Mateo 10:10 - Chinantec Comaltepec

¹⁰ o̱ꞌguɨ nosʉ́ʉˊ quíiˆnaꞌ. Jo̱guɨ jí̱i̱ꞌ˜ sɨ̱́ꞌˋnaꞌ e quíiꞌ˜baꞌ ꞌnéˉ cá̱ˆnaꞌ, co̱ꞌ jaˋ ꞌnéˉ cá̱ˆnaꞌ e co̱ꞌˋ cá̱ˆnaꞌ; lajo̱bɨ lomɨɨ˜naꞌ cajo̱, lají̱i̱ꞌ˜ e ǿꞌˋbaꞌ, o̱ꞌguɨ ꞌnéˉ cá̱ˆnaꞌ ꞌmaꞌuˇ, co̱faꞌ jaléngꞌˋ dseaˋ jmóoˋ ta˜ ngɨ́ɨmˋbre jaléꞌˋ e gøꞌrˊ.

Mateo 10:10 Iomraidhean Croise

Mateo 10:11

’Jo̱ mɨ˜ niguilíingˉnaꞌ fɨˊ co̱o̱ˋ fɨɨˋ píꞌˆ o̱si fɨˊ co̱o̱ˋ fɨɨˋ féꞌˋ é, ꞌnéngꞌˊnaꞌ jaangˋ dseaˋ i̱ li˜ i̱ niꞌíngꞌˋ ꞌnʉ́ꞌˋ fɨˊ sɨnʉ́ʉˆ quiáꞌrˉ, jo̱ fɨˊ jo̱b nijá̱ˆnaꞌ carta˜ taang˜naꞌ fɨˊ e fɨɨˋ jo̱.

Marcos 6:8

Jo̱ caquiʉꞌˊ Jesús ta˜ quiáꞌˉ i̱ dseaˋ guitúungˋ quiáꞌrˉ do e jaˋ nicá̱iñꞌˋ do jí̱i̱ꞌ˜ co̱o̱ˋ fɨˊ lɨ˜ nidsilíiñˉ; jí̱i̱ꞌ˜ co̱o̱ˋ ꞌmaꞌuˇbaꞌ ꞌnéˉ só̱ꞌrˋ, jo̱ jaˋ ꞌnéˉ faꞌ nicá̱rˋ nosʉ́ʉˊ quiáꞌrˉ o̱ꞌguɨ ir˜ e nidǿꞌrˉ o̱ꞌguɨ cuuˉ cajo̱.

Lucas 3:11

Jo̱baꞌ cañíiˋ i̱ Juan do jo̱ casɨ́ꞌrˉ i̱ dseaˋ do: —E labaꞌ ꞌnéˉ nijmeeˉnaꞌ: I̱i̱ˋ ꞌnʉ́ꞌˋ ooˉnaꞌ tú̱ˉ ꞌmɨꞌquíiˊnaꞌ, ꞌnéˉ nicuǿꞌˆnaꞌ co̱o̱ˋ jaangˋ dseaˋ i̱ jaˋ seaˋ quiáꞌˉ; jo̱guɨ i̱i̱ˋ ꞌnʉ́ꞌˋ seaˋ e cøꞌˆnaꞌ, ꞌnéˉ nicøꞌˆnaꞌ jmáꞌˉjiʉ có̱o̱ꞌ˜ jaléngꞌˋ i̱ jaˋ seaˋ e dǿꞌˉ.

Lucas 9:3

Jo̱ lalab casɨ́ꞌˉ Jesús i̱ dseaˋ guitúungˋ do quiáꞌrˉ jo̱ cajíñꞌˉ: —Nigüɨlíingˉnaꞌ jo̱ jaˋ eeˋ ꞌnéˉ cá̱ˆnaꞌ jí̱i̱ꞌ˜ co̱o̱ˋ quiáꞌˉ guiáꞌˆ fɨˊ: jaˋ ꞌnéˉ cá̱ˆnaꞌ ꞌmaꞌuˇ o̱ꞌguɨ nosʉ́ʉˊ o̱ꞌguɨ íiˊ o̱ꞌguɨ ñinéeˉ. Jo̱guɨ jí̱i̱ꞌ˜ sɨ̱́ꞌˋnaꞌ e quíiꞌ˜baꞌ nicá̱ˆnaꞌ, co̱ꞌ jaˋ ꞌnéˉ faꞌ cá̱ˆnaꞌ tú̱ˉ neáangˊ sɨ̱́ꞌˋnaꞌ.

2 Timoteo 4:13

Jo̱ fɨ́ɨˉɨ ꞌnʉˋ, Timoteo, e mɨ˜ niñíiˊtu̱ꞌ caléꞌˋ catú̱ˉ fɨˊ la, jo̱ cá̱ˆgo̱ꞌ e ꞌmɨjñʉ́ˋ iʉ˜ luuˉ do quiéˉe e casee˜e fɨˊ quiáꞌˉ i̱ dseañʉꞌˋ i̱ siiˋ Carpo i̱ seengˋ fɨˊ Troas; jo̱guɨ cá̱ˆbɨꞌ cajo̱ jaléꞌˋ jiˋ quiéˉe, jo̱ dsʉꞌ e laniingˉguɨ eáangˊ e ꞌnéˉ cá̱ꞌˆ e majíˋ e sɨbéengˋ e lɨ˜ to̱o̱˜ júuˆ quiéˉe do.