1 तीमुथियुस 1:8 - चम्बयाली नौआ नियम

⁸ असी जाणदे कि जे अगर मूसा रे कानून जो सही तरिक्के कने इस्तेमाल कित्तेया जाए, तां से खरा है।

1 तीमुथियुस 1:8 Iomraidhean Croise

रोमियों 12:2

इस दुनिया रे लोक्कां सांई मत बणो, पर तुसा रे मन रे बदली जाणे री वजह कने तुसा रा चाल-चलन भी बदलदा रे, जिस कने तुसा परमेश्वर री भली, ते ठीक लगणे वाली, ते सिद्ध इच्छा जो तजुरबे कने जाणदे रेयो।

रोमियों 7:16

जे अगर मैं से ही बुरे कम्म करदा जिस जो पसदं नी करदा, तां मैं मन्नी लिदां कि मूसा रा कानून खरा है।

रोमियों 7:18

किजोकी मैं जाणदा कि मेरे पापी स्वभाव बिच कोई ठीक गल्ल नी है। मैं ठीक कम्म करणा ता चाह्‍ंदा पर से मेरे का नी हुदें।

रोमियों 7:22

मैं पूरे दिल कने परमेश्वर रे कानून कने तां बड़ा खुस रैहन्दा,

गलातियों 3:21

इसेरा मतलब ए बिल्कुल भी नी है कि मूसा रा कानून परमेश्वर रे वादेयां रे खिलाफ है। किजोकी जे अगर मूसा रा कानून असा जो हमेसा री जिन्दगी दिंदा तां फिरी असी तिन्हा कानूनां जो मनणे कने धार्मिक ठैहराए जांदे।

2 तीमुथियुस 2:5

फिरी, जे अगर कोई मणू कुश्ति बिच लड़े, पर कुश्ति रे नियमां जो ना मन्ने तां तिसजो ईनाम नी मिलणा।