए झूठ्ठे शिक्षक मसीह रे सच्चाई रे बसेख रा प्रचार होणे का तिय्यां ही रोकदे हिन जिय्यां यान्नेस ते याम्ब्रेस मूसा रे खिलाफ थिये। तिन्हेरे दिल दुष्ट हिन ते से मणू मसीह यीशु बिच बिल्कुल भी विश्वास नी करदे।

2 तीमुथियुस 3:8 Iomraidhean Croise

प्रेरितां रे कम्म 15:24

असा ने सूणेया, कि असा बिच का कितणेयां ने जाई करी, तुसा जो अपणी गल्लां कने डराई दित्तेया, ते तुसा रे मन बदली दित्ते पर असा ने तिन्हा जो हुकम नी दित्तेया थिया

रोमियों 1:28

जां तिन्हा ने सोच्चेया कि परमेश्वर जो जाणना तिन्हा तांइ बेवकूफी री गल्ल है, तां परमेश्वर ने भी तिन्हा जो गलत कम्म करणे तांइ तिन्हेरे निकम्मे मन पर छड्डी दित्तेया।

रोमियों 16:18

किजोकी ऐसे मणू प्रभु मसीह यीशु री सेवा अपणे मतलब तांइ करदे, से अपणे मतलब जो पूरा करणे तांइ मिठ्ठी-मिठ्ठी गल्लां बोल्ली करी, भोले भाले लोक्कां जो धोखा दिंदे।

इफिसियों 4:14

ताकि अग्गे जो असी बच्चेयां सांई ना रैह्ण, असी तिन्हा किस्तियां सांई नी रैह्णा जे लहरां ते हवा कने इत्ते-उत्ते डोलदी रेह्न्दी। इसेरा मतलब ए है कि चलाक ते ठग लोक्कां ने फिरी असा जो अपणी झूठ्ठी शिक्षा कने बेवकूफ नी बणाई सकणा।

1 तीमुथियुस 1:19

तुसा मसीह यीशु बिच अपणे विश्वास जो बणाई रख्खो ते अपणा विवेक साफ रख्खो। किच्‍छ लोक्कां ने अपणे साफ विवेक जो छड्डी दित्ते रा है जिसेरी वजह कने मसीह यीशु बिच तिन्हेरा विश्वास मुकी गेरा है।

1 तीमुथियुस 4:2

झूठ्ठी शिक्षां दैणे वाले मणू कपट हिन। तिन्हा जो इस गल्ल री सुद्ध नी रैह्णी कि से जे करेया करदे हिन से सही भी है या नी, बिल्कुल तिय्यां ही जिय्यां कि भखदे लोहे कने फुकित्ते री चमड़ी सुन्न होई जांदी।

1 तीमुथियुस 6:5

जिन्हा लोक्कां री समझ बिगड़ी गे री है, तिन्हा लोक्कां बिच बेकार रे झगड़े हुदें ते से मणू नी समजी सकदे कि सच कै है। से मणू सोचदे कि परमेश्वर री शिक्षा सिखाणा पैसा कमाणे रा जरिया है।

2 तीमुथियुस 4:15

तू भी तिसका सावधान रे, किजोकी तिसने मसीह रे बारे बिच असा री शिक्षां रा बड़ा विरोध कित्ते रा है।

तीतुस 1:10

मैं ए इधेरे तांइ बोल्लेया करदा है किजोकी मते मणू सही शिक्षा रे खिलाफ होई जांदे। ए से मणू हिन जे पुठ्ठी-सीद्दी गल्लां सिखाई करी लोक्कां जो भटकांदे। ए गल्लां खासतौर तिन्हा यहूदियां तांइ हिन जे विश्वासी बणी गेरे हिन। से मणू चाह्‍ंदे कि सारे मसीही मणू यहूदी नियमां जो मन्नेया करें, खासतौर पर खतना कराणे रे नियम जो।

तीतुस 1:16

ए झूठ्ठी शिक्षा दैणे वाले मणू हिन जे परमेश्वर जो जानणे रा दावा ता करदे पर तिन्हेरे कम्म दिखांदे कि से मणू तिन्हा जो नी जाणदे। से नफरत करणे ते परमेश्वर री हुकमां री ना-फरमानी करणे वाले मणू हिन ते कोई भी खरा कम्म करणे रे जोग्गे नी हिन।

2 पतरस 2:14

से जिस भी जनानी जो दिखदे तिस कने व्यभिचार ही करणा चाह्‍ंदे। से पाप करणे रे मौक्केयां जो तोपदे रैह्‍न्दे। जे मणू मसीह बिच विश्वास करणे अंदर मजबूत नी हिन, से मणू तिन्हा जो भटकाई करी तिन्हा का पाप करवांदे। तिन्हेरे जादा का जादा चीजां जो हासिल करणे रे तिन्हेरे लालच री वजह कने परमेश्वर ने तिन्हा जो सजा दैणी।

1 यूहन्ना 2:18

ओ बच्चेयों, मसीह रे हटी आणे रा बेल्ला नेड़े है ते जिय्यां तुसा सुणे रा है कि मसीह यीशु रा विरोधी आणे वाला है, तिसेरे हिसाब कने अब्बे भी मते सारे मसीह यीशु रा विरोध करणे वाले खड़ी गेरे हिन, इस कने असा जो पता चलदा कि ए आखरी समय है।

1 यूहन्ना 4:1

ओ प्यारेयो, हर तिस मणू पर भरोस्सा मत करो जे ए दावा करदे कि असी पवित्रात्मा रे कहे मुताबिक गल्लां करदे। पर आत्‍मा जो परखो कि से परमेश्वर रे पास्से का हिन का नी किजोकी मते सारे झूठ्ठी भविष्यद्वक्ता दुनिया बिच हिन।

प्रकाशित वाक्य 2:20

मेरे जो तेरे खिलाफ ए बोलणा है कि पैल्ले जमान्ने राणी ईज़ेबेल जदेई इक्क जनानी तुसा बिच-मझाट्टे है। से अप्पु जो भविष्यद्वक्तिणी बोलदी पर मेरे विश्वासियां जो झूठ्ठी शिक्षां सिखांदी। से लोक्कां जो ए खोठ्ठी गल्लां सिखाई करी भटकांदी कि हमेसा तिकर जीणे तांइ मूर्तां जो भेंट चढ़ाए री चीजां खाओ।

प्रकाशित वाक्य 2:6

पर तेरे पर ए गल्ल ता है कि तू नीकुलइयों रे कम्मां का नफरत करदा जिन्हा कने मैं भी नफरत करदा