1 तीमुथियुस 3:3 - चम्बयाली नौआ नियम

³ कलीसिया रा मुखिया पियक्कड़ ते मार-कुटाई करणे वाला ना हो बल्कि से नरमदिल मणू होणा चाएदा। से ना ता झगड़ालू ते ना ही पैसे रा लालची ना हो।

1 तीमुथियुस 3:3 Iomraidhean Croise

मत्ती 21:13

ते तिन्हेरे जो बोल्लेया, लिख्खे रा है कि मेरा घर प्रार्थना रा मन्दिर होणा पर तुसा तिसजो डाकुआं रा अड्डा बणादें।

प्रेरितां रे कम्म 20:33

मैं कुसकी रे चाह्‍ंदी, सोन्ने या कपड़े रा लालच नी कित्तेया

रोमियों 16:18

किजोकी ऐसे मणू प्रभु मसीह यीशु री सेवा अपणे मतलब तांइ करदे, से अपणे मतलब जो पूरा करणे तांइ मिठ्ठी-मिठ्ठी गल्लां बोल्ली करी, भोले भाले लोक्कां जो धोखा दिंदे।

इफिसियों 5:18

सराब पी करी मतवाल्ले मत बणो किजोकी इस कने बेकाबू होई करी बेशर्मी रे गलत कम्म हुंदे। पर इसेरे बजाए पवित्रात्मा रे काबू बिच जिन्दगी बिताओ,

1 थिस्सलुनीकियों 5:14

ओ संगी विश्वासियों, असी तुसा का घड़ी-घड़ी बिनती करदे कि आलसी लोक्कां जो सावधान करो, डरपोक लोक्कां जो हिम्मत देयो, कमजोर लोक्कां री मदद करो ते सारेयां कने सबर कने रेयो।

1 तीमुथियुस 3:8

तिय्यां ही कलीसिया रे सेवादार मणूआं रा भी लोक्कां बिच खरा नां होणा चाएदा। से दोगली गल्लां करणे वाला, सराबी ते पैसे रा लालची नी होणा चाएदा,

2 तीमुथियुस 3:2

किजोकी तिस समय बिच लोक्कां ने सिर्फ अपणी ही परवाह करणी, तिन्हा ने लालची, बुड़कां मारणे वाले, घमंडी, बेजती करणे वाले, मां-प्यो री गल्लां री ना-फरमानी करणे वाले, एहसान फरामोश, अपवित्र

तीतुस 1:11

इदेय लोक्कां जो बाकि विश्वासियां जो सिखाणे का रोक्को किजोकी जां से इदेइ गल्लां सिखांदे तां से पूरे परिवार रे विश्वास जो बर्बाद करी दिंदे। से इय्यां इधेरे तिकर करदे ताकि से पैसे कमाई सकण।

तीतुस 1:7

किजोकी कलीसिया रे मुखिए जो परमेश्वर रा कम्म करणे री वजह कने बेकसूर होणा चाएदा, से ना ता जिद्दी, ना गुस्सा करणे वाला, ना सराब पीणे वाला, ना मार-कुटाई करणे वाला, ते ना ही बेईमानी री कमाई रा लालची हो।

तीतुस 2:3

इय्यां ही बुजुर्ग जनानियां भी इदेय हिसाब कने बर्ताव करण जिस कने परमेश्वर जो हर गल्ल बिच महिमा मिल्ले। से मणूआं पर इल्जाम लाणे वाली ते सराबी ना होण पर से ठीक जिन्दगी जीणे री शिक्षा दैणे वाली बनण।

तीतुस 3:2

कुसकी जो बदनाम ना करण, लड़ाके ना बनण पर दूज्जेयां तांइ बड़े दयालू होण ते तिन्हा कने बड़ी नरमी कने रैह्ण।

इब्रानियों 13:5

तुसा अपणी जिन्दगी बिच धन-दौलत रा लालच मत रख्खो, ते तुसा का जे है, तिस अन्दर ही खुस रेयो, किजोकी परमेश्वर अप्पु ही बोलदे, “मैं तुसा जो ना तां कदी छडणा ते ना कदी त्यागणा।”

याकूब 4:1

तुसा बिच लड़ाई-झगड़े सिर्फ तिन्हा एशो-अराम री वजह कने आई गेरे हिन जे तुसा रे बिच लड़दे-भिड़दे रैहन्दे।

1 पतरस 5:2

कि जिय्यां इक्क पुहाल अपणी भेड़ां री रखवाल्ली करदा, तिय्यां ही तुसा भी तिन्हा सारेयां री रखवाल्ली करो जिन्हा जो परमेश्वर ने तुसा जो सौंप्पे रा है। ए सब किच्‍छ अपणी मर्जी कने करो किजोकी ए ही परमेश्वर री मर्जी है। ए सब इधेरे तांइ मत करो किजोकी तुसा पैसे कमाणा चाह्‍ंदे, पर इधेरे तांइ करो किजोकी तुसा परमेश्वर ते लोक्कां री सेवा करणा चाह्‍ंदे।

2 पतरस 2:3

ए झूठ्ठे शिक्षक लालची होणे, ते तिन्हा ने तुसा का रुपया लैणे तांइ तुसा जो मनघड़ंत गल्लां सुनाणी। परमेश्वर ने बड़े पैल्ले ही इस गल्ल रा फैसला करी लित्तेया थिया तिन्हा ने इन्हा लोक्कां जो सजा दैणी ते से इय्यां करणे तांइ तैयार भी हिन। तिन्हा ने इन्हा लोक्कां जो यकिनन बर्बाद करी दैणा।

यहूदा 1:11

लाणत है तिन्हा मणूआं पर! से आदम रे मुंडे कैन सांई ही अपणी जिन्दगी दुष्टता बिच गुजारदे जिनिये अपणे ही भ्याल हाबिल रा खून इधेरे तांइ करी दित्तेया थिया किजोकी परमेश्वर ने हाबिल रे कुर्बानी जो अपणाई लित्तेया थिया पर तिसेरी कुर्बानी जो नी अपणाया। से ढोंगी मणू बिलाम सांई हिन जिस जो पैसे कमाणे तांइ ए प्रस्ताव मिल्लेया थिया कि से परमेश्वर रे लोक्कां जो पाप करणे तांइ उकसाए। तिन्हा ढोंगी लोक्कां ने तिस कोरह सांई बर्बाद होई जाणा जे मूसा रे हक रे खिलाफ थिया जे मूसा जो परमेश्वर ने दित्तेया थिया।

प्रकाशित वाक्य 1:9

मैं यूहन्ना सबर कने तुसा कने तिन्हा जुल्मां जो सहन करणे बिच तुसा रा साथी है जे असा पर मसीह कने रिस्ता होणे री वजह हुंदे, ते मैं परमेश्वर रे राज बिच तुसा रा साथी है। परमेश्वर रा बसेख सुनाणे ते यीशु रे सच्चे वचन रा प्रचार करणे री वजह कने रोमी साम्राज्य रे अधिकारियां ने मेरे जो पतमुस टाप्पु पर भेज्जी दित्ते रा है।