2 तीमुथियुस 3:3 - चम्बयाली नौआ नियम

³ बेरहम, दूज्जेयां जो माफ ना करणे वाले, दूज्जेयां री गलतियां कडणे वाले, अपणी शरीरी इच्छा पर काबू ना रखणे वाले, मार-कुटाई करणे वाले, भलाई रे कम्मां रे दुश्मण,

2 तीमुथियुस 3:3 Iomraidhean Croise

मत्ती 10:21

भाई ने अपणे भाई जो पकड़वाई करी मरवाई दैणा, मां-प्यो ने अपणे बच्चे जो पकड़वाई दैणा अते बच्चेयां ने अपणे मां-प्यो रे खिलाफ होई जाणा ते तिन्हा जो मरवाई दैणा।

मत्ती 4:1

तां पवित्रात्मा ने तिस्सी बेल्ले यीशु जो बियाबान जगाह् जो भेज्जेया, ताकि शैतान तिन्हा जो परखी सको।

लूका 10:16

यीशु ने ए भी बोल्लेया, कि जे मणू तुसा री गल्लां पर विश्वास करगा, इसेरा मतलब ए होणा कि तिनिए मेरे पर भी विश्वास करी लेया, ते जे तुसा जो नक्कारी दिंदा, तिनिए मेरे जो भी नक्कारी दित्तेया, ते जे मेरे जो नक्कारी दिंदा, तिसेरा मतलब ए होणा कि तिनिए मेरे भेजणे वाले परमेश्वर जो भी नक्कारी दित्तेया।

लूका 16:14

फरीसी मणू, जे कि धन-दौलत रे लालची थिये, से यीशु गल्लां जो सुणी करी यीशु रा मजाक उडाणा लग्गे।

यूहन्ना 6:70

यीशु ने तिन्हा जो जवाब दित्ता, कि मैं तुसा बारा जणेया जो मैं चुणी लित्ते रा है पर तां भी तुसा बिच इक्क जणे जो शैतान ने काबू बिच करी लित्ते रा है।

रोमियों 1:29

इस तांइ से हर तरह रे अधर्म, ते दुष्टता, ते लालच, ते नफरत कने भरी गे। ते जलन, ते खून, ते झगड़े, ते धोखा, ते हिर्स कने भरी गे, ते चुगलखोर,

रोमियों 1:31

ते से नासमझ, धोखेबाज, प्यार ना करणे वाले ते तरस नी खाणे वाले बणी गे।

1 कुरुन्थियों 7:5

प्रार्थना बिच समय गुजारणे रे अलावा कुसकी होर गल्ल तांइ लाड़ा ते लाड़ी इक्क दूए जो अप्पु-मिते सम्बध बणाणे का मना ना करे, पर तिसेरे बाद से मणू अपणी आम ब्यात्ती री जिन्दगी जो तिय्यां ही जिन्दे रैह्ण। इस तरिक्के कने तुसा संयम री कमी री वजह कने शैतान री परिक्षा बिच पैणे का बची रैह्णा।

1 कुरुन्थियों 7:9

पर जिन्हा लोक्कां तांइ संयम रखणा मुस्किल है, से मणू ब्याह करी लैण, किजोकी व्यभिचार करणे का खरा ब्याह करणा है।

1 थिस्सलुनीकियों 4:8

जे मणू इन्हा शिक्षाओं जो नी मनदा से कुसकी इन्सान जो नी पर परमेश्वर जो तुच्छ मनदा जे तुसा जो अपणा पवित्रात्मा दिंदे।

1 तीमुथियुस 3:11

सेवादारां री लाड़ियां रा लोक्कां बिच खरा नां होणा चाएदा। से मणूआं पर इल्जाम लाणे वाली नी होणा चाएदी, पर तिन्हा जो चज्ज कने बर्ताव करणा चाएदा ते से पूरे तरिक्के कने भरोस्सेमंद होणा चाएदी।

तीतुस 1:8

पर परौणे रा सत्कार करणे वाला हो, सारेयां री भलाई चाह्‍णे वाला, अप्पु पर काबू रखणे वाला, जे सही ते गलत रा फैसला करणे रे जोग्गे हो, ते अनुशासन बिच रैह्णे वाला हो।

तीतुस 2:3

इय्यां ही बुजुर्ग जनानियां भी इदेय हिसाब कने बर्ताव करण जिस कने परमेश्वर जो हर गल्ल बिच महिमा मिल्ले। से मणूआं पर इल्जाम लाणे वाली ते सराबी ना होण पर से ठीक जिन्दगी जीणे री शिक्षा दैणे वाली बनण।

याकूब 2:6

पर तुसा कगांल मणू री बेज्जती कित्ती। अमीर मणू ही तुसा पर जुल्म नी करदे, ते से ही तुसा जो कचहरियां अदंर धृड़ी-धृड़ी करी नी लेई जादें।

2 पतरस 2:14

से जिस भी जनानी जो दिखदे तिस कने व्यभिचार ही करणा चाह्‍ंदे। से पाप करणे रे मौक्केयां जो तोपदे रैह्‍न्दे। जे मणू मसीह बिच विश्वास करणे अंदर मजबूत नी हिन, से मणू तिन्हा जो भटकाई करी तिन्हा का पाप करवांदे। तिन्हेरे जादा का जादा चीजां जो हासिल करणे रे तिन्हेरे लालच री वजह कने परमेश्वर ने तिन्हा जो सजा दैणी।

2 पतरस 2:19

ए झूठ्ठे शिक्षक लोक्कां जो ए सिखांदे कि से मणू जे करणा चाण, से करी सकदे। से मणू अप्पु भी अपणे रे पाप रे स्वभाव री वजह कने गुलाम्मां सांई हिन जे तिन्हा पर पाप करणे तांइ जोर पांदा। जे किच्‍छ भी तुसा जो चलांदा, तुसा तिसेरे ही गुलाम हिन।

2 पतरस 3:3

खासतौर पर तुसा इस गल्ल जो याद रख्खो कि आखरी दिनां बिच जां मसीह यीशु ने हटणा, किच्‍छ इदेय मणू होणे जिन्हा ने तुसा रा मजाक उडाणा किजोकी तुसा ए विश्वास करदे कि मसीह ने वापिस हटणा। तिन्हा ने अपणी आदतां रे हिसाब कने ही जीणा जिस कने से खुस हुंदे।

यहूदा 1:16

ए मणू हमेसा परमेश्वर रे खिलाफ ही बोलदे ते लोक्कां री गलती ही कडदे रैह्‍न्दे। से हमेसा अपणी दिल री मर्जी कने दुष्ट कम्म करदे रैह्‍न्दे। से अप्पु पर बड़ा घमंड करदे ते अपणा मतलब कडणे तांइ लोक्कां री चापलूसी करदे।

यहूदा 1:18

से तुसा जो ए बोलदे हुंदे थिये, “मसीह यीशु रे हटणे का पैल्ले किच्‍छ इदेय मणू उठणे जिन्हा ने परमेश्वर ते तिन्हेरे लोक्कां रा मजाक उडाणा। ए से मणू हिन जिन्हेरी जिन्दगी तिन्हेरे अपणे दिल री बुरी इच्छा रे वस बिच है।”

प्रकाशित वाक्य 13:15

तिसजो उस जानवर री मूर्ति बिच जान पाणे रा हक दित्तेया गेया, कि जानवर मूर्ति बोलणे लग्गी पे, अते जितणे मणू उस जानवर री मूर्ति री पूजा नी करगे, तिन्हा जो मारी दैण।

प्रकाशित वाक्य 13:17

कि तिसजो छड्डी जिस पर छाप मतलब उस जानवर रा नां, या तिसेरे नां रा अंक हो, अते कोई लैण दैण ना करी सके।

प्रकाशित वाक्य 16:6

किजोकी तिन्हा ने परमेश्वर रे लोक्कां ते भविष्यद्वक्तां रा खून बहाया थिया ते तुसा ने तिन्हा जो खून पुआया किजोकी से इसी जोग्गे हिन।

प्रकाशित वाक्य 17:6

ते मैं दिख्खेया कि से जनानी परमेश्वर रे लोक्कां रे खून कने इदेइ मतवाल्ली होए री थी कि जिय्यां मणू सराब पीणे कने हुंदे, तिन्हा लोक्कां रे खून कने जे इधेरे तांइ मारे गे किजोकी से परमेश्वर तांइ भरोस्सेमंद थिये। मेरे जो बड़ा वरी दुख होया।”