Biblia Todo Logo
Bìoball air-loidhne

- Sanasan -




2 तीमुथियुस 2:21 - चम्बयाली नौआ नियम

21 तिय्यां ही जे अगर कोई विश्वासी मणू अप्पु जो हर तरिक्के री बुराई का बखरा करगा, तां तिसने तिस भांडे सांई ठैहरणा जे खास अवसर पर इस्तेमाल होणे तांइ ठैहराए गे रा है, जिस विश्वासी मणू री जिन्दगी पवित्र होणी तिसने अपणे मालिक तांइ बड़े कम्मे रा होणा।

Faic an caibideil Dèan lethbhreac




2 तीमुथियुस 2:21
21 Iomraidhean Croise  

पर प्रभु ने तिस बोल्लेया, जा, किजोकी शाऊल तां जो मैं चुणी लित्ते रा है कि से गैर यहूदियां, राज्जेयां अते इस्राएल रे लोक्कां बिच मेरा प्रचार करे।


इधेरे तांइ तिस पाप जो अप्पु बिच का हटाओ जिय्यां कि यहूदी मणू फसह री रोट्टी रा त्योहर का पैल्ले अपणे घरे का तराक्के रे आट्टे जो हटाई दिंदे थिये, तां फिरी तुसा ने इक्क इदेय पवित्र विश्वासियां रा समुह बणना जे पवित्र ते सुच्चे होई करी बगैर कुसकी पाप रे असर रे इक्क-दूए कने संगती करणे वाले मणू बणना किजोकी परमेश्वर ने तुसा जो पैल्ले का ही साफ करी दित्ते रा है ते तुसा जो पवित्र बणाई दित्ते रा है। तुसा जो हमेसा साफ ते सुच्चे तरिक्के कने जिन्दगी जीणी चाएदी किजोकी मसीह यीशु ने असा जो असा रे पाप्पां का अजाद करणे तांइ कुर्बानी दित्ती थी, जिस तरिक्के कने यहूदी मणू फसह रे त्योहर का पैल्ले अपणे घर का खमीर हटाई दिंदे।


अते ओ प्यारे संगी विश्वासियों, जां परमेश्वर ने असा कने ए वादा कित्ते रा है कि तिन्हा ने असा जो अपणे बच्चेयां रे रुप बिच अपणाई लैणा, इधेरे तांइ, आओ असी हर तरिक्के री बुराई जो छड्डी दैण, ते इक्क पवित्र जिन्दगी जीणे री कोसीस करदे रैह्ण।


ते परमेश्वर ने बड़ी उदारता कने तुसा जो हर किस्म री आशीष दे। जिस कने हर गल्ल बिच, हर बेल्ले तुसा का अपणी जरुरत री हर चीज रे, ताकि भले कम्म करणे तांइ तुसा का जरुरत का भी जादा रे।


किजोकी परमेश्वर ने असा जो बणाए रा है ते मसीह यीशु रे जरिये तिन्हा नौए मणू सांई तिन्हा भले कम्मां जो करणे तांइ बणाए गेरे हिन जिन्हा जो परमेश्वर ने इधेरे तांइ तैयार कित्ता कि असी से पूरे करण।


पर ओ तीमुथियुस, तू परमेश्वर री सेवा करणे वाला मणू है, तेरे जो जाणी करी इदेइ चीजां का टलणा चाएदा। हमेसा धार्मिकता, भक्ति ते विश्वास रे कम्म करणे री कोसीस करो। इक्क इदेइ जिन्दगी जियो जिस कने परमेश्वर जो आदरमान मिल्ले। मसीह रा आदरमान करो, सारे लोक्कां कने प्यार रख्खो, मुस्किल हालात्तां बिच हार मत मन्नों, लोक्कां कने नरमदिल होई करी रेयो।


पर अभक्त ते खोखली चीजां रे बारे बिच गल्ल-बात करणे का टलो, किजोकी जे मणू इदेइ अभक्ति वाली चीजां री गल्ल-बात करणे शामिल हुंदे से अप्पु भी अभक्त बणी जांदे।


बड्डे घरां बिच सोन्ने-चाँदी रे बर्तन हुंदे, किच्‍छ भांडे खास अवसर तांइ इस्तेमाल हुंदे ते किच्‍छ भांडे आम कम्मां तांइ इस्तेमाल हुंदे।


ताकि परमेश्वर रा मणू सिद्व बणे ते हर इक्क खरा कम्म करणे तांइ तैयार ते उत्सुक रे।


इस बेल्ले सिर्फ लूका मेरे कन्ने है। जां तू आणा तां अप्पु कने मरकुस जो लेई आए किजोकी सेवा रे कम्म बिच से मेरे तांइ बड़े कम्मे रा मणू है।


विश्वासी लोक्कां जो समझा कि से हाकिमां ते अधिकारियां री इज्जत करण, ते तिन्हेरे हुकमां जो मनण, ते हर इक्क मणू दुज्जेया तांइ ठीक कम्म करणे तांइ हर बेल्ले तैयार रे।


सिर्फ इन्ना ही नी पर तुसा जो विश्वासियां जो ए सिखाणे री जरुरत है कि से ठीक कम्म करणे तांइ मैहनत करणे बिच ध्यान लाण ताकि जरुरतमंद लोक्कां री जरुरतां जो पूरा करी सकण। इस कने विश्वासी लोक्कां जो इक्क ठीक मकसद कने जीणे बिच मदद मिलणी।


जे गल्लां मैं तुसा जो इस चीठ्ठी बिच बोल्ली री हिन से सारी भरोस्सेमंद हिन। ते मैं ए चाह्‍ंदा कि तुसा मणू इन्हा गल्लां रे बारे बिच डटी करी विश्वासी लोक्कां जो सिखाओ। ते से मणू भलाई रे कम्म करणे बिच अपणा ध्यान लाई रखण। ए शिक्षा हर इक्क जणे तांइ बदिया ते बड़ी मददगार हिन।


सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।


इन्हा मुसीबतां रा मकसद ए दर्शाणा है कि तुसा परमेश्वर पर विश्वास करदे भी या नी। मसीह बिच तुसा विश्वास सोन्ने का भी जादा कीमती है। जिय्यां कि सोन्ना जे इक्क दिन खत्म होई जाणा, तिसजो भी आग्ग बिच परखेया ते निखारेया जांदा। जे अगर तुसा रा विश्वास इन्नी कड़ी मुसीबतां रे बाद भी बणेया रैहन्दा, तां इसेरी वजह कने तुसा जो तिस दिन बड़ा आदरमान ते महिमा मिलणी जिस दिन मसीह यीशु ने हटी आणा।


हर कोई जे मसीह पर इदेयी आस रखदा, से अप्पु जो तिय्यां ही पवित्र रखदा, जिय्यां मसीह यीशु पवित्र है।


Lean sinn:

Sanasan


Sanasan