2 तीमुथियुस 2:16 - चम्बयाली नौआ नियम

¹⁶ पर अभक्त ते खोखली चीजां रे बारे बिच गल्ल-बात करणे का टलो, किजोकी जे मणू इदेइ अभक्ति वाली चीजां री गल्ल-बात करणे शामिल हुंदे से अप्पु भी अभक्त बणी जांदे।

2 तीमुथियुस 2:16 Iomraidhean Croise

1 कुरुन्थियों 15:33

तिन्हेरी इदेइ गल्लां कने धोखा मत खांदे, “बुरी सगंत ठीक चरित्र जो खराब करी दिंदी।”

1 कुरुन्थियों 5:6

तुसा घमंड करणा छड्डी देयो। जिय्यां कि तुसा जाणदे कि जरा करी तराक पूरे गुह्ने रे आट्टे जो तराक्की दिंदा तिय्यां ही जां कोई इक्क मणू पाप करदा रैहन्दा तां तिस वजह कने तिसेरे कन्ने रे सारे मणू तिस असर बिच पाप करणा लग्गी पैंदे।

1 तीमुथियुस 1:9

असी जाणदे कि मूसा रा कानून धार्मिक लोक्कां तांइ नी है बल्कि अधार्मिक लोक्कां ते परमेश्वर रे विद्रोही लोक्कां तांइ है, परमेश्वर जो ना मनणे वाले ते हमेसा पाप करणे वाले लोक्कां तांइ, दुष्ट लोक्कां ते परमेश्वर री बेजती करणे वाले लोक्कां तांइ, अपणे मां-प्यो ते दूए लोक्कां रे हत्यारेयां तांइ है,

1 तीमुथियुस 4:7

पर नासमझी री मनघड़ंत कहाणिया बिच समय मत बर्बाद जिस कने परमेश्वर जो आदरमान नी मिलदा पर तुसा जो अप्पु जो ईश्वरीय जिन्दगी जीणा सिखाणा चाएदा।

1 तीमुथियुस 6:20

ओ तीमुथियुस, इस जिम्मेदारी रा ध्यान रख्खे कि तू से कम्म जरुर करे जे करणे तांइ परमेश्वर ने तिज्जो चुणे रा है, मनघड़ंत ते खोखली गल्लां का दुर रेयो जे सुनणे बिच समजदारी री गल्लां लगदी।

2 तीमुथियुस 2:14

विश्वासियां जो लगातार इन्हा गल्लां री शिक्षा दे, ते प्रभु जो गवाह मन्नी करी तिन्हा लोक्कां जो चिताइ दे कि से शब्दां रे मतलबां पर बैह्सबाजी ना करेया करण जिस कने कोई फायदा नी हुंदा, बल्कि तिन्हा जो सुनणे के विश्वासियां रे विश्वास कमजोर होई जांदा।

2 तीमुथियुस 2:21

तिय्यां ही जे अगर कोई विश्वासी मणू अप्पु जो हर तरिक्के री बुराई का बखरा करगा, तां तिसने तिस भांडे सांई ठैहरणा जे खास अवसर पर इस्तेमाल होणे तांइ ठैहराए गे रा है, जिस विश्वासी मणू री जिन्दगी पवित्र होणी तिसने अपणे मालिक तांइ बड़े कम्मे रा होणा।

2 तीमुथियुस 3:13

पर दुष्ट ते धोख्खेबाज लोक्कां ने होर भी जादा बुरे कम्म करणे। तिन्हा ने लोक्कां जो धोख्खा दैणा ते तिन्हा ने अप्पु भी लोक्कां धोख्खा खाणा।

तीतुस 1:11

इदेय लोक्कां जो बाकि विश्वासियां जो सिखाणे का रोक्को किजोकी जां से इदेइ गल्लां सिखांदे तां से पूरे परिवार रे विश्वास जो बर्बाद करी दिंदे। से इय्यां इधेरे तिकर करदे ताकि से पैसे कमाई सकण।

तीतुस 1:14

यहूदियां री तिन्हा बेकार री कहाणियां ते इन्सानी हुकमां पर कोई ध्यान मत देयो। ए सारी तिन्हा गल्लां लोक्कां मन री घड़े री गल्लां जे सच्चाई जो नी मनदे।

तीतुस 3:9

पर तुसा तिन्हा फालतू री बैह्सबाजी ते लड़ाई-झगड़े का दुर रेयो जे पूरखां ते मूसा रे कानून रे बारे बिच हुंदे। किजोकी से बेकार ते कुसकी भी फायदे री नी हिन।

इब्रानियों 12:15

ते चुकन्ने रेयो, कुते इय्यां ना हो कि कोई परमेश्वर रे अनुग्रह का अछुता रेई जाओ, ते तुसा तांइ इक्क मुसीबत री वजह बणी जाए। इदेया कोई भी मणू अप्पु ता परमेश्वर रे सच्चे रस्ते का दुर चली जांदा ते मते जणेया तांइ परमेश्वर री सच्चाई का भटकणे री वजह बणी सकदा।

2 पतरस 2:18

जां से लोक्कां जो सिखाणा लगदे, तां से बेकार ते घमंड कने भरपूर शब्दां रा इस्तेमाल करदे। से लोक्कां जो ए सिखांदे कि से अपणे सरीर री बेशर्मी भरी इच्छां जो पूरा करी सकदे। ते से लोक्कां जो पाप री से ही चीजां करणे बिच दुबारा भटकाई दिंदे जिस जो करणा तिन्हा ने हाल ही बिच छड्डे रा हुंदा।

2 पतरस 2:2

परमेश्वर रे मते लोक्कां ने इन्हा झूठ्ठे शिक्षकां रे गलत कम्मां जो करणा, ते जे चीजां से मणू करदे, तिसेरी वजह कने लोक्कां ने सही रस्ते री बुराई करणी।

प्रकाशित वाक्य 13:14

तिन्हा चिन्ह-चमत्कारां री वजह कने जिन्हा जो उस ड्रोणे जानवर रे सामणे दिखाणे रा हक तिसजो दित्तेया गेया थिया, से धरती बिच रैह्णे वाले लोक्कां जो इस तरिक्के कने भटकान्दा थिया, कि धरती रैह्णे वालेयां जो बोलदा थिया, कि जिस जानवर री तलवार लग्गी री थी, से जी गेया, तिसेरी मूर्ति बणाओ।

प्रकाशित वाक्य 13:3

ते मैं तिसेरे सिरां बिच का इक्क पर इदेया वरी जख्म दिख्खेया, मन्नो से मरणे वाला हो, फिरी तिसेरा जानलेवा जख्म ठीक होई गेया, ते धरती रे मणू तिस ड्रोणे जानवर रे पीच्छे-पीच्छे हैरान होई करी चली पे।