Lucas 9:3 - Chinantec Comaltepec

³ Jo̱ lalab casɨ́ꞌˉ Jesús i̱ dseaˋ guitúungˋ do quiáꞌrˉ jo̱ cajíñꞌˉ: —Nigüɨlíingˉnaꞌ jo̱ jaˋ eeˋ ꞌnéˉ cá̱ˆnaꞌ jí̱i̱ꞌ˜ co̱o̱ˋ quiáꞌˉ guiáꞌˆ fɨˊ: jaˋ ꞌnéˉ cá̱ˆnaꞌ ꞌmaꞌuˇ o̱ꞌguɨ nosʉ́ʉˊ o̱ꞌguɨ íiˊ o̱ꞌguɨ ñinéeˉ. Jo̱guɨ jí̱i̱ꞌ˜ sɨ̱́ꞌˋnaꞌ e quíiꞌ˜baꞌ nicá̱ˆnaꞌ, co̱ꞌ jaˋ ꞌnéˉ faꞌ cá̱ˆnaꞌ tú̱ˉ neáangˊ sɨ̱́ꞌˋnaꞌ.

Lucas 9:3 Iomraidhean Croise

Marcos 6:7

Jo̱ lajeeˇ jo̱b catǿꞌrˉ i̱ dseaˋ guitúungˋ quiáꞌrˉ do jo̱ canaaiñˋ sɨ́ɨngˋneiñꞌ do táꞌˉ la gáiñꞌˉ e nidsiꞌéeiñꞌ˜ do dseaˋ júuˆ quiáꞌˉ Fidiéeˇ, jo̱guɨ cacuøꞌˊbɨreiñꞌ e quɨ́ɨꞌr˜ jmɨɨ˜ cajo̱ e quiʉꞌrˊ ta˜ quiáꞌˉ jaléngꞌˋ i̱ ꞌlɨngꞌˆ.

Lucas 12:22

Jo̱ mɨ˜ cangɨ́ˋ jo̱, jo̱ caféngꞌˊguɨ Jesús jaléngꞌˋ dseaˋ guitúungˋ quiáꞌrˉ jo̱ casɨ́ꞌˉreiñꞌ: —Lala fɨ́ɨˉɨ ꞌnʉ́ꞌˋ: jaˋ jmeeˉnaꞌ fɨꞌíˆ quiáꞌˉ jaléꞌˋ e nicøꞌˆnaꞌ o̱ꞌguɨ jmeeˉnaꞌ fɨꞌíˆ quiáꞌˉ jaléꞌˋ sɨ̱́ꞌˋnaꞌ.

Lucas 12:28

Co̱faꞌ jlobꞌˆ cajméeˋ Fidiéeˇ e jnéengˉ jaléꞌˋ líˆ e jaˋ huǿøˉ téꞌˋ, dsʉꞌ jaléngꞌˋguɨ ꞌnʉ́ꞌˋ, dseaˋ i̱ jaˋ mɨˊ teáangˉ teáˋ có̱o̱ꞌ˜ júuˆ quiéˉe, jmiguiʉˊguɨ niñíingˋnaꞌ quiáꞌˉ Fidiéeˇ jaléꞌˋ e ꞌnéˉnaꞌ.

Lucas 22:35

Jo̱ lɨ́ˉ jo̱, cajmɨngɨ́ꞌˉ Jesús jaléngꞌˋ i̱ dseaˋ quiáꞌrˉ do jo̱ cajíñꞌˉ casɨ́ꞌˉreiñꞌ: —Mɨ˜ casɨ́ɨnˉn ꞌnʉ́ꞌˋ e jaˋ quié̱ˆnaꞌ nosʉ́ʉˊ quíiˉnaꞌ o̱ꞌguɨ cuuˉ, jo̱guɨ jí̱i̱ꞌ˜ lomɨɨ˜naꞌ e ǿꞌˋbaꞌ, jo̱baꞌ jí̱i̱ꞌ˜ co̱o̱ˋ jaˋ eeˋ calɨꞌnéˉguɨꞌ, ¿jሠleáaꞌ˜? Jo̱baꞌ cañíiˋ i̱ dseaˋ do jo̱ casɨ́ꞌrˉ Jesús: —Dseángꞌˉ lajo̱b lɨ́ɨˊ, Fíiˋiiꞌ.

Lucas 3:11

Jo̱baꞌ cañíiˋ i̱ Juan do jo̱ casɨ́ꞌrˉ i̱ dseaˋ do: —E labaꞌ ꞌnéˉ nijmeeˉnaꞌ: I̱i̱ˋ ꞌnʉ́ꞌˋ ooˉnaꞌ tú̱ˉ ꞌmɨꞌquíiˊnaꞌ, ꞌnéˉ nicuǿꞌˆnaꞌ co̱o̱ˋ jaangˋ dseaˋ i̱ jaˋ seaˋ quiáꞌˉ; jo̱guɨ i̱i̱ˋ ꞌnʉ́ꞌˋ seaˋ e cøꞌˆnaꞌ, ꞌnéˉ nicøꞌˆnaꞌ jmáꞌˉjiʉ có̱o̱ꞌ˜ jaléngꞌˋ i̱ jaˋ seaˋ e dǿꞌˉ.

Lucas 5:29

Jo̱ mɨ˜ cangɨ́ˋ jo̱, fɨˊ quiáꞌˉ Leví cajméerˋ co̱o̱ˋ jmɨɨ˜ feꞌˋ e quiáꞌˉ e jmɨꞌgórˋ Jesús, jo̱guɨ catǿꞌrˉ jaléngꞌˋguɨ nodsicuuˉ i̱ cuíiñˋ e cagǿꞌrˋ co̱lɨɨng˜, jo̱guɨ fɨ́ɨmˊbɨ dseaˋ jiéngꞌˋ i̱ caseángꞌˊ fɨˊ jo̱ ie˜ jo̱.

Lucas 9:4

Jo̱ mɨ˜ niguilíingˉnaꞌ fɨˊ co̱o̱ˋ fɨɨˋ, jo̱ ꞌnéˉ niꞌnoꞌˆnaꞌ co̱o̱ˋ ꞌnʉ́ʉˊ lɨ˜ nijá̱ˆnaꞌ carta˜ taang˜naꞌ e fɨɨˋ jo̱, jo̱ jaˋ jmɨsɨ́ɨngˆnaꞌ lɨ˜ já̱ˆnaꞌ.

2 Timoteo 2:4

Dsʉco̱ꞌ jí̱i̱ꞌ˜ jaangˋ ꞌléeˉ, e lajeeˇ e jmóorˋ ta˜, catɨ́ɨngˉ e nijmérˉ nʉ́ʉꞌr˜ lají̱i̱ꞌ˜ ta˜ quiʉꞌˊ jaangˋ dseaˋ jiéngꞌˋ i̱ jaˋ lɨ́ɨngˊ fiir˜, co̱ꞌ lají̱i̱ꞌ˜ fii˜bre ꞌnéˉ e nijmiꞌiáaiñˋ dsíiñꞌˊ.