2 तीमुथियुस 2:1 - चम्बयाली नौआ नियम

¹ इधेरे तांइ ओ मेरे पुत्तर तीमुथियुस, होंसला रख, किजोकी तू जाणदा कि परमेश्वर ने तेरे जो से अनुग्रह दित्ते रा है जे सिर्फ मसीह कने रिस्ता बणाणे रे जरिये मिलदी।

2 तीमुथियुस 2:1 Iomraidhean Croise

1 कुरुन्थियों 16:13

चुकन्ने रेयो, मसीह यीशु बिच विश्वास करणे बिच स्थिर बणो, हिम्मतवाले बणो, ते विश्वास बिच मजबूत बणो।

इफिसियों 6:10

आखिरकार तुसा परमेश्वर री ताकत बिच आत्मिक रुप बिच अप्पु भी ताकतवर बणदे जाओ।

फिलिप्पियों 4:13

मसीह मेरे जो ताकत दिंदा ते तिस बिच मैं सब किच्‍छ करी सकदा।

1 तीमुथियुस 1:18

मेरे पुत्तर तीमुथियुस, मेरे तेरे जो ए सलाह देया करदा है, मैं चाह्‍ंदा कि तू भविष्यद्वक्ता रे बोल्ले री गल्लां याद करे कि तेरे कने कै होणा। तेरे जो तिसेरी बोल्ली री गल्लां जो तिन्हा झूठ्ठी शिक्षा दैणे वाले लोक्कां रे खिलाफ हथियार सांई इस्तेमाल करणा जरुरी है।

1 तीमुथियुस 1:2

मसीह यीशु बिच विश्वास करणे री वजह कने तीमुथियुस तू मेरा सच्चा मुंडा है। असा रे पिता परमेश्वर ते मसीह यीशु तेरे जो अनुग्रह ते सांती दिंदे रैह्ण।

2 तीमुथियुस 1:1

मैं पौलुस ए चीठ्ठी तीमुथियुस जो लिख्खेया करदा है। परमेश्वर ने मेरे जो मसीह यीशु रा प्रेरित बणने तांइ चुणे रा है ताकि मैं तिस बसेख रा प्रचार करां कि परमेश्वर ने सारे लोक्कां जो से हमेसा री जिन्दगी दैणा रा वादा कित्ते रा है जे मसीह यीशु बिच विश्वास करणे रे जरिये मिलदी।

2 तीमुथियुस 1:2

ओ तीमुथियुस तू मेरा प्यारा मुंडा है। पिता परमेश्वर ते असा रे मसीह यीशु तुसा पर अनुग्रह करदे रैह्ण।

2 तीमुथियुस 1:7

किजोकी परमेश्वर ने असा जो डरपोक नी बणाए रा है। बल्कि तिन्हेरा आत्‍मा असा जो आत्मिक ताकत दिंदा, ते असा जो दूए लोक्कां कने प्यार करणे बिच मदद करदा ते असा जो अप्पु पर काबू रखणे री ताकत दिंदा।

2 तीमुथियुस 2:10

इधेरे तांइ मैं परमेश्वर रे चुणे रे लोक्कां री भलाई तिकर हर तरिक्के रे दुख-तकलीफ जो सहन करी लिंदा, ताकि से मणू भी मसीह यीशु बिच विश्वास करण ते छुटकारा पाण, ते तिस महिमा जो हासिल करण जे हमेसा-हमेसा तांइ रैह्णी।

2 तीमुथियुस 4:17

पर प्रभु ही मेरे मददगार रे ते तिन्हा ने मेरे जो ताकत दित्ती जिसेरी वजह कने मैं साफ तौर पर मसीह रे बसेख रे बारे बिच प्रचार करी सकेया ते तित्ते मौजूद सारे गैर यहूदी लोक्कां ने मसीह रा बसेख सूणन ते तिन्हा ने मेरे जो मौत रे खतरे का इय्यां बचाया जिय्यां कि मैं भूख्खे शेर रे मुँह का बचाया गे रा हो।

2 पतरस 3:18

पर तुसा जो असा रे प्रभु ते छुटकारा दैणे वाले मसीह यीशु रे अनुग्रह रा होर भी जादा अनुभव करणा चाएदा, ते तिन्हा जो समजणे बिच होर भी जादा बधणा चाएदा। तिन्हा रा आदरमान अब्बे ते हमेसा-हमेसा तिकर हुंदा रे।