Mateo 11:10 - Chinantec Comaltepec

¹⁰ Jo̱ nab nɨcalɨti˜ laco̱ꞌ féꞌˋ fɨˊ ni˜ jiˋ quiáꞌˉ Fidiéeˇ cuaiñ˜ quiáꞌˉ i̱ Juan i̱ seáangˋ dseaˋ jmɨɨˋ do mɨ˜ cajíngꞌˉ Fidiéeˇ e casɨ́ꞌrˉ Dseaˋ Jmáangˉ lala: Nisɨ́ɨnˆn jaangˋ dseaˋ i̱ niguiáˉ júuˆ quiéˉe nʉ́ꞌˉguɨ e niguóꞌˆ fɨˊ jmɨgüíˋ e laco̱ꞌ niguiárˉ guiʉ́ˉ fɨˊ lɨ˜ ningɨ́ꞌˆ.

Mateo 11:10 Iomraidhean Croise

Mateo 11:11

Jo̱ lalab cajíngꞌˉguɨ Jesús casɨ́ꞌrˉ i̱ dseaˋ teáangˉ có̱o̱ꞌr˜ do ie˜ jo̱: —Jo̱ jnea˜ jmɨtaaˆ óoˊnaꞌ e lajeeˇ lajaléngꞌˋ dseaˋ i̱ nɨcaféꞌˋ cuaiñ˜ quiáꞌˉ Fidiéeˇ, jaˋ mɨˊ calɨséngˋ jaangˋ i̱ niingˉguɨ ta˜ quiáꞌˉ laco̱ꞌ i̱ Juan i̱ seáangˋ dseaˋ jmɨɨˋ do. Jo̱ dsʉꞌ i̱ dseaˋ i̱ jaˋ niingˉ fɨˊ jmɨgüíˋ la dsʉꞌ Fidiéeˇbingꞌ i̱ quie̱ˊ nifɨˊ quiáꞌrˉ, jo̱baꞌ íˋbingꞌ i̱ niingˉguɨ laco̱ꞌ i̱ Juan do.

Mateo 11:3

e cangojmɨngɨ́ɨꞌˇreiñꞌ su íbˋ dseaˋ i̱ sɨjeengˇ dseaˋ Israel i̱ sɨꞌíingˆ e nigüéengˉ fɨˊ jmɨgüíˋ la, o̱si nijémˉbɨr jaangˋguɨ i̱ jiéngꞌˋ é.

Mateo 3:3

Jo̱ malɨɨ˜guɨ eáangˊ calɨséngˋ jaangˋ dseaˋ i̱ calɨsíˋ Saíiˆ i̱ caféꞌˋ cuaiñ˜ quiáꞌˉ Fidiéeˇ, jo̱ íbˋ i̱ caféꞌˋ uii˜ quiáꞌˉ i̱ Juan do mɨ˜ cajíñꞌˉ lala: Ngɨˊ jaangˋ dseaˋ i̱ féꞌˋ teáˋ fɨˊ ni˜ guóoꞌ˜ uǿˉ quiʉ̱́ˋ jo̱ féꞌrˋ lala: “Jmeáangꞌ˜naꞌ guiʉ́ˉ fɨˊ jo̱guɨ nea˜naꞌ condséeˊ, co̱ꞌ lana tɨˊ lɨ˜ nijáabˊ Fíiˋnaaꞌ.” Jo̱ jaléꞌˋ e na cajíngꞌˉ Saíiˆ fɨˊ ni˜ jiˋ quiáꞌˉ Fidiéeˇ do.

Marcos 1:2

Jo̱ lají̱i̱ꞌ˜ malɨꞌˋguɨ eáangˊ jaangˋ dseaˋ i̱ caféꞌˋ cuaiñ˜ quiáꞌˉ Fidiéeˇ i̱ calɨsíˋ Saíiˆ caté̱e̱rˋ fɨˊ ni˜ jiˋ quiáꞌrˉ lala: Lalab féꞌˋ Fidiéeˇ e casɨ́ꞌrˉ Dseaˋ Jmáangˉ: Nisɨ́ɨnˆn jaangˋ dseaˋ i̱ niguiáˉ júuˆ quiéˉe nʉ́ꞌˉguɨ e niguoꞌˆ fɨˊ jmɨgüíˋ e laco̱ꞌ niguiarˊ guiʉ́ˉ fɨˊ lɨ˜ ningɨ́ꞌˆ.

Lucas 1:76

Jo̱ mɨ˜ calɨ́ˉ e jo̱, jo̱ lalab casɨ́ꞌˉ Zacarías i̱ yʉ̱ʉ̱ˋ do: Jo̱guɨ ꞌnʉˋ, yʉ̱ʉ̱ˋ quíˉiiꞌ, nilɨsiiꞌˋ dseaˋ i̱ caguíngꞌˋ Fidiéeˇ dseaˋ guiing˜ ñifɨ́ˉ i̱ niféꞌˋ cuaiñ˜ quiáꞌrˉ; co̱ꞌ ꞌnʉbˋ dseaˋ niguiéenꞌ˜ dseaˋ guiʉ́ˉ, co̱ꞌ lana nɨjaquiéengˊ e tɨˊ lɨ˜ nijáaˊ Fíiˋnaaꞌ Dseaˋ Jmáangˉ.

Juan 1:23

Jo̱baꞌ cañíiˋtu̱ i̱ Juan do quiáiñꞌˉ do: —Jnea˜ lɨ́ɨnˊn jaangˋ i̱ féꞌˋ i̱ cagüéngˉ fɨˊ ni˜ guóoꞌ˜ uǿˆ quiʉ̱́ˋ, jo̱ quie̱e̱ˉ júuˆ quiáꞌˉ Fidiéeˇ e catɨ́ɨngˉ ꞌnʉ́ꞌˋ e féꞌˋ lala: “Nea˜naꞌ condséeˊ co̱o̱ˋ fɨˊ, co̱ꞌ tɨˊ lɨ˜ nijáabˊ Fíiˋnaaꞌ” —lɨ́ꞌˆ laco̱ꞌ cajíngꞌˉ Fidiéeˇ fɨˊ ni˜ jiˋ quiáꞌrˉ e cajmeꞌˊ Saíiˆ, jaangˋ dseaˋ i̱ caféꞌˋ cuaiñ˜ quiáꞌˉ Fidiéeˇ ie˜ malɨɨ˜guɨ eáangˊ.