1 तीमुथियुस 5:3 - चम्बयाली नौआ नियम

³ विधवा जनानियां री इज्जत करेया करो जिन्हा जो संभालणे ते तिन्हेरी देख-रेख करणे वाला कोई नी है।

1 तीमुथियुस 5:3 Iomraidhean Croise

मत्ती 15:6

तां तिसजो अपणे मां-प्यो री बड़ाई करणे री जरुरत नी है, इस्सी तरिक्के कने तुसा परमेश्वर रे हुकमां जो टालदे हिन।

मत्ती 23:13

ओ ढोंगी शास्त्रियों, ते फरीसी लोक्कों, तुसा पर लाणत है! तुसा लोक्कां जो स्वर्ग रे राज बिच नी जाणा दिंदे, ना तां अप्पु खुद उस बिच जांदे अते ना ही उन्हा जो जाणे दिंदे जे जाणे तांइ कोसीस करेया करदे हिन।

लूका 2:37

ते से फिरी चुरास्सी साल्लां तांइ विधवा ही रेई। तिनिए मन्दिर जो कदी भी नी छड्डेया, ब्रत्त अते प्रार्थना करदे परमेश्वर री भक्ति करदी रेह्न्दी थी।

लूका 7:12

जां से तिस ग्रां रे दुआर का पूज्जे, तां इक्क बड्डी भीड़ मणू इक्क मुर्दे जो दबणे तांइ तिस ग्रां का बाहर लेई चले रे थिये। मरणे वाला जे थिया, से अपणी मां रा इकलौता मुन्डा थिया, अते तिसेरी मां विधवा थी।

यूहन्ना 1:47

यीशु ने नतनएल जो अपणे पास्से आंदे दिख्खी करी उसेरे बारे बिच बोल्लेया: ए सच्ची इस्राएल रे ‍खानदान रा है ते भरोसेमंद है: इस आदमी बिच कोई ढोंग नी है।

प्रेरितां रे कम्म 6:1

तिन्हा दिनां बिच जां प्रेरितां री गिनती मती बधणा लग्गी, तां यूनानी भाषा बोलणा वाले चेल्‍ले इब्रानी भाषा बोलणे वाले प्रेरितां पर कुड़कुडा़णा लग्गे, कि हर दिन री सेवकाई बिच असा री विधवा जनानियां री खैर-खबर नी लिदें।

प्रेरितां रे कम्म 9:39

तां पतरस उठी करी तिन्हेरे कने गेया ते जां से पूज्जेया तां से तिसजो तिस अटारी पर लेई गे सारी विधवा जनानियां आई करी तिसका खड़ी गई, ते जे कपड़े दोरकास ने तिन्हेरे कने रेई करी बणाए थिये से दिखाणा लग्गी

प्रेरितां रे कम्म 9:41

तिसने हत्थ देई करी तिसजो खड़ेरेया ते परमेश्वर रे लोक्कां ते विधवा जनानियां जो सद्दी करी तिन्हेरे जो से जिन्दी दिखाई दित्ती

1 थिस्सलुनीकियों 2:6

असी मणूआं का आदर नी चाह्‍ंदे थिये, ते ना तुसा का, ना होर कुसकी का, हालांकि असी चाह्‍ंदे तां मसीह यीशु रे प्रेरित होणे रे वजह कने तुसा पर बोझ पाई सकदे थिये

1 तीमुथियुस 5:2

बुजुर्ग जनानियां जो अपणी मां जदेया मन्नी करी तिन्हा जो सलाह देया करो ते जुआन कुड़ियां जो अपणी भैण मन्नी करी समजाया कर। ए सब किच्‍छ अपणे पूरे दिल कने करेया करो।

याकूब 1:27

असा रे परमेश्वर पिता री नजर बिच सच्ची ते सुच्ची भक्ति ए है कि अनाथ ते विधवा रे दुख बिच तिन्हेरा ख्याल रखणा, ते अप्पु दुनिया रे बुरे कम्मां का दुर रैह्ण जे तुसा जो बिगाड़दे।

1 पतरस 2:17

सारेयां री इज्जत करो, मुख्य अधिकारी री इज्जत करो, ते अपणे संगी विश्वासियां कने प्यार करो।

1 पतरस 3:7

तिय्यां ही ओ लाड़ेयों, अपणी लाड़ियां कने बड़ी नरमीयत कने रेयो, तुसा जो ए गल्ल याद रखणी चाएदी कि से तुसा का कमजोर हिन, इधेरे तांइ तुसा जो तिन्हेरी इज्जत करणा चाएदी, किजोकी तुसा दोन्नों तिस वरदान बिच हिस्सेदार हिन जे परमेश्वर ने तुसा जो बड़े अनुग्रह कने दित्ते रा है, जे कि हमेसा री जिन्दगी है। इय्यां ही करेया करो किजोकी जां तुसा प्रार्थना करेया करो तां से तुसा जो सुणे।