Juan 7:10 - Chinantec Comaltepec

¹⁰ Jo̱ mɨ˜ cangɨ́ˋ e cangolíingˆ i̱ rúngꞌˋ Jesús do fɨˊ lɨ˜ catɨ́ˋ jmɨɨ˜, jo̱guɨbaꞌ cangóˉ Jesús fɨˊ jo̱, jo̱ jaˋ fɨ́ɨngˊ dseaˋ i̱ ngolíingˉ có̱o̱ꞌr˜, co̱ꞌ jaˋ iiñ˜ dsérˉ fɨˊ jo̱ jee˜ dseaˋ fɨ́ɨngˊ.

Juan 7:10 Iomraidhean Croise

Mateo 10:16

Jo̱ mɨ˜ cangɨ́ˋ jo̱, lalab casɨ́ꞌˉguɨ Jesús i̱ dseaˋ quiáꞌrˉ do: —¡Té̱e̱ˊ áaˊnaꞌ! Jnea˜ nisɨ́ɨnˆn ꞌnʉ́ꞌˋ jee˜ dseaˋ i̱ ꞌníꞌˋ níingˉ ꞌnʉ́ꞌˋ lafaꞌ jaangˋ joꞌseꞌˋ i̱ nɨꞌiuungˉ jee˜ ieꞌdsinúuˆ. Jo̱guɨ jmeeˉnaꞌ líꞌˆnaꞌ laco̱ꞌguɨ la líꞌˆ jaangˋ mɨꞌˋ, jo̱ ꞌnéˉbɨ cajo̱ e jaˋ ꞌlee˜naꞌ dsʉco̱ꞌ faꞌ jaangˋ mee˜ jaˋ ꞌléeˊreꞌ.

Mateo 12:46

Jo̱ lajeeˇ guiꞌnangꞌˇ sɨ́ɨmˋbɨ Jesús có̱o̱ꞌ˜ jaléngꞌˋ i̱ dseaˋ teáangˉ do ie˜ jo̱, mɨ˜ caguiéˉ niquiáꞌrˆ có̱o̱ꞌ˜guɨ jaléngꞌˋ rúiñꞌˋ, co̱ꞌ iiñ˜ nisɨ́iñˉ có̱o̱ꞌ˜ dseaˋ do. Dsʉꞌ jaˋ cangɨ́ɨiñꞌˊ do cartɨˊ lɨ˜ iuungˉ dseaˋ do.

Mateo 3:15

Jo̱baꞌ cañíiˋ Jesús jo̱ casɨ́ꞌˉreiñꞌ: —Lɨ́ꞌˆ jmeeˉ laco̱ꞌ e fɨ́ɨˉɨ ꞌnʉˋ lana; co̱ꞌ la guíimˋ ꞌnéˉ jmitíˆiiꞌ jaléꞌˋ ta˜ quiʉꞌˊ Fidiéeˇ e ꞌnéˉ jmóˆooꞌ. Jo̱baꞌ caꞌíbˉ dsíiˊ i̱ Juan do e niseáiñˉ dseaˋ do jmɨɨˋ.

Marcos 3:21

Jo̱ mɨ˜ calɨñiˊ i̱ dseaˋ rúngꞌˋ Jesús e jo̱, jo̱baꞌ cangolíiñˆ e cangotéerˋ dseaˋ do ladsifɨˊ lado, co̱ꞌ féꞌrˋ e nɨngaamˋbiñꞌ.

Juan 11:54

Jo̱ uiing˜ lajo̱baꞌ joˋ ꞌgaꞌˊ lɨ˜ jmijnéengˋguɨ ꞌñiaꞌˊ Jesús jee˜ jaléngꞌˋ dseaˋ góorˋ dseaˋ Israel, jo̱ cagüɨꞌɨ́ɨˊbre e fɨˊ lamɨ˜ táaiñˋ do e lɨ˜ se̱ꞌˊ Judea, jo̱ fɨˊ dob cangórˉ fɨˊ co̱o̱ˋ fɨɨˋ e siiˋ Efraín e néeˊ quiá̱ꞌˉ fɨˊ guóoꞌ˜ uǿˆ quiʉ̱́ˋ, jo̱ fɨˊ jo̱b caje̱rˊ có̱o̱ꞌ˜ jaléngꞌˋ dseaˋ quiáꞌrˉ.

Juan 7:3

jo̱baꞌ lalab cajíngꞌˉ jaléngꞌˋ i̱ rúngꞌˋ Jesús do jo̱ casɨ́ꞌˉreiñꞌ: —Jaˋ guiingˇ já̱ꞌˆ fɨˊ la, jo̱ fɨˊ lɨ˜ se̱ꞌˊ Judeab guóꞌˆ, jo̱ lajo̱baꞌ jaléngꞌˋ dseaˋ i̱ tɨˊ dsíiˊ núuˋ júuˆ quíiꞌˉ i̱ seengˋ fɨˊ jo̱ nijǿørˉ jaléꞌˋ e quɨ́ɨꞌ˜ jmɨɨ˜ jmooꞌˋ.

Juan 7:5

Jo̱ féꞌrˋ lajo̱ co̱ꞌ jɨˋguɨ jaléngꞌˋ i̱ rúngꞌˋ Jesús do jaˋ jáꞌˉ lɨ́ɨiñˋ júuˆ quiáꞌˉ dseaˋ do.

Juan 7:9

Jo̱ lanab casɨ́ꞌˉ Jesús i̱ rúiñꞌˋ do, jo̱ dob caje̱rˊ fɨˊ lɨ˜ se̱ꞌˊ Galilea, jo̱ i̱ rúiñꞌˋ do cangolíimˆbre fɨˊ lɨ˜ tɨˊ jmɨɨ˜.

Gálatas 4:4

Dsʉꞌ mɨ˜ catɨ́ˋ íꞌˋ lajo̱, jo̱baꞌ casíingˋ Fidiéeˇ Jó̱o̱rˊ Dseaˋ Jmáangˉ fɨˊ jmɨgüíˋ la e calɨséiñˋ laco̱ꞌ lɨseengˋ lɨ́ꞌˆ doñiˊ i̱i̱ˋ dseaˋ jmɨgüíˋ. Jo̱guɨ co̱ꞌ dseaˋ Israel lɨ́ɨiñˊ, jo̱baꞌ ꞌnéˉ jmiti˜bre e júuˆ quiʉꞌˊ ta˜ quiáꞌˉ Moi˜ do.