2 तीमुथियुस 1:3 - चम्बयाली नौआ नियम

³ मैं हमेसा अपणी प्रार्थनां बिच तुसा जो याद करदा ते तुसा तांइ परमेश्वर रा शुकर करदा। मैं ते मेरे पूरखां ने तिस्सी परमेश्वर री साफ विवेक कने अराधना कित्ते री है।

2 तीमुथियुस 1:3 Iomraidhean Croise

लूका 2:37

ते से फिरी चुरास्सी साल्लां तांइ विधवा ही रेई। तिनिए मन्दिर जो कदी भी नी छड्डेया, ब्रत्त अते प्रार्थना करदे परमेश्वर री भक्ति करदी रेह्न्दी थी।

प्रेरितां रे कम्म 22:3

मैं ता यहूदी मणू है, अते मेरा जन्म किलिकिया प्रदेश रे तरसुस कस्बे बिच होया पर इस सहर अन्दर गमलीएल रे पैरां रे नेड़े बिठाई करी पढ़ाया गे रा है, ते बब्ब-दाद्देयां री परम्परा मेरे जो ठीक तरिक्के कने सखाई गे री है मेरे अन्दर परमेश्वर तांइ बड़ा जोस थिया जिय्यां अज्ज तुसा अन्दर है

प्रेरितां रे कम्म 23:1

पौलुस ने महासभा पास्से नझाई करी दिख्खेया ते बोल्लेया, ओ संगी विश्वासियों, मैं अज्ज तक परमेश्वर तांइ बिल्कुल सच्चे विवेक कने जिन्दगी बिताये री है।

प्रेरितां रे कम्म 24:14

पर मैं तेरे सामणे ए मन्नी लिन्दा कि जिस पंथ जो यहूदी अधिकारी कुपंथ बोलदे, तिसेरे ही नियम पर मैं अपणे पूरखां रे परमेश्वर री भक्ति करदा अते जे गल्लां मूसा रे कानून ते भविष्यद्वक्ता करणे वालेयां री कताबां अन्दर लिख्खे री हिन, तिन्हा सबणी पर विश्वास करदा।

प्रेरितां रे कम्म 24:16

इस तांइ मैं अप्पु भी कोसीस करदा कि परमेश्वर रे, ते मणूआं रे पास्से मेरा मन हमेसा बेकसूर रेयो

प्रेरितां रे कम्म 26:4

जवानी का ही मेरा चाल-चलन अपणे लोक्कां ते यरुशलेम सहर बिच कदेया थिया, तिस गल्ल जो सारे यहूदी मणू जाणदे।

प्रेरितां रे कम्म 27:23

किजोकी परमेश्वर जिन्हेरा मैं है, ते जिन्हेरी भक्ति करदा, तिन्हेरे स्वर्गदूत ने पिछली रात्ती मेरे का आई के बोल्लेया,

रोमियों 9:1

मैं सच बोलदा किजोकी मैं मसीह यीशु रा मणू है, मैं झूठ नी बोल्लेया करदा है, मेरा विवेक पवित्रात्मा रे जरिये इस गल्ल जो पक्का करदा,

2 कुरुन्थियों 1:12

किजोकी असी अपणे विवेक री इस गवाई पर असी पूरी बुड़ख कने बोलदे कि असी अपणे हर काम्म-काज बिच परमेश्वर री दित्ते री पवित्रता ते सच्चाई कने जिन्दगी जिन्दे, खासतौर पर जां असी तुसा कने थिये। असी अपणी इन्सानी समझ पर नी पर परमेश्वर रे अनुग्रह पर निर्भर रैहन्दे।

गलातियों 1:14

मैं अपणी उमर रे बाकि मणूआं का बदिया यहूदी मणू थिया, ते मैं अपणे पूरखां री परम्परा जो सिखणे ते मनणे बिच हमेसा बड़े जोस बिच हुंदा थिया।

इफिसियों 1:16

तिस बेल्ले का मैं परमेश्वर जो तुसा तांइ शुकर करदा रैहन्दा, ते हमेसा तुसा जो अपणी प्रार्थना बिच याद करदा रैहन्दा।

1 थिस्सलुनीकियों 3:10

परमेश्वर रे सामणे असी लगातार प्रार्थना करदे कि तुसा कने मिलण, अते मसीह यीशु बिच तुसा रा विश्वास बधाणे तांइ तुसा री मदद करण।

1 तीमुथियुस 1:19

तुसा मसीह यीशु बिच अपणे विश्वास जो बणाई रख्खो ते अपणा विवेक साफ रख्खो। किच्‍छ लोक्कां ने अपणे साफ विवेक जो छड्डी दित्ते रा है जिसेरी वजह कने मसीह यीशु बिच तिन्हेरा विश्वास मुकी गेरा है।

1 तीमुथियुस 1:5

ए हुकम दैणे रा मकसद ए है कि तुसा साफ मन, साफ विवेक अते सच्चे विश्वास कने इक्क-दूए कने प्यार करो।

1 तीमुथियुस 5:5

विधवा जनानियां परमेश्वर बिच विश्वास रखदी किजोकी तिन्हेरे जो संभालणे वाला कोई नी हुंदा ते से दिन-रात अपणी मदद तांइ परमेश्वर का छंदे-मिन्नतां ते प्रार्थना करणे बिच लग्गी रेह्न्दी।

2 तीमुथियुस 1:5

हल्ले भी मेरे जो तुसा री मां युनीके रा मसीह बिच सच्चा विश्वास याद है। मसीह बिच तुसा री नानी लोइस रा विश्वास भी तदेया ही थिया, ते मेरे जो पक्के तौर पर पता है कि तुसा बिच भी तैसा ही विश्वास है।

2 तीमुथियुस 3:15

तू बचपन का ही पवित्रशास्त्र बिच लिख्खे री गल्लां जो जाणदा, जे तेरे जो समझ देई सकदे कि तू मसीह बिच विश्वास करे ते छुटकारा पाए।

इब्रानियों 13:8

प्रभु यीशु मसीह अज्ज कल ते हमेसा इक्क ही जदेय हिन, ते से कदी भी नी बदलदे।