Lucas 10:34 - Chinantec Comaltepec

³⁴ Jo̱ cangoquiéeiñˊ fɨˊ lɨ˜ ráaiñꞌˋ do. Jo̱ mɨ˜ cangárˉ e sɨhuɨ́ɨmˋ i̱ dseaˋ do, jo̱ dsifɨˊ lajo̱b cajméerˋ mɨ́ɨˊ quiáiñꞌˉ, jo̱ caꞌñʉ́ꞌrˋ lacaangˋ lɨ˜ sɨhuɨ́ɨngˋ quiáiñꞌˉ do. Jo̱ mɨ˜ calɨ́ˉ e cajméerˋ mɨ́ɨˊ quiáꞌˉ i̱ dseaˋ do, jo̱ caseáangˋneiñꞌ fɨˊ mocóoꞌ˜ búꞌˆ quiáꞌrˉ, jo̱ catǿˉreiñꞌ fɨˊ lɨ˜ seengˋ dseaˋ fɨˊ lɨ˜ cajméerˋ íˆ i̱ dseaˋ do, jo̱ jo̱b caje̱rˊ có̱o̱iñꞌ˜ do ie˜ canʉʉˋ e jmɨɨ˜ jo̱.

Lucas 10:34 Iomraidhean Croise

Marcos 14:8

Co̱ꞌ i̱ dseamɨ́ˋ na nɨcajméeˋbre lají̱i̱ꞌ˜ e tɨɨiñˋ: jo̱ nɨcasú̱u̱ˉbre jmɨɨˋ jmeafɨɨˋ ngúuˊ táanˋn nʉ́ꞌˉguɨ e niꞌáangˉ dseaˋ jnea˜.

Lucas 10:33

Jo̱ dsʉꞌ mɨꞌmɨ́ɨngˉguɨjiʉ lajo̱ caguiéˉ jaangˋ dseañʉꞌˋ i̱ seengˋ fɨˊ Samaria i̱ laꞌóꞌˋ ꞌníꞌˋ níingˉ rúngꞌˋ có̱o̱ꞌ˜ dseaˋ Israel. Jo̱ mɨ˜ cangáiñˉ i̱ dseaˋ sɨhuɨ́ɨngˋ do, dsíngꞌˉ calɨ́ˉ fɨꞌˋ lɨ́ɨngˉneiñꞌ.

Lucas 10:35

Jo̱ mɨ˜ cajneáˉ e jmɨɨ˜ jo̱, mɨ˜ caguiaˊ i̱ dseaˋ seengˋ fɨˊ Samaria do guiʉ́ˉ e nidséiñꞌˉ, caguirˊ cuuˉ quiáꞌrˉ jo̱ caquíirˊ quiáꞌˉ i̱ dseaˋ lɨ˜ caje̱rˊ do quiáꞌˉ e nito̱ꞌˋ fɨ́ɨiñꞌˋ do i̱ dseaˋ sɨhuɨ́ɨngˋ do. Jo̱ casɨ́ꞌrˉ i̱ dseaˋ fii˜ ꞌnʉ́ʉˊ do jo̱ cajíñꞌˉ: “Jmeeˉ íˆ i̱ dseañʉꞌˋ la, jo̱ song caꞌíingˊguɨꞌ cuuˉ quíiꞌˉ có̱o̱ꞌ˜ jaléꞌˋ mɨ́ɨˊ quiáꞌrˉ, jneab˜ niquɨ́ˆɨ quíiꞌˉ mɨ˜ nigüéengˉtú̱u̱ caléꞌˋ catú̱ˉ.”

Romanos 12:20

Jo̱ lalab féꞌˋguɨ cajo̱ fɨˊ ni˜ jiˋ quiáꞌrˉ: “Jo̱ song jaangˋ dseaˋ i̱ ꞌníꞌˋ níingˉ ꞌnʉˋ mɨꞌrˊ ꞌnʉˋ e nidǿꞌrˉ o̱si e niꞌɨ̱́ꞌrˋ é, jo̱baꞌ ꞌnéˉ cuøꞌˆbaꞌre lají̱i̱ꞌ˜ e mɨꞌrˊ ꞌnʉˋ do. Jo̱ mɨ˜ nijmeꞌˆ lajo̱, lajo̱baꞌ nilíˋ ɨꞌˋ lɨ́ɨngˉ i̱ ꞌníꞌˋ níingˉ ꞌnʉˋ do có̱o̱ꞌ˜ lají̱i̱ꞌ˜ e jmóorˋ có̱o̱ꞌ˜ ꞌnʉˋ do.”

1 Tesalonicenses 5:15

Jo̱ ñiing˜ óoˊnaꞌ e jí̱i̱ꞌ˜ jaangˋ dseaˋ quírˉ có̱o̱ꞌ˜ e gaˋ quiáꞌˉ jaangˋguɨ dseaˋ rúiñꞌˋ uii˜ quiáꞌˉ e gaˋ e jmóoˋ íˋ quiáꞌrˉ. Co̱ꞌ lají̱i̱ꞌ˜ e ꞌnéˉ jméeˆnaꞌ e jmɨꞌúungˋnaꞌ jméeˆnaꞌ jmangꞌˉ e guiʉ́bˉ có̱o̱ꞌ˜ jaléngꞌˋ dseaˋ rúngꞌˋnaꞌ, lɨ́ꞌˆ lajaléngꞌˋ dseaˋ jmɨgüíˋ.