2 तीमुथियुस 2:11 - चम्बयाली नौआ नियम

¹¹ ए गल्ल सच्ची ते भरोस्सेमंद है कि जे अगर असी मसीह कने मरी गेरे हिन, तां असी तिन्हा कने जिन्दे भी होई जाणा।

2 तीमुथियुस 2:11 Iomraidhean Croise

यूहन्ना 14:19

अवे थोड़ी ही देर बाद दुनिया रे लोक्कां ने मेरे जो नी दिख्खणा, पर तुसा ने मेरे जो दिख्खणा, किजोकी मैं जिंदा है, इधेरे तांइ तुसा भी जिंदे रैह्णा।

रोमियों 6:5

किजोकी जे अगर असी बपतिस्मा लेई करी तिन्हेरे सांई मरी गे, तां जिय्यां से फिरी जिन्दे कित्ते गे तिय्यां ही असी भी फिरी जिन्दे कित्ते जाणे।

रोमियों 6:8

इधेरे तांइ जे अगर असी मसीह यीशु सांई मरी गे, तां असा रा विश्वास है कि असी तिसेरे कने जीणा भी।

2 कुरुन्थियों 13:4

मसीह यीशु सरीर री कमजोरी बिच सुली पर चढाई करी मारे गे, ते अवे परमेश्वर री ताकत रे जरिये जिया करदे हिन, तिस्सी तरिक्के कने असी भी मसीह यीशु सांई सरीर रे तौर पर कमजोर हिन, पर असी परमेश्वर री ताकत कने तुसा रे मामलेयां जो निपटाणे तांइ, मसीह यीशु कने जीणा।

2 कुरुन्थियों 4:10

असी हर बेल्ले मसीह यीशु री तकलिफां ते मरणे रे अनुभव जो अपणे सरीर बिच महसूस करदे ताकि मणू मसीह यीशु रे जिन्दगी जो असा रे कम्मां रे जरिये जाणी सकण।

1 थिस्सलुनीकियों 4:17

तां असी जे जिन्दे विश्वासी होणे तिन्हा कने ही बदलां पर चुक्की लित्ते जाणे ताकि आसमान बिच प्रभु कने मिलण, ते इसी तरिक्के कने असी हमेसा तांइ प्रभु यीशु कने रैह्णा।

1 थिस्सलुनीकियों 5:10

प्रभु यीशु मसीह असा तांइ इधेरे तांइ मरे ताकि भले ही असी जिन्दे होण या मरी गेरे होण पर जां यीशु मसीह हटी करी आए तां असी तिन्हा कने मिली करी जीण।

1 तीमुथियुस 1:15

जे गल्लां मैं तुसा जो दस्सी से सच्ची ते पूरी तरिक्के कने भरोस्सेमंद हिन किजोकी मसीह यीशु असी पाप्पी लोक्कां जो छुटकारा दैणे तांइ इस दुनिया बिच आए ते तिन्हा बिच सबका बड्डा पाप्पी मैं है।

1 तीमुथियुस 3:1

ए गल्ल ता सच है कि जे मणू कलीसिया रा बड्डा मुखिया बणना चाह्‍ंदा से मणू बड़ी जादा इज्जतदार कम्म री चाह्‍त रखदा।

तीतुस 3:8

जे गल्लां मैं तुसा जो इस चीठ्ठी बिच बोल्ली री हिन से सारी भरोस्सेमंद हिन। ते मैं ए चाह्‍ंदा कि तुसा मणू इन्हा गल्लां रे बारे बिच डटी करी विश्वासी लोक्कां जो सिखाओ। ते से मणू भलाई रे कम्म करणे बिच अपणा ध्यान लाई रखण। ए शिक्षा हर इक्क जणे तांइ बदिया ते बड़ी मददगार हिन।