Lucas 11:26 - Chinantec Comaltepec

²⁶ Jo̱ mɨ˜ ninírˋ e dsíngꞌˉ jloꞌˆ dsíiˊ i̱ dseaˋ do lɨ˜ niꞌíˋtu̱r, jo̱ nidsérˉ nidsitéerˋ guiángˉ i̱ ꞌlɨngꞌˆguɨ laco̱ꞌ írˋ e nidsitáaiñꞌ˜ dsíiˊ i̱ dseaˋ do. Jo̱baꞌ gaˋguɨb nilíingˉ i̱ dseaˋ do jóng laco̱ꞌguɨ lamɨ˜ iuungˉ jaangˋ i̱ ꞌlɨngꞌˆ do fɨˊ dsíirˊ.

Lucas 11:26 Iomraidhean Croise

Mateo 12:45

Jo̱ mɨ˜ ninírˋ e dsíngꞌˉ jloꞌˆ dsíiˊ e lɨ˜ niguieiñꞌˊ do, jo̱baꞌ nidsérˉ nidsitéerˋ guiángˉ i̱ ꞌlɨngꞌˆguɨ laco̱ꞌ írˋ e nidsitáaiñꞌ˜ fɨˊ dsíiˊ i̱ dseaˋ do, jo̱baꞌ gaˋguɨ nilíingˉ i̱ dseaˋ do laco̱ꞌguɨ lamɨ˜ iuungˉ jaangˋ i̱ ꞌlɨngꞌˆ do fɨˊ dsíirˊ. Jo̱ lajo̱b nidsingɨ́ɨngˉ jaléngꞌˋ i̱ dseaˋ i̱ røøngˋ dseeˉ i̱ seengˋ jmɨɨ˜ na.

Mateo 23:15

’¡E ngɨ˜ fɨ́ɨbˆ ꞌnʉ́ꞌˋ, jaléngꞌˋ tɨfaꞌˊ quiáꞌˉ júuˆ quiʉꞌˊ ta˜ quiáꞌˉ dseaˋ Israel có̱o̱ꞌ˜guɨ jaléngꞌˋ ꞌnʉ́ꞌˋ, dseaˋ Israel i̱ lɨ́ɨngˊ dseaˋ fariseo, co̱ꞌ jmangꞌˆ i̱ jmɨcaam˜ ꞌnʉ́ꞌˋ! Co̱ꞌ jmooˋnaꞌ ta˜ ngɨˊ lacaangˋ fɨˊ ni˜ guóoꞌ˜ uǿˉ quiʉ̱́ˋ có̱o̱ꞌ˜guɨ lacaangˋ fɨˊ ni˜ jmɨñíꞌˆ e laco̱ꞌ nilíꞌˋnaꞌ jaangˋ dseaˋ i̱ nidsitáangˉ có̱o̱ꞌ˜ ꞌnʉ́ꞌˋ. Jo̱guɨ mɨ˜ tɨˊ lɨ˜ calɨ́ꞌˉnaꞌ i̱ dseaˋ íˋ, dseángꞌˉ lɨco̱ꞌ síngꞌˋguɨnaꞌr e catɨ́ɨiñˉ tú̱ˉ néeꞌ˜ fɨˊ lɨ˜ ꞌlɨꞌˆ laco̱ꞌguɨ la lɨ́ɨngˊ ꞌnʉ́ꞌˋ yaang˜naꞌ.

Lucas 11:25

Jo̱ mɨ˜ niguiengꞌˊtu̱r dsíiˊ i̱ dseaˋ do, niguieiñꞌˊ lafaꞌ co̱o̱ˋ sɨnʉ́ʉˆ lɨ˜ sɨquiáangˇ guiʉ́ˉ jo̱ sɨlɨ́ɨˋ jloꞌˆ.

Lucas 11:27

Jo̱ lajeeˇ guiꞌnangꞌˇ e féꞌˋbɨ Jesús e júuˆ na mɨ˜ tɨˊ lɨ˜ guicaféꞌˋ jaangˋ dseamɨ́ˋ e teáˋ eáangˊ jee˜ jaléngꞌˋ i̱ dseaˋ do jo̱ guicajíñꞌˉ: —¡Juguiʉ́ˉ oˊ quiáꞌˉ niquíiꞌˆ, dseaˋ cangoquieeiñ˜ ꞌnʉˋ jo̱guɨ cajmɨcuáaiñˋ ꞌnʉˋ cajo̱!

Juan 5:14

Jo̱ mɨ˜ cangɨ́ˋ jo̱, dob cadséngꞌˋtu̱ Jesús i̱ dseaˋ i̱ cajmiꞌleáaiñˉ do fɨˊ dsíiˊ sɨnʉ́ʉˆ guáꞌˉ féꞌˋ e siꞌˊ fɨˊ Jerusalén jo̱ lalab casɨ́ꞌˉreiñꞌ do: —Janúꞌˋ, lana nɨcaꞌláamˉbaꞌ lají̱i̱ꞌ˜ jmohuɨ́ɨˊ e lamɨ˜ lɨnꞌˊ, jo̱ jie˜ mɨˊ eeˉtu̱ꞌ dseeˉ caléꞌˋ catú̱ˉ, dsʉco̱ꞌ fɨng song cajmeeˉtu̱ꞌ lajo̱, jo̱baꞌ huɨ́ɨngˊguɨb nidsijéeˊ quíiꞌˉ jóng.

1 Juan 5:16

Jo̱ song jaangˋ dseaˋ nírˋ e jaangˋguɨ dseaˋ rúiñꞌˋ éerˋ dseeˉ, jo̱ song e dseeˉ jo̱ jaˋ jmóoˋ e ꞌnaangˋ dseaˋ có̱o̱ꞌ˜ Fidiéeˇ lata˜, jo̱baꞌ ꞌnéˉ nimɨ́ꞌrˉ Fidiéeˇ uii˜ quiáꞌˉ i̱ dseaˋ íˋ e laco̱ꞌ nitʉ́iñꞌˋ do e jo̱, jo̱ lajo̱baꞌ Fidiéeˇ nicuǿrˉ e nilɨseemˋbɨiñꞌ do cøøngˋ có̱o̱ꞌr˜ song e dseeˉ e seaˋ quiáꞌˉ dseaˋ do jaˋ lɨ́ɨˊ quiáꞌˉ co̱o̱ˋ dseeˉ e jmóoˋ e ꞌnaangˋ dseaˋ có̱o̱ꞌ˜ Fidiéeˇ lata˜. Dsʉꞌ e jáꞌˉ, seabˋ dseeˉ cajo̱ e jmóoˋ e ꞌnaangˋ dseaˋ có̱o̱ꞌ˜ Fidiéeˇ lata˜, jo̱ jaˋ fáꞌˋa e ꞌnéˉ mɨ́ɨꞌ˜naaꞌ Fidiéeˇ uii˜ quiáꞌˉ e dseeˉ jo̱.