Lucas 19:44 - Chinantec Comaltepec

⁴⁴ jo̱ nijngáiñꞌˉ jaléngꞌˋ ꞌnʉ́ꞌˋ. Jo̱ lɨ́ˉ jo̱, niquɨ́ꞌrˋ jaléꞌˋ ꞌnʉ́ˆnaꞌ catɨˊ tɨɨˉ fɨɨˋ, jo̱ jí̱i̱ꞌ˜ co̱o̱ˋ cu̱u̱˜ joˋ nisérˉ faꞌ e sɨfɨ́ɨngˇguɨ e quie̱ˊguɨ eáangˆ ꞌnʉ́ˆnaꞌ, dsʉco̱ꞌ jaˋ calɨcuíingˋnaꞌ jnea˜ e lɨ́ɨnˊn Dseaˋ Jmáangˉ mɨ˜ cataan˜n jee˜ ꞌnʉ́ꞌˋ fɨˊ jmɨgüíˋ la.

Lucas 19:44 Iomraidhean Croise

Mateo 24:2

Jo̱baꞌ lalab casɨ́ꞌˉ Jesús i̱ dseaˋ íˋ: —¿Su jǿøˉ ꞌnʉ́ꞌˋ jial jloꞌˆ e guáꞌˉ siꞌˊ na? Jo̱ dsʉꞌ e jáꞌˉbaꞌ e fɨ́ɨˉɨ ꞌnʉ́ꞌˋ e jí̱i̱ꞌ˜ co̱o̱ˋ cu̱u̱˜ joˋ nijé̱ˉ sɨfɨ́ɨngˇguɨ rúngꞌˋ quiáꞌˉ e guáꞌˉ e móoˉnaꞌ siꞌˊ na lana; co̱ꞌ lajɨbˋ niꞌíingˉ jo̱ jí̱i̱ꞌ˜ co̱o̱ˋ joˋ e nijé̱ˉguɨ.

Marcos 13:2

Jo̱ cañíiˋ Jesús quiáꞌˉ i̱ dseaˋ quiáꞌrˉ do: —Jǿøˉ jial jloꞌˆ có̱o̱ꞌ˜ e sɨlɨ́ɨˋ e guáꞌˉ na. Dsʉꞌ latøøngˉ e guáꞌˉ na jí̱i̱ꞌ˜ co̱o̱ˋ cu̱u̱˜ joˋ e nijé̱ˉguɨ sɨfɨ́ɨngˇ quiáꞌˉ rúngꞌˋ, co̱ꞌ dseángꞌˉ lajɨbˋ niꞌíingˉ mɨ˜ nitɨ́ˉ íꞌˋ lajo̱.

Lucas 1:68

Güɨjmifémꞌˊ jaléngꞌˋ dseaˋ Fíiˋnaaꞌ Fidiéeˇ quiáꞌˉ dseaˋ Israel, dsʉco̱ꞌ nɨcajárˉ jee˜ jneaa˜aaꞌ, dseaˋ lɨ́ɨˊnaaꞌ dseaˋ quiáꞌrˉ, jo̱ nɨcaleáamˋbre jneaa˜aaꞌ jee˜ jaléꞌˋ dseeˉ quíˉnaaꞌ.

Lucas 1:78

Jo̱ Fidiéeˇ nijmérˉ jaléꞌˋ e jo̱, co̱ꞌ dsíngꞌˉ ꞌneáaiñˋ jneaa˜aaꞌ, jo̱guɨ eáamˊ fɨꞌˋ lɨ́ɨiñˉ jneaa˜aaꞌ cajo̱. Jo̱baꞌ nɨcacuøꞌrˊ jneaa˜aaꞌ e lafaꞌ nijneáˋ co̱o̱ˋ jɨˋ e jloꞌˆ niingˉ ꞌgøngꞌˊ fɨˊ lɨ˜ se̱e̱ˉnaaꞌ lana,

Lucas 19:42

jo̱ cajíñꞌˉ: —¡Faꞌjiʉ e jáꞌˉ lɨ́ɨngˋ ꞌnʉ́ꞌˋ, dseaˋ neáangˊnaꞌ fɨˊ na, jaléꞌˋ júuˆ quiéˉe, jo̱baꞌ latɨˊ lanab jóng nilɨseengˋnaꞌ juguiʉ́ˉ júuˆ røøˋ có̱o̱ꞌ˜ Fidiéeˇ! Jo̱ dsʉꞌ lana jaˋ quɨ́ꞌˉ jmɨɨ˜ ningángꞌˋnaꞌ jaléꞌˋ júuˆ quiéˉe, co̱ꞌ jaˋ iing˜naꞌ núuˆnaꞌ.

Lucas 21:6

—Niguiéebˊ jmɨɨ˜ mɨ˜ niquɨ́ꞌˉ jaléꞌˋ e móoˉ ꞌnʉ́ꞌˋ e té̱e̱ˉ na, jo̱ jí̱i̱ꞌ˜ co̱o̱ˋ cu̱u̱˜ joˋ nijé̱ˉ faꞌ e sɨfɨ́ɨngˇguɨ rúngꞌˋ lɨ́ꞌˆ laco̱ꞌ jloꞌˆ jnéengˉ e na lana.

1 Pedro 2:12

Jo̱ eeˉnaꞌ guiʉ́ˉ jee˜ jaléngꞌˋ dseaˋ i̱ jaˋ mɨˊ cuíingˋ Fidiéeˇ, co̱ꞌ nañiˊ faꞌ lana gabˋ féꞌˋ i̱ dseaˋ íˋ uii˜ quíiˉnaꞌ e lafaꞌ ꞌnʉ́ꞌˋ lɨ́ɨngˊnaꞌ dseaˋ i̱ jmóoˋ ta˜ ꞌléeˊ, dsʉꞌ mɨ˜ nitɨ́ˉ íꞌˋ e nijáaˊtu̱ Dseaˋ Jmáangˉ caléꞌˋ catú̱ˉ fɨˊ jmɨgüíˋ la, jo̱baꞌ i̱ dseaˋ íˋ nijmifémꞌˊbre Fidiéeˇ cajo̱ co̱ꞌ nilɨlíꞌˆbre lají̱i̱ꞌ˜ e guiʉ́ˉ e jmooˋ ꞌnʉ́ꞌˋ fɨˊ jmɨgüíˋ la.