2 तीमुथियुस 2:10 - चम्बयाली नौआ नियम

¹⁰ इधेरे तांइ मैं परमेश्वर रे चुणे रे लोक्कां री भलाई तिकर हर तरिक्के रे दुख-तकलीफ जो सहन करी लिंदा, ताकि से मणू भी मसीह यीशु बिच विश्वास करण ते छुटकारा पाण, ते तिस महिमा जो हासिल करण जे हमेसा-हमेसा तांइ रैह्णी।

2 तीमुथियुस 2:10 Iomraidhean Croise

मत्ती 24:22

अगर से दिन घटाए ना गेरे हुदें तां मणू ही नी बचदा, पर चुणे रे लोक्कां री वजह कने से दिन घटाए जाणे।

मत्ती 24:24

किजोकी झूठ्ठे मसीह ते झूठ्ठे भविष्यद्वक्ता खड़ी उठणे, ते बड्डी-बड्डी चीजां ते हैरान करणे वाले चमत्कार दिखाणे कि जे होई सके ते चुणे रे लोक्कां जो भी भड़काई दैण।

मत्ती 24:31

तिन्हा ने तुरही री बड़ी अवाज कने अपणे स्वर्गदूतां जो अग्गे भेजणा, ते तिन्हा आसमान रे इस कुणे का लेई करी तिस कुणे तिकर, चारों पास्से का तिन्हेरे चुणे रे लोक्कां जो कठेरणा।

लूका 18:7

तां कै परमेश्वर अपणे चुणे दे मणूआं पर ध्यान नी दिह्गां, जे तिन्हा जो रात-ध्याड़ी चेता करदे अते मन्गदे कि असा जो फैसला कर? कै परमेश्वर ने तिन्हेरी सुनणे तांइ बड़ी हाण लगागाँ?

लूका 22:57

पर, पतरस ने तिस जनानी जो बोल्लेया कि मैं तां तिसजो जाणदा भी नी कि से कुण है

यूहन्ना 11:52

ते ना सिर्फ उस जाति तांइ पर इस तांइ भी परमेश्वर रे तित्तर-बित्तर बच्चेयां जो भी इक्क करी दे।

यूहन्ना 17:24

ओ पिता जी! जे मणू तुसा मेरे जो दित्ते हिन, मैं चाह्‍ंदा कि जित्ते मैं है, से भी मेरे कने हो ताकि से मेरी उस बड़ाई जो दिख्खी सकण जे तुसा ने मेरे जो दित्ती है किजोकी दुनिया री रचना का भी पैल्ले तुसा मेरे कने प्यार करदे हिन

यूहन्ना 17:9

मैं दुनिया रे लोक्कां तांइ प्रार्थना नी करदा जे गलत तौर-तरिक्के पर चलदे, पर सिर्फ तिन्हा लोक्कां तांइ जिन्हा जो तुसा मेरे जो सौंपेया, किजोकी से तुसा रे हिन।

रोमियों 2:7

जे ठीक कम्मां बिच टिके रेई करी महिमा, इज्जत ते हमेसा री जिन्दगी री खोज बिच हिन, परमेश्वर ने तिन्हा लोक्कां जो हमेसा री जिन्दगी दैणी।

रोमियों 9:23

परमेश्वर ने तिन्हा लोक्कां पर अपणी महिमा ज़ाहिर करी कित्ता, जिन्हा जो तिन्हा ने अपणी महिमा दैणे तांइ चुणेया थिया।

1 कुरुन्थियों 1:21

जां परमेश्वर ने अपणे ज्ञान कने ए समजी लेया कि दुनिया ने तिन्हा जो कदी अपणी इन्सानी समझ कने नी दिख्खी सकणा, तां तिन्हा ने असा रे सुब बसेख रे प्रचार जो इस्तेमाल कित्तेया ताकि विश्वास करणे वाले मणूआं जो बचाए जिस जो कई मणू बेवकूफी समजदे।

1 कुरुन्थियों 9:22

जां मैं विश्वास बिच कमजोर लोक्का कने रेया तां मैं तिन्हा सांई ही बर्ताव कित्ता ताकि मैं तिन्हा मसीह बिच छिक्की अणा। मैं सबणी मणूआं तांइ सब किच्‍छ बणेया कि कुसकी-ना-कुसकी तरिक्के कने मते जणेया रा छुटकारा कराई सकां।

2 कुरुन्थियों 1:6

असी इस उम्मीद बिच जुल्म सहन करदे कि जिय्यां परमेश्वर ने असा जो तसल्ली दित्ती, तिय्यां ही तिन्हा ने तुसा जो भी तसल्ली दैणी। से तसल्ली मिलणे री वजह कने तुसा भी बड़े सबर कने तिन्हा जुल्म जो सेइ लैणा जिन्हा जो असी भी सहन करेया करदे हिन।

2 कुरुन्थियों 12:15

मैं अपणा सारा किच्‍छ तुसा जो देई दैणा, इत्ते तिकर की मैं अप्पु जो भी तुसा जो देई दैणा। मैं तुसा जो बड़ा वरी प्यार करदा, पर इय्यां लगदा कि तुसा मेरे जो घट ही प्यार करदे।

2 कुरुन्थियों 4:15

जे किच्‍छ असा कने घटे रा है, से तुसा रे फायदे तांइ ही हिन ताकि जिय्यां परमेश्वर रा अनुग्रह जादा का जादा लोक्कां जो मसीह बिच लेई आया करदा है तिस कने मते लोक्कां ने परमेश्वर रा तिन्हेरी महिमा तांइ शुकर करणा।

2 कुरुन्थियों 4:17

किजोकी असा री मुसीबतां छोटी हिन ते तिन्हा ने जादा हाण तांइ नी रैह्णा किजोकी तिन्हेरे अंजाम “हमेसा री महिमा” होणा, जे तिस हर कुसकी चीज का बड्डी भी है, जिसेरे बारे बिच असी कदी सोच्ची भी नी सकदे।

इफिसियों 3:13

इधेरे तांइ मैं तुसा का छंदे करदा कि जे किच्‍छ मैं तुसा तांइ सहन करेया करदा है, तिसेरी वजह कने तुसा हिम्मत मत हारो, किजोकी तुसा जो गर्व महसूस करणा चाएदा कि मैं तुसा तांइ ए सब चीजां सहन करणा चाह्‍ंदा।

कुलुस्सियों 1:24

मेरे जो तुसा तांइ जुल्म झेलणे बिच खुसी हुंदी, मैं इस गल्ल बिच खुस है कि मैं मसीह रे सरीर तांइ, जे तिन्हेरी कलीसिया है, आखरी समय तिकर मसीह रा अपणी कलीसिया तांइ जुल्म झेलणे बिच जे भी कम्म अधुरा रेई गे रा हो, तिसजो पूरा करदे रैह्णा।

कुलुस्सियों 1:27

किजोकी परमेश्वर ने चाएया कि तिन्हेरे मणू जाणे कि मसीह री शोहरत ते महिमा गैर यहूदियां तांइ भी है, ते से राज़ मसीह है, जे तुसा बिच वास करदे जे असा री परमेश्वर री महिमा बिच हिस्सेदार बणने री आस है।

1 थिस्सलुनीकियों 5:9

किजोकी परमेश्वर ने असा जो अपणे गुस्से बिच सजा दैणे तांइ नी चुणे रा है पर मसीह यीशु रे जरिए छुटकारा पाणे तांइ चुणे रा है।

2 तीमुथियुस 1:1

मैं पौलुस ए चीठ्ठी तीमुथियुस जो लिख्खेया करदा है। परमेश्वर ने मेरे जो मसीह यीशु रा प्रेरित बणने तांइ चुणे रा है ताकि मैं तिस बसेख रा प्रचार करां कि परमेश्वर ने सारे लोक्कां जो से हमेसा री जिन्दगी दैणा रा वादा कित्ते रा है जे मसीह यीशु बिच विश्वास करणे रे जरिये मिलदी।

2 तीमुथियुस 2:1

इधेरे तांइ ओ मेरे पुत्तर तीमुथियुस, होंसला रख, किजोकी तू जाणदा कि परमेश्वर ने तेरे जो से अनुग्रह दित्ते रा है जे सिर्फ मसीह कने रिस्ता बणाणे रे जरिये मिलदी।

2 तीमुथियुस 2:3

काफी हद तिकर जिय्यां इक्क सिपाई लड़ाई रे मैदान बिच मुस्किल हालात रा सामणा करदा, तिय्यां ही तुसा जो भी मुस्किल हालात रा सामणा करणा चाएदा जिय्यां असी मसीह तांइ मुसीबतां सैह्‍ण करेया करदे हिन।

तीतुस 1:1

मैं पौलुस ए चीठ्ठी तीतुस जो लिख्खेया करदा है, मैं परमेश्वर रा दास ते यीशु मसीह रा प्रेरित है। मैं परमेश्वर रे चुणे रे लोक्कां रा मसीह बिच विश्वास मजबूत करणे ते मसीह रे बसेख री सच्ची शिक्षा दसणे तांइ चुणेया गे रा है ताकि से मणू इदेइ जिन्दगी जीण जिस कने परमेश्वर खुस हुंदे।

1 पतरस 2:10

भविष्यद्वक्ता होशे ने तुसा रे बारे बिच जे लिख्खे रा है से सही ही है, “पैल्ले तुसा परमेश्वर रे मणू नी थिये पर अवे तुसा परमेश्वर रे मणू हिन। पैल्ले तुसा परमेश्वर रे दया जो नी जाणदे थिये पर अवे तुसा जाणदे किजोकी तिन्हा ने तुसा पर दया करी दित्ते री है।”

1 पतरस 5:10

परमेश्वर जे पूरे तरिक्के कने अनुग्रह कने भरित्ते रे हिन, तिन्हा ने असा रा मसीह कने रिस्ता होणे री वजह कने अपणी हमेसा तिकर रैह्णी वाली महिमा बिच हिस्सेदार बणने तांइ सद्दे रा है। तुसा रे थोड़े समय तिकर जुल्म सैह्णे का बाद परमेश्वर ने तुसा जो खरा मणू बनाणा ताकि तुसा बिच कोई खोट ना रे ते तिन्हा ने तुसा रे दिल जो मजबूत बनाणा ताकि तुसा तिन्हा बिच विश्वास करणे बिच मजबूत बणो।