1 तीमुथियुस 1:12 - चम्बयाली नौआ नियम

¹² मैं असा रे प्रभु यीशु मसीह रा शुकर करदा कि तिन्हा ने मेरे जो ताकत दित्ती ते मेरे जो भरोस्सेमंद समजी करी अपणी सेवा करणे तांइ ठैहराया।

1 तीमुथियुस 1:12 Iomraidhean Croise

मत्ती 20:4

ते उन्हा जो बोल्लेया, तुसा भी अंगूर रे बगीच्चे बिच जाओ, ते जिन्नी धियाड़ी बणगी, तुसा जो दिंगा अते से भी गे।

यूहन्ना 5:23

ताकि सब जणे जिय्यां परमेश्वर पिता री बड़ाई करदे तिय्यां ही पुत्तर री भी बड़ाई करेया करण। जे पुत्तर री बड़ाई नी करदा, से पिता री, जिन्हा ने तिसजो भेज्जे रा है, बड़ाई नी करदा।

प्रेरितां रे कम्म 16:15

अपणे सारे टब्बर समेत बपतिस्मा लैणे का बाद तिसने असा रे छन्दे कित्ते कि जे तुसा मेरे जो परमेश्वर री सच्ची भक्तण मनदे तां चलो मेरे घरे रुको ते से असा जो मनाई करी अपणे घरे लेई गई।

प्रेरितां रे कम्म 9:15

पर प्रभु ने तिस बोल्लेया, जा, किजोकी शाऊल तां जो मैं चुणी लित्ते रा है कि से गैर यहूदियां, राज्जेयां अते इस्राएल रे लोक्कां बिच मेरा प्रचार करे।

प्रेरितां रे कम्म 9:22

पर शाऊल होर भी जोर-शोर कने प्रचार करदा गेया ते इस गल्ल जो साबित करी के कि मसीह यीशु इत्ते ही है, दमिश्क बिच रैह्णे वाले यहूदियां रा मुँह बांद्द करदा थिया,

1 कुरुन्थियों 15:10

परमेश्वर रे अनुग्रह री वजह कने ही मैं प्रेरित बणेया, तिन्हेरा से अनुग्रह जे मेरे पर होया, तिसेरा मेरी जिन्दगी बिच बड़ा जादा असर रेया। मैं तिन्हा सारे प्रेरितां का बधी करी मैहनत भी कित्ती: तां भी ए मेरे पास्से का नी होया पर परमेश्वर रे अनुग्रह री वजह जे मेरे पर है।

1 कुरुन्थियों 3:5

मैं पौलुस ते अपुल्लोस परमेश्वर री सेवा करणे वाले दास का बधी करी होर किच्‍छ नी हिन, जिन्हेरे जरिए तुसा ने मसीह यीशु रे बसेख विश्वास कित्तेया, असा सबने से ही कम्म कित्तेया जे प्रभु ने असा जो दित्तेया।

1 कुरुन्थियों 7:25

कुंआरी कुड़ियां तांइ प्रभु का कोई भी हुकम मेरे जो नी मिल्लेया, पर परमेश्वर ने अपणी दया कने मेरे जो जे ज्ञान दित्ते रा है से भरोस्से रे लायक है ते मैं तुसा जो सलाह दिंदा,

2 कुरुन्थियों 4:1

इधेरे तांइ जां असा रे पर इदेयी दया होई कि असा जो परमेश्वर रा बसेख सुनाणे री सेवा मिल्ली तां असी हिम्मत नी हारदे।

गलातियों 3:26

जां तुसा सारेयां ने मसीह यीशु रा बपतिस्मा लित्तेया, तां तुसा मसीह का मिले री नौई जिन्दगी जो इय्यां पाई लित्ता जिय्यां कोई नौए कपड़े पांदा, इधेरे तांइ जां तुसा ने मसीह यीशु बिच विश्वास कित्तेया तां तुसा सारे परमेश्वर री औलाद्दां बणी गे।

गलातियों 3:28

अवे जां असा सारेयां ने मसीह यीशु बिच विश्वास करी लित्ते रा है, तां अवे असी परमेश्वर री नजर बिच असा रा मसीह कने रिस्ता जुड़ी गे रा है। अवे ना कुसकी यहूदी ते गैर यहूदी बिच कोई फरक नी रेया, ना ही दास ना ही अजाद मणू बिच, ना ही आदमी ते ना ही औरत बिच, किजोकी अवे तुसा सारे मसीह यीशु बिच इक्क बराबर हिन।

फिलिप्पियों 2:11

ते पिता परमेश्वर री महिमा तांइ सारे जणेया ने ए मन्नी लैण कि मसीह यीशु ही प्रभु हिन।

फिलिप्पियों 4:13

मसीह मेरे जो ताकत दिंदा ते तिस बिच मैं सब किच्‍छ करी सकदा।

कुलुस्सियों 1:25

इस कलीसिया तांइ मैं तुसा वास्ते परमेश्वर रे जरिये मेरे जो सौप्पि गे री सेवा तांइ इक्क दास रे रुप बिच चुणेया गे रा है, ताकि मैं परमेश्वर रे बसेख जो पूरे तरिक्के कने प्रचार करी सकां।

1 तीमुथियुस 1:1

मैं पौलुस ए चीठ्ठी तीमुथियुस जो लिख्खेया करदा है। मैं परमेश्वर रे हक ते असा जो छुटकारा दैणे वाले मसीह यीशु रे जरिये तिन्हेरा प्रेरित है जे असा री आस भी हिन।

1 तीमुथियुस 1:11

सुब बसेख री ए महिमामय शिक्षा असा रे धन्न परमेश्वर रे पास्से का है जे लोक्कां जो सुनाणे तांइ मेरे जो सौंप्पि गे री है।

1 तीमुथियुस 1:2

मसीह यीशु बिच विश्वास करणे री वजह कने तीमुथियुस तू मेरा सच्चा मुंडा है। असा रे पिता परमेश्वर ते मसीह यीशु तेरे जो अनुग्रह ते सांती दिंदे रैह्ण।

1 तीमुथियुस 6:13

परमेश्वर जे सारी चीजां जो जिन्दगी दिंदे ते मसीह यीशु जिन्हा पर पुन्तियुस पिलातुस रे सामणे मुकद्दमा चलणे रे बावजूद भी सच बोल्लेया थिया तिन्हा दोन्नों जो मैं अपणा गवाह बणाई करी तिज्जो ए हुकम दिंदा,

2 तीमुथियुस 2:2

तुसा ने मते लोक्कां सामणे मेरे का मसीह रे बसेख रे बारे बिच सुणे रा है। इधेरे तांइ मैं चाह्‍ंदा कि तुसा भी तिस ही बसेख री शिक्षा तिन्हा भरोस्सेमंद विश्वासियां जो देयो जे होर लोक्कां जो सिखाणे रे काबिल हिन।

2 तीमुथियुस 4:17

पर प्रभु ही मेरे मददगार रे ते तिन्हा ने मेरे जो ताकत दित्ती जिसेरी वजह कने मैं साफ तौर पर मसीह रे बसेख रे बारे बिच प्रचार करी सकेया ते तित्ते मौजूद सारे गैर यहूदी लोक्कां ने मसीह रा बसेख सूणन ते तिन्हा ने मेरे जो मौत रे खतरे का इय्यां बचाया जिय्यां कि मैं भूख्खे शेर रे मुँह का बचाया गे रा हो।

तीतुस 1:4

मसीह बिच असा रे विश्वास री वजह कने, तीतुस तू मेरे बच्चे सांई है। पिता परमेश्वर ते असा जो छुटकारा दैणे वाले प्रभु यीशु मसीह तेरे जो अनुग्रह ते सांती दे।

फिलेमोन 1:9

मैं, पौलुस, मसीह रा प्रेरित होणे रे नाते हिम्मत कने हुकम भी देई सकदा पर मैं सिर्फ तुसा का छंदे करदा किजोकी मैं जाणदा कि तुसा मेरे ते अपणे सारे संगी विश्वासियों जो प्यार करदे। मसीह यीशु री सेवा करणे री वजह कने अवे मैं कैद बिच पाया गे रा है ते बुजुर्ग होणे रे नात्ते मेरे जो ए ही सही लग्गेया कि अवे मैं तुसा बिनती ही करां।