2 तीमुथियुस 1:16 - चम्बयाली नौआ नियम

¹⁶ उनेसिफुरूस रे टब्बर पर प्रभु दया करण, किजोकी से मती वरी मेरे कने मिल्लेया ते मिंज्जो प्रोत्साहित कित्तेया, ते से कैद बिच मेरे जो मिलणे तांइ शर्मिंदा नी होया।

2 तीमुथियुस 1:16 Iomraidhean Croise

मत्ती 25:17

तिय्यां ही जिस जो दो तोड़े मिल्ले थिये, तिन्निए भी दो होर कमाए।

मत्ती 5:7

धन्न हिन से, जे दयालू हिन, किजोकी परमेश्वर ने तिन्हा पर दया करणी।

प्रेरितां रे कम्म 21:33

तां पलटन रे सरदार ने नेड़े आई करी तिसजो पकड़ी लेया ते दो संगलां कने बणने रा हुकम देई करी पूच्छणा लगेया, ए कुण है ते इनिए कै कित्ते रा है?

प्रेरितां रे कम्म 28:20

इधेरे तांइ मैं तुसा जो सदवाया कि तुसा कने मिलां ते गल्ल-बात करां किजोकी इस्राएल री आस री वजह कने जे मसीह हिन कने मैं इस जंजीरा कने जकड़ित्ते रा है।

1 कुरुन्थियों 16:18

जिय्यां तिन्हा ने मेरे जो प्रोत्साहित कित्ते रा है, तिय्यां ही तिन्हा ने तुसा जो भी प्रोत्साहित करणा जां तिन्हा ने तुसा का आणा। इन्हा लोक्कां सांई तुसा भी लोक्कां रा आदरमान करेया करो।

इफिसियों 6:20

हालांकि मैं कैद बिच है फिरी भी मैं सुब बसेख तांइ इक्क राजदूत सांई है। मेरे तांइ प्रार्थना करेयो कि मैं सुब बसेख सुनाणे बिच हिम्मत वाला बणां, जदेया मेरे जो होणा भी चाएदा।

2 तीमुथियुस 1:12

इसी गल्ल री वजह कने मैं इत्ते कैद बिच दुख भी सहन करेया करदा है, मैं फिरी भी इस गल्ल तांइ शर्मिंदा नी है किजोकी मैं मसीह जो जाणदा जिन्हा पर मैं विश्वास कित्ते रा है ते मेरे जो पक्का पता है कि से तिसेरी रखवाली करणे बिच पूरे तरिक्के कने ताकतवर हिन जे तिन्हा ने मेरे जो सौंप्पे रा है।

2 तीमुथियुस 1:17

बल्कि जां से रोम सहर बिच आया थिया, तां बड़ी कोसीस करणे रे बाद मेरे कने मिल्लेया थिया।

2 तीमुथियुस 1:18

प्रभु अपणे दुबारा हटणे रे दिन पर उनेसिफुस पर दया करे। तुसा अप्पु ही जाणदे कि जां मैं इफिसुस सहर बिच थिया तां तिनिये मेरी किन्नी जादा मदद कित्ती थी।

2 तीमुथियुस 1:8

इस वजह कने दूज्जे लोक्कां जो असा रे प्रभु मसीह यीशु रे बारे बिच दसणे का शरमाओ मत, ते तुसा जो इधेरे तांइ भी शर्मिंदा होणे री जरुरत नी है किजोकी मैं तिन्हेरी सेवा करणे री वजह कने कैद बिच है। इसेरे बजाए तुसा जो से ताकत इस्तेमाल करणी चाएदी जे तुसा जो परमेश्वर दिंदे ते सुब बसेख तांइ मेरे कने मेरी तकलीफ बिच हिस्सेदार बणी जाओ।

2 तीमुथियुस 4:19

विश्वासी भैण प्रिस्किल्ला ते तिसेरे लाड़े अक्विला ते उनेसिफुरूस रे परिवार जो मेरे पास्से नमस्ते बोल्ले।

फिलेमोन 1:20

ओ प्यारे दोस्त, प्रभु तांइ मेरी ए मदद कर कि इक्क मसीही भाई होणे रे नाते मेरे जो प्रोत्साहित कर।

फिलेमोन 1:7

किजोकी ओ संगी विश्वासी, मेरे तांइ तुसा रे प्यार जो दिख्खी करी मेरे जो बड़ी खुसी ते प्रोत्साहन होए रा है, ते दुज्जेया तांइ तुसा रे प्यार री वजह कने परमेश्वर रे मणू भी प्रोत्साहित होण।

इब्रानियों 10:34

किजोकी तुसा मणू ना सिर्फ कैदियां रे दुख बिच दुखी होए, पर तुसा ए जाणदे होए अपणी जायदाद भी खुसी कने लुटणा दित्ती कि तुसा तांइ स्वर्ग बिच इसका भी बदिया ते हमेसा रैह्णे वाली जायदाद है।

इब्रानियों 6:10

किजोकी परमेश्वर हमेसा इंसाफ ही करदे; तिन्हा ने तुसा रे से कम्म नी भुलणे ते ना तुसा रे तिस प्यार जो भुलणा जे तुसा ने तिन्हेरे लोक्कां री मदद करी के दिखाया। ते तिन्हा ने से भी याद रखणा अब्बे जे तुसा तिन्हेरे लोक्कां री मदद करेया करदे हिन।