2 तीमुथियुस 2:13 - चम्बयाली नौआ नियम

¹³ भले ही अगर असी मसीह कने भरोस्सेमंद बणी करी नी रैह्‍न्दे तां भी मसीह ने असा कने भरोस्सेमंद रैह्णा, किजोकी से अपणे असली स्वभाव रे उलट कम्म नी करी सकदे।

2 तीमुथियुस 2:13 Iomraidhean Croise

मत्ती 24:35

आसमान ते जमीन टली जाणे पर मेरी गल्लां बगैर पूरे होए नी टलणी।

रोमियों 3:3

जे अगर किच्‍छ यहूदी मणू परमेश्वर कने भरोसेमंद ना रे तां कै होया? तिन्हेरे भरोसेमंद ना होणे रे बावजूद भी परमेश्वर ने तिन्हा कने अपणे वादे जो पूरा करणे बिच भरोसेमंद रैह्णा।

रोमियों 9:6

पर इय्यां नी है कि परमेश्वर अपणे वादे जो निभाणे बिच नाकाम होई गे, किजोकी इस्राएल रे ‍खानदान रा हर मणू परमेश्वर रा मणू नी है।

1 कुरुन्थियों 1:9

परमेश्वर अपणी हर इक्क गल्ल बिच भरोस्सेमंद हिन, ते तिन्हा ने अपणे पुत्तर प्रभु यीशु मसीह कने तुसा रा रिस्ता जोड़णे तांइ सद्दे रा है।

1 थिस्सलुनीकियों 5:24

परमेश्वर ने इय्यां ही करणा किजोकी परमेश्वर जिन्हा ने तुसा जो सद्दे रा है से विश्वासयोग्य हिन।

2 थिस्सलुनीकियों 3:3

पर प्रभु भरोस्सेमंद हिन, तिन्हा ने तुसा जो आत्मिक रुप कने मजबूत बनाणा ते तुसा जो शैतान का बचाई रखणा।

तीतुस 1:2

इसेरे अंजाम रे तौर पर से मणू परमेश्वर कने जीणे री आस बिच रैहन्दे किजोकी परमेश्वर जे कदी झूठ नी बोलदे तिन्हा ने दुनिया बणाणे का पैल्ले ही इस गल्ल रा वादा करी दित्तेया थिया कि तिन्हेरे मणूआं ने हमेसा-हमेसा तांइ जीणा।

इब्रानियों 6:18

इधेरे तांइ परमेश्वर ने असा कने वादा कित्तेया, ते तिन्हा ने असा कने कसम खाई। ए दो गल्लां बदली नी सकदी, किजोकी ए नामुमकिन है कि परमेश्वर झूठ बोल्ले। इधेरे तांइ असी जे तिन्हा का शरण लैणे तांइ, तिन्हा का गेरे हिन, ते जे आस तिन्हा ने असा जो दित्ते री है, तिसजो पाणे तांइ बड़े प्रोत्साहित हिन।