2 तीमुथियुस 2:12 - चम्बयाली नौआ नियम

¹² जे अगर असी मसीह तांइ सबर कने सहन करदे रैह्‍ंगे, तां असी तिन्हा कने राज भी करणा, पर जे अगर असी तिन्हेरा इन्कार करगे, तां तिन्हा ने भी असा रा इन्कार करणा।

2 तीमुथियुस 2:12 Iomraidhean Croise

मत्ती 10:33

पर जे मणूआं रे सामणे मेरे जो नी अपनांगा, मैं भी तिसजो अपणे पिता रे सामणे जे स्वर्ग बिच हिन, नी अपनाणा।

मत्ती 26:35

पतरस ने तिन्हा जो बोल्लेया, जे मेरे जो तुसा कने मरणा भी पे, तां भी मैं तुसा का कदी नी मुकरणा ते इदेया ही सारे चेल्‍लेयां ने भी बोल्लेया।

मत्ती 26:75

तां पतरस जो यीशु जी री बोल्ले री गल्ल याद आई मुर्गे रे बांग दैणे का पैल्ले तू तीन्न वरी मेरा इन्कार करणा ते से बाहर जाई करी फूटी-फूटी करी रोणा लग्गेया।

मरकुस 10:33

“दिख्खो, असी यरुशलेम सहर जो जाया करदे हिन, अते मणू रा पुत्तर, जे मैं ही है बड्डे पुरोत्तां ते शास्त्रियां रे हत्थे पकड़ाया जाणा, अते तिन्हा ने मेरे जो मौत री सजा दैणी अते मेरे जो रोमी राज रे लोक्कां का पकड़वाई दैणा।

मरकुस 8:38

जे कोई इस व्यभिचारी ते पाप्पी जुग बिच मेरे ते मेरे सुब बसेख का शर्मसार हुंदा, तां मणू रे पुत्तर ने भी, जे मैं ही है, तिन्हा लोक्कां का तिस दिन शर्मसार होणा जां मैं अपणे स्वर्गीय पिता री महिमा बिच अपणे पवित्र स्वर्गदूतां कने हटणा।

लूका 12:9

पर, जे मणूआं रे सामणे मेरे का मुक्करगा, तिसेरा परमेश्वर रे स्वर्गदूतां सामणे इन्कार कित्तेया जाणा

लूका 22:29

कने जिय्यां मेरे पिता-परमेश्वर ने मेरे जो राज करणे तांइ इक्क प्रदेश दित्ते दा है, तिय्यां ही मैं भी तुसा जो राज करणे तांइ इक्क प्रदेश पर पूरा हक्क दिन्दा

लूका 22:30

ताकि तुसा मेरे राज अदंर मेरे मेज पर बेई करी मेरे कन्ने रोट्टी खाण अते सिंहासनां पर बेई करी इस्राएल रे बारा गोत्रां रे मणूआं रा फैसला करण।

लूका 9:26

जे मणू मेरे ते मेरे सुब बसेख का शर्मसार हुंदा, मणू रे पुत्तर, जे मैं ही है ने भी, जां अपणी, ते अपणे पिता-परमेश्वर री, ते पवित्र स्वर्गदूतां कने महिमा कने आणा, तां तिन्हा मणूआं जो भी पछियानणे का मुकरी जाणा

प्रेरितां रे कम्म 14:22

ते हर इक्क कस्बे बिच जाई करी चेल्‍ले रे मन जो मजबूत करदे रे ते ए उपदेस दिंदे थिये, कि विश्वास बिच बणे रेयो, ते ए बोलदे थिये कि असा जो बड़े दुख सहन करी के परमेश्वर रे राज बिच पुजणा है।

रोमियों 5:17

इक्क मणू रे पाप करणे री वजह कने मौत सारे लोक्कां बिच फैल्ली गेई, पर तिसका जादा बदधी करी परमेश्वर री अनौखा अनुग्रह ते धार्मिकता रा दान है, किजोकी जिन्हा ने भी ए दान पाणा, तिन्हा ने मसीह यीशु रे जरिये पाप ते मौत पर जीत हासिल करी के हमेसा री जिन्दगी पाई लैणी।

रोमियों 8:17

ते जे अगर असी परमेश्वर री औलाद्दां हिन तां असी तिन्हेरे वारिस भी हिन। बल्कि असी मसीह यीशु कने परमेश्वर री महिमा रे वारिस हिन। जे अगर असी मसीह यीशु सांई जुल्म सैह्‍ंदे, जे असी अब्बे सहन करेया भी करदे हिन, तां असा ने भी तिन्हेरी महिमा बिच हिस्सा पाणा।

फिलिप्पियों 1:28

कुसकी भी तरिक्के कने अपणे दुश्मणा का मत डरो, तुसा री हिम्मत तिन्हेरे विनास री निशानी है, पर ए तुसा तांइ छुटकारे री निशानी है ते ए परमेश्वर रे पास्से का है।

1 तीमुथियुस 5:8

पर जे अगर कोई मणू अपणे रिस्तेदारां री ते खासतौर पर अपणे परिवार रे मणूआं री फिकर ना करे तां से मणू मसीह बिच विश्वास करणे का मुकरी गे रा है ते अविश्वासी का भी जादा बत्तर होई गे रा है।

यहूदा 1:4

मेरा तुसा जो ए चीठ्ठी लिखणे रा मकसद ए है कि किच्‍छ इदेय मणू तुसा लोक्कां बिच मझाटे मिली गेरे हिन जे मसीह यीशु बिच विश्वास करणे रा ढोंग करदे। से परमेश्वर रा आदरमान नी करदे ते से मणू ए सिखांदे कि परमेश्वर असा रे पाप्पां जो माफ करी दिंदे इधेरे तांइ असी अनैतिक जिन्दगी जी सकदे। से मसीह यीशु जो नक्कारदे जे असा रे मालिक ते प्रभु हिन।

प्रकाशित वाक्य 1:6

तिन्हा ने असा कने प्यार कित्ता। तिन्हा ने सुली पर अपणा खून बहाई करी असा रे पाप्पां रा मुल्ल चुकाया। इसेरी वजह कने असी पुरोत्तां रा परिवार बणी गेरे हिन जे तिन्हेरे पिता यानी परमेश्वर री सेवा करदे। परमेश्वर ने असा जो तिन्हेरे अपणे मणू बणाया जिन्हा पर से राज करदे। इस वजह कने मसीह यीशु जो महिमा ते ताकत हमेसा-हमेसा तांइ मिल्ले, आमीन!

प्रकाशित वाक्य 1:9

मैं यूहन्ना सबर कने तुसा कने तिन्हा जुल्मां जो सहन करणे बिच तुसा रा साथी है जे असा पर मसीह कने रिस्ता होणे री वजह हुंदे, ते मैं परमेश्वर रे राज बिच तुसा रा साथी है। परमेश्वर रा बसेख सुनाणे ते यीशु रे सच्चे वचन रा प्रचार करणे री वजह कने रोमी साम्राज्य रे अधिकारियां ने मेरे जो पतमुस टाप्पु पर भेज्जी दित्ते रा है।

प्रकाशित वाक्य 2:13

मैं जाणदा कि तुसा रा कस्बा शैतान रे वस बिच है, पर इय्यां हुंदे होए भी तुसा ने मेरे बिच अपणा विश्वास मजबूती कने बणाई रख्खेया ते मेरे पर विश्वास करणा नी छड्डेया, तिस बेल्ले भी नी जां लम्बे समय पैल्ले अन्तिपास जो मारी दित्तेया गेया थिया। से मेरा बसेख सुनाणे बिच भरोस्सेमंद थिया, इधेरे तांइ तिसजो तुसा रे कस्बे बिच मारी रख्खेया गेया जित्ते शैतान रा काबू है।

प्रकाशित वाक्य 20:4

फिरी मैं सिहांसन दिख्खे, ते तिन्हा पर मणू बेई गे, ते तिन्हा जो इंसाफ करणे रा हक्क दित्तेया गेया, मैं तिन्हा री आत्‍मा जो भी दिख्खेया, जिन्हेरे सिर यीशु री ग्वाही दैणे ते परमेश्वर रे वचन रे वजह कने कटी दित्ते गे, ते जिन्हा ने ना तिस ड्रोणे जानवर री ते तिसेरी मूर्ति री पूजा कित्ती थी, ते ना तिसेरी छाप अपणे मत्थे ते हत्थां पर लित्ती थी, से जिन्दे होई करी मसीह यीशु कने हजार साल्लां तिकर राज करदे रेय।

प्रकाशित वाक्य 3:10

इधेरे तांइ तुसा ने सबर कने जुल्मां जो सैह्णे रा मेरा हुकम मन्नेया। तिस वजह कने, मैं तुसा जो परिक्षा रे समय बिच बचाणा। ए परिक्षा रा समय दुनिया रे हर इन्सान री जिन्दगी बिच आणा।

प्रकाशित वाक्य 3:21

जिन्हा लोक्कां ने दुष्ट पर जीत हासिल करणी, तिन्हा जो मैं अपणे कने सिंहासन पर बैठाणा, जिय्यां मैं भी दुष्ट जो हराई करी अपणे पिता कने तिन्हेरे सिंहासन पर बेई गेया।

प्रकाशित वाक्य 3:8

मैं तेरे कम्मां जो जाणदा, सुण, मैं जाणदा कि तेरे का बड़ी घट ताकत है, पर तू फिरी भी मेरी गल्लां रे मुताबिक चलेया, ते तू मेरे पर विश्वास करणे का कदी नी मुकरेया। इधेरे तांइ मैं तेरे तांइ इक्क दुआर जदेया खोल्ली दित्ते रा है जिस जो कोई भी बांद्द नी करी सकदा।

प्रकाशित वाक्य 5:10

तू तिन्हा जो इदेय मणूआं बिच बदली दित्ता जिन्हा पर परमेश्वर राज करदे, ते तिन्हा जो पुरोत्त बणाई दित्ता जे परमेश्वर री सेवा करदे, ते तिन्हा लोक्कां ने धरती पर राज करणा।