2 तीमुथियुस 2:2 - चम्बयाली नौआ नियम

² तुसा ने मते लोक्कां सामणे मेरे का मसीह रे बसेख रे बारे बिच सुणे रा है। इधेरे तांइ मैं चाह्‍ंदा कि तुसा भी तिस ही बसेख री शिक्षा तिन्हा भरोस्सेमंद विश्वासियां जो देयो जे होर लोक्कां जो सिखाणे रे काबिल हिन।

2 तीमुथियुस 2:2 Iomraidhean Croise

मत्ती 13:52

यीशु ने उन्हा जो बोल्लेया, दिख्खो, इधेरे तांइ हर इक्क शास्त्रि जे मेरे पर विश्वास करदा, से इक्क घर रे मालक सांई है, जे अपणे ज्ञान रे भण्डार बिच का पुराणी ते नौई शिक्षा लोक्कां जो सिखांदा।

मत्ती 24:25

दिख्खो मैं पैल्ले का ही तुसा जो सब किच्‍छ दस्सी रख्खे रा है।

लूका 12:42

यीशु ने जवाब दित्तेया, इदेया विश्वास लायक अते समजदार मुंशी कुण है, जिसेरा मालक तिसजो तिसेरे घर री देखभाल ते तिन्हेरे नौक्करां जो रोट्टी दैणे री जिम्मेदारी देई सको?

1 कुरुन्थियों 4:2

ते तिस बारे बिच फिरी परमेश्वर रे बसेख रा राज़ जिन्हा लोक्कां रे हवाले कित्ते गे रा है, तिन्हा तांइ जरुरी है कि से भरोस्सेमंद रैह्ण।

2 कुरुन्थियों 2:14

परमेश्वर रा शुकर हो, मसीह कने असा रा रिस्ता होणे री वजह कने से असा जो मसीह कने हमेसा लेई करी चलदे ते असा जो जीत दुआंदे। ते परमेश्वर अपणे मसीह जो जानणे री खुशबू जो इक्क महक सांई असा रे जरिये हर जगाह् फैलांदे।

2 कुरुन्थियों 3:5

असी नी बोलदे कि असा बिच अप्पु किच्‍छ करणे री काबलियत है, पर परमेश्वर असा जो ए सब करणे री काबलियत दिंदे।

कुलुस्सियों 1:7

तुसा ने इसेरी शिक्षा इपफ्रास का पाई, जे मसीह रे बसेख जो फैलाणे बिच असा रा साथी है ते असा पास्से का मसीह रा विश्वासयोग्य सेवक है।

1 तीमुथियुस 1:12

मैं असा रे प्रभु यीशु मसीह रा शुकर करदा कि तिन्हा ने मेरे जो ताकत दित्ती ते मेरे जो भरोस्सेमंद समजी करी अपणी सेवा करणे तांइ ठैहराया।

1 तीमुथियुस 1:18

मेरे पुत्तर तीमुथियुस, मेरे तेरे जो ए सलाह देया करदा है, मैं चाह्‍ंदा कि तू भविष्यद्वक्ता रे बोल्ले री गल्लां याद करे कि तेरे कने कै होणा। तेरे जो तिसेरी बोल्ली री गल्लां जो तिन्हा झूठ्ठी शिक्षा दैणे वाले लोक्कां रे खिलाफ हथियार सांई इस्तेमाल करणा जरुरी है।

1 तीमुथियुस 4:14

तुसा बिच जे आत्मिक वरदान है तिसजो नजरंदाज मत करो जे तुसा जो भविष्यवाणी रे जरिये तिस बेल्ले दित्तेया गेया थिया जां कलीसिया रे बुजुर्गां ने तुसा पर हत्थ रख्खे थिये।

1 तीमुथियुस 4:6

जे अगर तू संगी विश्वासियां जो इन्हा गल्लां री शिक्षां दिंदा रैह्‍ंगा, तां तैं मसीह यीशु रा खरा दास ठैहराणा ते तैं अपणे मन जो परमेश्वर रे वचन कने मजबूत करणा जिस जो असी बदिया का बदिया शिक्षा कने मनदे भी।

1 तीमुथियुस 5:22

जल्दबाजी बिच कुसकी भी मणू पर हत्थ रख्खी करी तिसजो परमेश्वर री सेवा करणे तांइ मुखिया मत बणांदे। कुसकी रे पाप बिच हिस्सेदार मत बणदे, अप्पु जो पवित्र बणाई रख्खो।

1 तीमुथियुस 6:12

जिय्यां इक्क खरा सिपाई लड़ाई रे मैदान बिच कदी हार नी मनदा तिय्यां ही तुसा जो भी परमेश्वर बिच विश्वास करणा ते तिन्हा रे हुकमां जो मनणा नी छडणा चाएदा ते हमेसा री जिन्दगी जो थाम्मि लेयो।

2 तीमुथियुस 3:10

पर तीमुथियुस तू साफ तौर पर जाणदा कि मैं कै सिखांदा ते मैं जिन्दगी किय्यां जिन्दा, ते मेरा मकसद कै है ते मैं कुस पर विश्वास करदा। तू जाणदा कि मैं सारे जणेया कने बड़ा सबर ते प्यार रख्खेया, मैं मुसीबतां भी सहन कित्ती, लोक्कां ने मेरे पर जुल्म भी कित्ते।

2 तीमुथियुस 3:14

पर ओ तीमुथियुस तू तिस शिक्षा जो पकड़ी रे जे तिज्जो सिखाए गे री है ते जिस बिच तू विश्वास करदा, आखिरकार तू जाणदा कि कुसने तेरे जो से सिखाए री हिन।

इब्रानियों 2:17

इधेरे तांइ तिन्हा जो चाएदा थिया कि हर गल्ल से इक्क आम इन्सान सांई बणे, ताकि से असा तांइ परमेश्वर रा दयालू ते विश्वासयोग्य प्रधान पुरोत्त बणी करी तिन्हेरी सेवा करी सके, ते असा रे पाप्पां री माफी तांइ अपणी जान देई दे।