1 तीमुथियुस 4:4 - चम्बयाली नौआ नियम

⁴ किजोकी परमेश्वर री बणाए री हर इक्क चीज ठीक है, इधेरे तांइ असी परमेश्वर रा शुकर करी के से किच्‍छ भी खाई सकदे।

1 तीमुथियुस 4:4 Iomraidhean Croise

प्रेरितां रे कम्म 10:15

फिरी दूज्जी वरी तिसजो अवाज सुणिती, कि जे किच्‍छ परमेश्वर ने सुच्चा कित्ते रा है, तिसजो तू भिठ्ठा मत बोल।

प्रेरितां रे कम्म 15:29

कि तुसा मूर्तां जो भेंट कित्ते री रोट्टी तुसा जो नी लैणी चाएदी ते व्यभिचार का बची रेंन गला घोटी करी मारे रे जानवर रा मांस ना खाण ते खून जो कदी ना खाण। इन्हा सबका दुर रेयो तां तुसा रा भला होणा, अग्गे बिदा।

प्रेरितां रे कम्म 21:25

पर, तिन्हा गैर यहूदी रे बारे अन्दर, जिन्हा ने विश्वास कित्तेया, असा ने ए फैसला करी के लिख्खी करी भेज्जे रा है कि से मूर्तां जो बलि चढाए रा मांस का, ते खून का, ते गला घोट्टे रे मांस का, अते व्याभिचार का बची रैह्ण

रोमियों 14:14

मेरे जो पता है, ते प्रभु यीशु रे जरिये मेरे जो ए पक्का होई गे रा है, कि हर इक्क खाणे रे चीज सुच्ची है। पर जे तिसजो भिठ्ठा समजदा, तिस तांइ से भिठ्ठा है।

रोमियों 14:20

रोट्टी री वजह कने परमेश्वर रा कम्म मत बिगाड़ो, सब खाणे रे चीजां ता सुच्ची हिन, पर जे अगर तिस मणू रे विश्वास तांइ रुकावट री वजह बणदा, तां से रोट्टी खाणा सही नी है।

रोमियों 14:6

जे अगर कोई मणू कुसकी दिन जो मनदा, ता से प्रभु जो आदरमान दैणे तांइ मनदा। जे अगर कोई मणू मांस-मच्छी खांदा, ता से प्रभु जो आदरमान दैणे तांइ खांदा, किजोकी से परमेश्वर रा शुकर करदा, ते अगर कोई मणू साग पात खांदा, ता से भी प्रभु जो आदरमान दैणे तांइ खांदा, ते परमेश्वर रा शुकर करदा।

1 कुरुन्थियों 10:23

जिय्यां कि तुसा बोलदे कि असा जो सब किच्‍छ करणे री अजादी है, हाँ, पर सब किच्‍छ करणा असा तांइ खरा नी है। असा जो सब किच्‍छ करणे री अजादी ता है, पर सब किच्‍छ परमेश्वर बिच असा रे विश्वास जो मजबूत नी करदा।

1 कुरुन्थियों 10:25

हालांकि जां तुसा कसाईयां री दुकान का मांस खरीददे तां अग्गे बधो ते तिसजो खाओ, ते तिन्हा का किच्‍छ ना पूच्छणे कने साफ रख्खो।

1 कुरुन्थियों 10:26

तुसा से खाई सकदे किजोकी पवित्रशास्त्र बिच लिख्खे रा है, “दुनिया ते जे किच्‍छ भी तिस बिच है से सब परमेश्वर रा है।”

1 कुरुन्थियों 10:30

जे अगर मैं परमेश्वर रा शुक्रिया करी के से रोट्टी खांदा, तां तिस रोट्टी री वजह कने मेरे पर इल्जाम किजो लाया जांदा जिसेरे तांइ मैं परमेश्वर रा शुक्रिया कित्तेया?

1 तीमुथियुस 4:3

से लोक्कां जो ब्याह करणे ते किच्‍छ-किच्‍छ चीजां खाणे का रोकदे पर परमेश्वर ने ए खाणे-पीणे री चीजां विश्वासी मणूआं ते तिन्हा मणूआं तांइ बणाए री है जे परमेश्वर री सच्ची शिक्षां जो जाणदे ताकि से धन्यवाद करी के खाण।