Mateo 11:5 - Chinantec Comaltepec

⁵ Síiꞌ˜go̱r e lɨjnébꞌˋtu̱ jaléngꞌˋ dseaˋ tiuungˉ, jo̱guɨ e ngɨbˊtu̱ jaléngꞌˋ dseaˋ jlúungꞌ˜, jo̱guɨ e ꞌláamˉ jaléngꞌˋ dseaˋ i̱ lɨ́ɨngˊ jmohuɨ́ɨˊ ꞌlɨꞌˆ fɨˊ ngúuˊ táangˋ, jo̱guɨ e núubˋtu̱ jaléngꞌˋ dseaˋ güɨɨng˜, jo̱guɨ e jí̱bꞌˊtu̱ jaléngꞌˋ ꞌlɨɨ˜, jo̱guɨ cajo̱ e guiaaˉ júuˆ quiáꞌˉ jial nileángˋ jaléngꞌˋ dseaˋ jmɨgüíˋ jee˜ jaléꞌˋ dseeˉ quiáꞌrˉ.

Mateo 11:5 Iomraidhean Croise

Mateo 10:8

Jo̱ lajeeˇ jo̱, jmiꞌleáangˆnaꞌ jaléngꞌˋ dseaˋ dséeꞌ˜, jo̱guɨ jmeeˉnaꞌ e nijí̱ꞌˊtu̱ jaléngꞌˋ ꞌlɨɨ˜, jo̱guɨ jmiꞌleáangˆnaꞌ jaléngꞌˋ dseaˋ i̱ lɨ́ɨngˊ jmohuɨ́ɨˊ ꞌlɨꞌˆ fɨˊ ngúuˊ táangˋ, jo̱guɨ uøøngˉnaꞌ jaléngꞌˋ i̱ ꞌlɨngꞌˆ i̱ teáangꞌ˜ dsíiˊ dseaˋ. Jo̱ jaˋ cá̱ˆnaꞌ e ꞌléengꞌ˜naꞌ quiáꞌˉ lají̱i̱ꞌ˜ e nijmeeˉnaꞌ do, co̱ꞌ jaˋ eeˋ cuuˉ cacǿngˉ quíiˉnaꞌ e cangɨ́ɨngˋnaꞌ.

Mateo 11:4

Jo̱baꞌ lalab cañíiˋ Jesús quiáꞌˉ i̱ dseaˋ do: —Güɨlíingˋnaꞌ güɨco̱o̱˜naꞌ júuˆ quiáꞌˉ i̱ Juan do lají̱i̱ꞌ˜ e nɨcanʉ́ʉˉnaꞌ jo̱guɨ nɨcañíiˉnaꞌ e quɨ́ɨꞌ˜ jmɨɨ˜ e jmóoˋo.

Mateo 12:13

Jo̱baꞌ lalab casɨ́ꞌˉ Jesús i̱ dseaˋ caang˜ guooˋ do: —Níiꞌ˜ guóoꞌˋ, dseañʉꞌˋ. Jo̱ lajo̱b cajméeˋ i̱ dseaˋ do, jo̱ ladsifɨˊ lanab caꞌlóoˉ guóorˋ jo̱ calɨguiʉ́bˉ e guóorˋ do lɨ́ꞌˆ laco̱ꞌguɨ e co̱o̱ˋ do.

Mateo 21:14

Jo̱ lajeeˇ táangˋ Jesús e fɨˊ dsíiˊ guáꞌˉ do, jo̱b caguilíingˉ jaléngꞌˋ dseaˋ tiuungˉ có̱o̱ꞌ˜guɨ jaléngꞌˋ dseaˋ jlúungꞌ˜, jo̱ cajmiꞌleáangˉ Jesús jaléngꞌˋ i̱ dseaˋ íˋ.

Mateo 5:3

—Juguiʉ́ˉjiʉ quiáꞌˉ jaléngꞌˋ dseaˋ i̱ ñiˊ e ꞌneáiñˉ Fidiéeˇ, co̱ꞌ dseaˋ íbˋ dseaˋ i̱ quie̱ˊ nifɨˊ quiáꞌrˉ.

Mateo 9:30

Jo̱ dsifɨbˊ canaˊ jminiˇ i̱ dseaˋ gángˉ do. Dsʉꞌ Jesús caꞌɨ́ɨrˉ ꞌgooˋ quiáiñꞌˉ do e jaˋ i̱i̱ˋ nisɨ́iñꞌˋ jí̱i̱ꞌ˜ jaangˋ quiáꞌˉ lají̱i̱ꞌ˜ e calɨ́ˉ do.

Marcos 7:37

Jo̱ eáamˊ dsigáˋ dsíiˊ jaléngꞌˋ i̱ dseaˋ i̱ cangáˉ jaléꞌˋ e jo̱, jo̱ lalab féꞌrˋ: —Lajalébꞌˋ e jmóoˋ i̱ dseaˋ na eáamˊ guiʉ́ˉ, co̱ꞌ líꞌˋbre jmérˉ e ninúˉtu̱ jaléngꞌˋ dseaˋ güɨɨng˜ jo̱guɨ jmérˉ cajo̱ e niféꞌˋtu̱ jaléngꞌˋ dseaˋ i̱ jaˋ líˋ féꞌˋ.

Marcos 9:25

Jo̱ mɨ˜ cangáˉ Jesús e eáamˊ ngóoˊ seángꞌˊ dseaˋ fɨˊ jo̱, jo̱baꞌ cajíiñˉ i̱ ꞌlɨngꞌˆ i̱ iuungˉ dsíiˊ i̱ simingꞌˋ do jo̱ casɨ́ꞌrˉ lala: —Dseaˋ ꞌlɨngꞌˆ i̱ jmóoˋ e jaˋ líˋ féꞌˋ jo̱guɨ jaˋ líˋ nʉ́ˉ i̱ simingꞌˋ na, jnea˜ quiʉ́ꞌˋʉ ꞌnʉˋ ta˜ e nijúuꞌ˜ lɨ˜ iuunꞌˉ dsíiˊ i̱ sɨmingꞌˋ na, jo̱guɨ e joˋ quɨ́ꞌˉ jmɨɨ˜ faꞌ e niꞌúˆtu̱ꞌ caléꞌˋ catú̱ˉ.

Lucas 4:18

E Jmɨguíˋ quiáꞌˉ Fii˜ Fidiéeˇbaaꞌ e jéengˋ jnea˜, co̱ꞌ caguíngꞌˋ Fidiéeˇ jnea˜ e laco̱ꞌ niguiaaˆ jaléꞌˋ juguiʉ́ˉ quiáꞌrˉ fɨˊ jee˜ jaléngꞌˋ dseaˋ tiñíingˉ: jo̱guɨ nɨcasíiñˋ jnea˜ cajo̱ e laco̱ꞌ niguiaaˆ juguiʉ́ˉ quiáꞌˉ e nileángˋ jaléngꞌˋ i̱ dseaˋ i̱ lafaꞌ ꞌñúungꞌ˜ có̱o̱ꞌ˜ dseeˉ quiáꞌˉ, jo̱guɨ e nijmee˜e e nilɨjnéꞌˋtu̱ jaléngꞌˋ dseaˋ tiuungˉ, jo̱guɨ e nilaanˉ jaléngꞌˋ dseaˋ i̱ íngꞌˋ iihuɨ́ɨˊ quiáꞌˉ dseaˋ rúngꞌˋ, jo̱guɨ e nijméeꞌ˜e júuˆ e nɨcatɨ́bˋ íꞌˋ e nijméˉ Fidiéeˇ e niꞌuíingˉ guiʉ́ˉ quiáꞌˉ dseaˋ jmɨgüíˋ. Jo̱ lanab jí̱i̱ꞌ˜ lɨ́ɨˊ júuˆ e féꞌˋ fɨˊ ni˜ jiˋ quiáꞌˉ Fidiéeˇ.

Juan 10:25

Jo̱baꞌ cañíiˋ Jesús quiáꞌˉ i̱ dseaˋ Israel do jo̱ casɨ́ꞌˉreiñꞌ: —Nɨcafɨ́ɨˉbɨ́ɨ ꞌnʉ́ꞌˋ e íbˋ jnea˜, jo̱ dsʉꞌ ꞌnʉ́ꞌˋ jaˋ jáꞌˉ calɨ́ngˉnaꞌ júuˆ quiéˉe. Co̱ꞌ jalébꞌˋ e nɨcañíiˉ ꞌnʉ́ꞌˋ e nɨcajméˉe, jmóoˋo laꞌeáangˊ có̱o̱ꞌ˜ ta˜ huɨ̱́ꞌˋ quiáꞌˉ Tiquiéˆe, jo̱ lajaléꞌˋ e jo̱ cuøˊ li˜ e íbˋ dseángꞌˉ lɨ́ɨnˊn;

Juan 10:38

Jo̱guɨ dsʉꞌ song jmóoˋbɨ́ɨ e quɨ́ɨꞌ˜ɨ jmɨɨ˜ do e nañiˊ faꞌ jaˋ jáꞌˉ lɨ́ɨngˋnaꞌ jnea˜, jo̱baꞌ lɨ́ꞌˆ jáꞌˉ güɨlíingˋnaꞌ có̱o̱ꞌ˜ jaléꞌˋ e quɨ́ɨꞌ˜ jmɨɨ˜ do e laco̱ꞌ nilɨñíˆnaꞌ e jaamˋ dseaˋ lɨ́ɨngˊ jnea˜ có̱o̱ꞌ˜ Tiquiéˆe, jo̱guɨ lajo̱bɨ írˋ có̱o̱ꞌ˜ jnea˜ cajo̱.

Juan 2:23

Jo̱ lajeeˇ táamˋbɨ Jesús fɨˊ Jerusalén, lajeeˇ jmɨɨ˜ e quɨ́ꞌˉ tɨ́ɨngˋ dseaˋ Israel e jmóorˋ jmɨɨ˜ e siiˋ Pascua do, jo̱ lajeeˇ jo̱ jmiguiʉbˊ jaléꞌˋ e quɨ́ɨꞌ˜ Jesús jmɨɨ˜ cajméerˋ fɨˊ quiniˇ jaléngꞌˋ i̱ dseaˋ i̱ sɨseángꞌˊ do ie˜ jo̱, jo̱baꞌ i̱ fɨ́ɨmˊ i̱ dseaˋ íˋ jáꞌˉ calɨ́ngˉ júuˆ quiáꞌˉ dseaˋ do.

Juan 3:2

Jo̱ co̱o̱ˋ lajeeˇ e uǿøˋ cangórˉ e cangoꞌeerˇ Jesús, jo̱ mɨ˜ caguiérˉ fɨˊ jo̱ lalab casɨ́ꞌrˉ dseaˋ do: —Tɨfaꞌˊ, nɨneb˜ jneaꞌˆ røøˋ e Fidiéebˇ dseaˋ casíiñˋ ꞌnʉˋ fɨˊ jmɨgüíˋ la e cañiꞌéeꞌ˜ jneaꞌˆ, dsʉco̱ꞌ jí̱i̱ꞌ˜ jaangˋ dseaˋ jmɨgüíˋ jaˋ quɨ́ɨꞌr˜ jmɨɨ˜ faꞌ lɨɨng˜ eeˋ li˜ nijmérˉ e dsigáˋ dsíiˊ dseaˋ jí̱i̱ꞌ˜ laco̱ꞌ quɨ́ɨꞌ˜ ꞌnʉˋ jmɨɨ˜ e jmooꞌˋ fɨng song jaˋ jmɨcó̱o̱ꞌ˜ Fidiéeˇ quiáꞌrˉ.

Juan 5:36

Jo̱guɨ jaléꞌˋ e jmóoˋ jnea˜ do eáangˊguɨ cuøˊ li˜ i̱˜ jnea˜, jo̱ eáangˊguɨb niingˉ laco̱ꞌ e júuˆ e cajíngꞌˉ i̱ Juan do uii˜ quiéˉe; co̱ꞌ lají̱i̱ꞌ˜ e jmóoˋ jnea˜, ta˜ jo̱b e cacuøꞌˊ Tiquíˆiiꞌ Fidiéeˇ jnea˜ e nijmee˜e. Jo̱ jaléꞌˋ e jmóoˋo do cuøˊ li˜ e Tiquíˆiiꞌ Fidiéebˇ dseaˋ casíiñˋ jnea˜ fɨˊ jmɨgüíˋ la.

Juan 9:7

Jo̱ mɨ˜ cangɨ́ˋ jo̱, lalab casɨ́ꞌˉreiñꞌ do jo̱ cajíñꞌˉ: —Gua˜ jo̱ güɨrú̱u̱ꞌ˜ jminíꞌˆ fɨˊ dsíiˊ guiéeˊ sɨlɨ́ɨngˇ e siiˋ Siloé —jo̱ e Siloé do guǿngꞌˋ Jaangˋ i̱ Casíingˋ Dseaˋ. Jo̱baꞌ lajo̱b cajméeˋ i̱ dseaˋ tiuungˉ do, cangóˉbre e cangorú̱u̱ꞌrˇ jminirˇ, jo̱ nɨjnéꞌˋbre mɨ˜ tɨˊ lɨ˜ caquɨiñꞌˉ fɨˊ jo̱.

Hechos 2:22

Jo̱ lalab cajíngꞌˉguɨ Tʉ́ˆ Simón casɨ́ꞌrˉ dseaˋ góorˋ dseaˋ Israel ie˜ jo̱: —Nʉ́ʉˉguɨꞌ jaléꞌˋ e júuˆ e nifɨ́ɨˆɨ ꞌnʉ́ꞌˋ la. Lajɨɨˉbaaꞌ nɨne˜naaꞌ guiʉ́ˉ jaléꞌˋ e quɨ́ɨꞌ˜ Jesús i̱ seengˋ fɨˊ Nazaret jmɨɨ˜ jmóorˋ, jo̱ dsigáˋ dsíiˊ dseaˋ có̱o̱ꞌ˜ jaléꞌˋ li˜ e quɨ́ɨꞌr˜ jmɨɨ˜ jmóorˋ laꞌeáangˊ có̱o̱ꞌ˜ Fidiéeˇ. Jo̱baꞌ calɨne˜naaꞌ e dseaˋ íbˋ casíiñˋ dseaˋ do fɨˊ la.

Santiago 2:5

Jo̱ nʉ́ʉˉnaꞌ jaléꞌˋ e nifɨ́ɨˆguɨ́ɨ ꞌnʉ́ꞌˋ la, dseaˋ rúꞌˋnaaꞌ dseaˋ quiáꞌˉ Dseaˋ Jmáangˉ: ꞌNéˉ nicá̱ˉ ꞌnʉ́ꞌˋ cuente e Fidiéeˇbingꞌ nɨcaguíngꞌˋ jaléngꞌˋ dseaˋ tiñíingˉ fɨˊ quiniˇ jaléngꞌˋ dseaˋ jmɨgüíˋ e laco̱ꞌ niꞌuíiñꞌˉ do dseaˋ i̱ lajangꞌˉ teáangˉ teáˋ fɨˊ guiʉ́ˉ có̱o̱ꞌ˜ Dseaˋ Jmáangˉ laco̱ꞌ sɨꞌíˆ, jo̱guɨ lajo̱baꞌ e niꞌíngꞌˋ i̱ dseaˋ íˋ e Fidiéeˇ quie̱ˊ nifɨˊ quiáꞌrˉ lɨ́ꞌˆ laco̱ꞌ jí̱i̱ꞌ˜ e nɨcajíngꞌˉ dseaˋ do lamɨ˜ jéengˊguɨ e nicuǿꞌrˉ jaléngꞌˋ dseaˋ i̱ ꞌneáangˋ írˋ.