1 तीमुथियुस 1:9 - चम्बयाली नौआ नियम

⁹ असी जाणदे कि मूसा रा कानून धार्मिक लोक्कां तांइ नी है बल्कि अधार्मिक लोक्कां ते परमेश्वर रे विद्रोही लोक्कां तांइ है, परमेश्वर जो ना मनणे वाले ते हमेसा पाप करणे वाले लोक्कां तांइ, दुष्ट लोक्कां ते परमेश्वर री बेजती करणे वाले लोक्कां तांइ, अपणे मां-प्यो ते दूए लोक्कां रे हत्यारेयां तांइ है,

1 तीमुथियुस 1:9 Iomraidhean Croise

मत्ती 10:21

भाई ने अपणे भाई जो पकड़वाई करी मरवाई दैणा, मां-प्यो ने अपणे बच्चे जो पकड़वाई दैणा अते बच्चेयां ने अपणे मां-प्यो रे खिलाफ होई जाणा ते तिन्हा जो मरवाई दैणा।

रोमियों 1:30

बदनाम करणे वाले, परमेश्वर कने नफरत करणे वाले, दूज्जेयां री बेजती करणे वाले, दुष्ट, घमंडी, डिगां मारणे वाले, बुरी-बुरी गल्लां बणाणे वाले, मां-प्यो री गल्लां नी मनणे वाले बणी गे।

रोमियों 4:13

परमेश्वर ने अब्राहम ते तिन्हेरे ‍खानदान कने वादा कित्तेया थिया तिन्हा ने दुनिया रे वारिस होणा, परमेश्वर ने अब्राहम कने ए वादा इधेरे तांइ नी कित्तेया, किजोकी तिन्हा ने मूसा रे कानून रा पालण कित्तेया, पर इधेरे तांइ किजोकी तिन्हा ने परमेश्वर बिच विश्वास कित्तेया थिया ते इस तांइ से धार्मिक ठैहराए गे।

रोमियों 5:20

परमेश्वर ने लोक्कां जो मूसा रे जरिये कानून इधेरे तांइ दित्तेया गेया ताकि से जाणी सके कि से किन्ने पाप कने भरे रे थिये, पर जां मणू जादा का जादा पाप करणा लग्गे, तां परमेश्वर रा अनुग्रह भी जादा बदधी करी होया।

रोमियों 6:14

तुसा पर पाप रा कोई काबू नी है, किजोकी तुसा मूसा रे कानून रे हेठ नी पर परमेश्वर रे अनुग्रह बिच जिन्दे।

गलातियों 3:19

तां फिरी परमेश्वर रा मूसा रे जरिये इस्राएल रे लोक्कां जो कानून दैणे रा कै मकसद थिया? लोक्कां जो ए एहसास कराणे तांइ कि से किन्ने जादा पाप्पी हिन, से कानून दित्तेया गेया, ताकि मूसा रा कानून अब्राहम री औलाद रे आणे तिकर रे जे मसीह हिन ते जिसेरे बारे बिच परमेश्वर ने वादा कित्तेया थिया। मूसा जो कानून स्वर्गदूतां री मदद कने दित्तेया गेया थिया, ते मूसा परमेश्वर ते इस्राएल देस रे लोक्कां बिच इक्क बिचौल्ला बणी गेया।

गलातियों 5:18

ते जे अगर तुसा पवित्रात्मा रे कहे मुताबिक चलदे, तां तुसा जो मूसा रे कानून जो मन्नी करी चलणे री जरुरत नी है।

गलातियों 5:21

जलन, मतवाले होई जाणा, लीला-क्रीड़ा अते इन्हा सांई होर-होर कम्म हिन, इन्हेरे बारे अन्दर मैं तुसा कने पैल्ले का ही जताई दिन्दा, जिय्यां कि पैल्ले भी जताई चुके रा है कि इदेय-इदेय कम्म करणे वाले मणू परमेश्वर रे राज रे वारिस नी बणी सकदे।

गलातियों 5:23

ते निमतापन, अप्पु पर काबू रखणा। इदेय-इदेय कम्मां रे खिलाफ कोई भी कानून नी है।

2 थिस्सलुनीकियों 2:8

तां तिस दुष्ट ने सामणे आई जाणा, पर बाद बिच जां मसीह यीशु ने आणा तां तिन्हा ने तिस दुष्ट जो अपणे मुँह का निकले रे हुकम ते अपणे हटी करी आणे री महिमा कने मुकाई दैणा।

1 तीमुथियुस 4:7

पर नासमझी री मनघड़ंत कहाणिया बिच समय मत बर्बाद जिस कने परमेश्वर जो आदरमान नी मिलदा पर तुसा जो अप्पु जो ईश्वरीय जिन्दगी जीणा सिखाणा चाएदा।

1 तीमुथियुस 6:20

ओ तीमुथियुस, इस जिम्मेदारी रा ध्यान रख्खे कि तू से कम्म जरुर करे जे करणे तांइ परमेश्वर ने तिज्जो चुणे रा है, मनघड़ंत ते खोखली गल्लां का दुर रेयो जे सुनणे बिच समजदारी री गल्लां लगदी।

2 तीमुथियुस 2:16

पर अभक्त ते खोखली चीजां रे बारे बिच गल्ल-बात करणे का टलो, किजोकी जे मणू इदेइ अभक्ति वाली चीजां री गल्ल-बात करणे शामिल हुंदे से अप्पु भी अभक्त बणी जांदे।

2 तीमुथियुस 3:2

किजोकी तिस समय बिच लोक्कां ने सिर्फ अपणी ही परवाह करणी, तिन्हा ने लालची, बुड़कां मारणे वाले, घमंडी, बेजती करणे वाले, मां-प्यो री गल्लां री ना-फरमानी करणे वाले, एहसान फरामोश, अपवित्र

तीतुस 1:10

मैं ए इधेरे तांइ बोल्लेया करदा है किजोकी मते मणू सही शिक्षा रे खिलाफ होई जांदे। ए से मणू हिन जे पुठ्ठी-सीद्दी गल्लां सिखाई करी लोक्कां जो भटकांदे। ए गल्लां खासतौर तिन्हा यहूदियां तांइ हिन जे विश्वासी बणी गेरे हिन। से मणू चाह्‍ंदे कि सारे मसीही मणू यहूदी नियमां जो मन्नेया करें, खासतौर पर खतना कराणे रे नियम जो।

तीतुस 1:16

ए झूठ्ठी शिक्षा दैणे वाले मणू हिन जे परमेश्वर जो जानणे रा दावा ता करदे पर तिन्हेरे कम्म दिखांदे कि से मणू तिन्हा जो नी जाणदे। से नफरत करणे ते परमेश्वर री हुकमां री ना-फरमानी करणे वाले मणू हिन ते कोई भी खरा कम्म करणे रे जोग्गे नी हिन।

तीतुस 1:6

ते कलीसिया रा मुखिया होणे तांइ कुसकी भी मणू जो बेकसूर, इक्क ही लाड़ी वाला होणा चाएदा, तिसेरे बच्चे भी विश्वासी होणे चाएदे, ते तिसेरे बच्चे अय्याश ते हुकमां री ना-फरमानी करणे वाले नी होणा चाएदे।

तीतुस 3:3

किजोकी मसीह यीशु बिच विश्वास करणे का पैल्ले असी भी नासमझ, परमेश्वर री गल्ल ना मनणे वाले, ते भरम बिच पेय रे ते हर तरिक्के री बुरी इच्छा ते सुख वलास री गुलामी बिच थिये, ते दूज्जेयां कने नफरत करणे ते हिर्स रखणे बिच जिन्दगी बितादें थिये, ते मणू असा कने नफरत करदे थिये ते असी इक्क दूए कने दुश्मणी रखदे थिये।

इब्रानियों 11:31

राहाब इक्क वेश्या थी, पर से विश्वास करदी थी, ते तिनिये तिन्हा जासुसां जो अपणे घरे रैह्णे री जगाह् दित्ती। इधेरे तांइ से तिन्हा लोक्कां कने नी मारी गयी जिन्हा ने परमेश्वर रे हुकम री ना-फरमानी कित्ती थी।

इब्रानियों 12:16

तुसा बिच कोई मणू इदेया ना हो जे व्यभिचारी, या अब्राहम रे पोत्ते एसाव सांई अधर्मी हो, जिनिये इक्क वरी री रोट्टी रे बदले अपणे पैल्ले मुडें होणे रे औहदे जो बेच्ची दित्तेया थिया।

1 पतरस 2:7

ए बट्टा मसीह यीशु हिन ते से तुसा तांइ तां कीमती बणी जांदे जां तुसा तिन्हा बिच विश्वास करदे। पर तिन्हा बिच विश्वास ना करणे वाले लोक्कां तांइ पवित्रशास्त्र बिच ए लिख्खे रा गे रा है, “जिस बट्टे जो मिस्त्रि ठुकराई दित्तेया थिया, से ही बट्टा इमारत री नीं रा सबका जादा जरुरी बट्टा बणी गे रा है।”

1 पतरस 3:20

ए तिन्हा लोक्कां री आत्मां हिन जिन्हा ने लम्बे समय पैल्ले परमेश्वर रे हुकम री ना-फरमानी कित्ती थी, जां नूह अपणा जहाज बणाया करदा थिया, ते परमेश्वर इस गल्ल रा इंतजार करेया करदे थिये कि ए मणू अपणे पाप्पां का तौबा करगे कि नी। पर सिर्फ आठ्ठ मणू ही तिस भयानक बाढ़ बिच डूबणे का बचाए गे।

1 पतरस 4:18

जिय्यां कि पवित्रशास्त्र बिच लिख्खे रा है, “इत्ते तिकर कि ठीक मणूआं जो छुटकारा पाणे का पैल्ले जुल्म सैह्‍णा जरुरी है, दुष्ट लोक्कां का भी जादा जे परमेश्वर री अधीन नी रैह्‍न्दे।”

प्रकाशित वाक्य 21:8

पर जे मणू अप्पु पर जुल्म होणे रे डर कने मेरे पर विश्वास करणे का मुकरी जांदे, तिन्हा जो भी तिस गन्धक बिच सूटी दित्तेया जाणा। तिय्यां ही बुराई रे कम्म करणे वाले लोक्कां जो तिस गन्धक वाली आग्ग बिच सूटी दित्तेया जाणा जिन्हा ने व्यभिचार, अपणे संगी साथियां पर जादू टोणा, ते मूर्ति पूजा कित्ती हो। इसजो दुई मौत बोल्लेया जांदा।

प्रकाशित वाक्य 22:15

बाहर कूत्ते, जादू-टौणे करणे वाले, अश्लील मणू, हत्यारे, मूर्तां री पूजा करणे वाले ते झूठ बोलणे वाले होणे। से कदी भी सहर बिच नी आई सकदे।