Lucas 1:75 - Chinantec Comaltepec

⁷⁵ Jo̱guɨ lata˜ se̱e̱ˉnaaꞌ fɨˊ jmɨgüíˋ la, nɨse̱e̱ˉnaaꞌ e lɨ́ɨˊnaaꞌ dseaˋ güeangꞌˆ quiáꞌˉ Fidiéeˇ jo̱guɨ dseaˋ i̱ éeˋ røøˋ laco̱ꞌ sɨꞌíˆ fɨˊ quiniˇ Fidiéeˇ.

Lucas 1:75 Iomraidhean Croise

Mateo 1:21

Jo̱ nilɨseengˋ jaangˋ yʉ̱ʉ̱ˋ sɨñʉʉˆ quiáꞌrˉ, jo̱ ꞌnʉˋ nitó̱ꞌˆ e nilɨsiirˋ Jesús, jo̱ nilɨsiirˋ lana dsʉco̱ꞌ nileáiñˉ jaléngꞌˋ dseaˋ quiáꞌrˉ jee˜ jaléꞌˋ dseeˉ quiáiñꞌˉ.

Lucas 1:74

e nileáiñˉ jneaa˜aaꞌ jee˜ jaléngꞌˋ i̱ ꞌníꞌˋ níingˉ jneaa˜aaꞌ, jo̱baꞌ jneaa˜aaꞌ nijmóˆnaaꞌ e ngocángˋ dsiˋnaaꞌ lɨ́ꞌˆ dseángꞌˉ laco̱ꞌ iing˜ Fidiéeˇ, jo̱ joˋ e ꞌgǿngꞌˋnaaꞌ jí̱i̱ꞌ˜ co̱o̱ˋ i̱ dseaˋ i̱ ꞌníꞌˋ níiˉ quíˉiiꞌ do jóng.

Efesios 1:4

Jo̱ Fidiéeˇ caguíñꞌˋ jneaa˜aaꞌ latɨˊ jí̱i̱ꞌ˜ mɨ˜ nʉ́ꞌˉguɨ e nitɨro̱o̱ˇ jmɨgüíˋ e laco̱ꞌ nilɨguiúngˉnaaꞌ fɨˊ quinirˇ e jaˋ dseeˉ seaˋ quíˉiiꞌ laꞌeáangˊ có̱o̱ꞌ˜ Dseaˋ Jmáangˉ.

Efesios 2:10

Dsʉꞌ Fidiéeˇbingꞌ nɨcajméeˋ jaléꞌˋ e jo̱ quíˉiiꞌ, co̱ꞌ cajméerˋ e lafaꞌ calɨꞌmɨ́ɨmˉbaaꞌ laꞌeáangˊ có̱o̱ꞌ˜ Fíiˋnaaꞌ Dseaˋ Jmáangˉ e laco̱ꞌ nijmóˆooꞌ jmangꞌˉ e guiʉ́ˉ lɨ́ꞌˆ laco̱ꞌguɨ jí̱i̱ꞌ˜ guiʉ́ˉ nɨcaguiarˊ quíˉiiꞌ jéengˊguɨ e nijmóˆooꞌ.

Efesios 4:24

Jo̱guɨ güɨlɨseengˋnaꞌ e nɨcalɨꞌmɨ́ɨmˉbaꞌ e laco̱ꞌ niꞌeeˉnaꞌ laco̱ꞌguɨ la éeˋ Fidiéeˇ ꞌñiaꞌrˊ, jo̱guɨ jméeˆnaꞌ jmangꞌˆ e guiʉ́ˉ, jo̱guɨ eeˉnaꞌ røøˋ laco̱ꞌ sɨꞌíˆ jee˜ jaléngꞌˋ dseaˋ rúngꞌˋnaꞌ.

1 Tesalonicenses 4:1

Jo̱ lanaguɨ, dseaˋ rúꞌˋnaaꞌ, nɨcaꞌéeˆbaaꞌ ꞌnʉ́ꞌˋ jial seengˋnaꞌ e laco̱ꞌ iáangˋ dsíiˊ Fidiéeˇ lɨ́ꞌˆ laco̱ꞌguɨ seengˋnaꞌ lana. Jo̱baꞌ mɨ́ɨꞌ˜bɨ́ɨꞌ ꞌnʉ́ꞌˋ jo̱guɨ síiꞌ˜bɨ́ɨꞌ ꞌnʉ́ꞌˋ cajo̱ laꞌeáangˊ có̱o̱ꞌ˜ Fíiˋnaaꞌ Jesús e güɨlɨseemˋbaꞌ laco̱ꞌguɨ la iáangˋ dsíiˊ Fidiéeˇ, jo̱ jméeˆbɨꞌ lajo̱ cajo̱.

1 Tesalonicenses 4:7

Dsʉco̱ꞌ jaˋ catǿꞌˉ Fidiéeˇ jneaa˜aaꞌ faꞌ e nijmóˆnaaꞌ jaléꞌˋ e ꞌlɨꞌˆ, co̱ꞌ catǿꞌrˉ jneaa˜aaꞌ e lɨ́ꞌˆ laco̱ꞌ nilɨse̱e̱ˉnaaꞌ e lɨ́ɨˊnaaꞌ dseángꞌˉ dseaˋ quiáꞌˉbre.

2 Tesalonicenses 2:13

Dseaˋ rúꞌˋnaaꞌ dseaˋ quiáꞌˉ Dseaˋ Jmáangˉ, eáamˊ ꞌneáangˋ Fidiéeˇ ꞌnʉ́ꞌˋ. Jo̱ jneaꞌˆ, sojiébꞌˊ ꞌnéˉ cuǿøꞌ˜naaꞌ guiꞌmáangꞌˇ Fidiéeˇ cuaiñ˜ quíiˉ ꞌnʉ́ꞌˋ, dsʉco̱ꞌ Fidiéeˇ caguíñꞌˋ ꞌnʉ́ꞌˋ latɨˊ mɨ˜ uiing˜ e quiáꞌˉ nileángˋnaꞌ jee˜ jaléꞌˋ dseeˉ quíiˉnaꞌ. Jo̱ cajméerˋ lajo̱ laꞌeáangˊ có̱o̱ꞌ˜ e ta˜ quiáꞌˉ Jmɨguíˋ quiáꞌrˉ e cuøˊ e uíingˉnaꞌ dseángꞌˉ dseaˋ quiáꞌrˉ jo̱guɨ laꞌeáangˊ e jáꞌˉ nɨcalɨ́ngˉnaꞌ júuˆ quiáꞌˉ Dseaˋ Jmáangˉ cajo̱.

2 Timoteo 1:9

Jo̱ Fidiéebˇ dseaˋ i̱ caleáangˋ jneaa˜aaꞌ jee˜ dseeˉ quíˉiiꞌ jo̱ nɨcatǿꞌrˉ jneaa˜aaꞌ e laco̱ꞌ dseángꞌˉ lajangꞌˆ niꞌuíingˉnaaꞌ dseaˋ quiáꞌrˉ i̱ jmóoˋ jmangꞌˆ e iiñ˜. Jo̱ lají̱i̱ꞌ˜ nʉ́ꞌˉguɨ e nɨtɨro̱o̱ˇ jmɨgüíˋbaꞌ e caꞌɨ́ˋ dsíirˊ e nijmérˉ lajo̱; dsʉꞌ jaˋ cajméerˋ lajo̱ uíiꞌ˜ e nɨcajmóˆooꞌ e guiʉ́ˉ, co̱ꞌ cajméerˋ lajo̱ uíiꞌ˜ e lajo̱b calɨꞌiiñ˜ jo̱guɨ co̱ꞌ eáamˊ guiúiñˉ có̱o̱ꞌ˜ jneaa˜aaꞌ laꞌeáangˊ có̱o̱ꞌ˜ Dseaˋ Jmáangˉ.