Juan 6:65 - Chinantec Comaltepec

⁶⁵ Jo̱guɨ lalab cajíngꞌˉguɨr: —Jo̱ uíiꞌ˜ e lajo̱b lɨ́ɨˊ, jo̱baꞌ nɨcafɨ́ɨˉɨ ꞌnʉ́ꞌˋ e jí̱i̱ꞌ˜ jaangˋ dseaˋ cuǿøngˋ líˋ jángꞌˋ ꞌñiaꞌrˊ fɨˊ jaguóoˋo fɨng song jaˋ nijajéengˋ Tiquíˆiiꞌ Fidiéeˇ írˋ fɨˊ quiniiˉ.

Juan 6:65 Iomraidhean Croise

Mateo 13:11

Jo̱ lalab cañíiˋ Jesús quiáꞌˉ i̱ dseaˋ quiáꞌrˉ do jo̱ casɨ́ꞌˉreiñꞌ: —Jo̱ ꞌnʉ́ꞌˋ nɨcangɨ́ɨngˋnaꞌ quiáꞌˉ Fidiéeˇ e ngángꞌˋnaꞌ jaléꞌˋ e jaˋ mɨˊ ñiˊ dseaˋ jéengˊguɨ e dseaˋ íˋ iiñ˜ cá̱rˋ nifɨˊ quiáꞌˉ lajaangˋ lajaangˋ dseaˋ jmɨgüíˋ, jo̱ dsʉꞌ jaléngꞌˋ i̱ dseaˋ na jaˋ cangɨ́ɨiñˋ e ngáiñꞌˋ e jo̱.

Juan 10:16

Jo̱ dsʉꞌ seemˋbɨ dseaˋ i̱ nabɨ nilíingˉ lafaꞌ joꞌseꞌˋ quiéˉe i̱ ngɨˊ fɨˊ caluuˇbɨ lana. Jo̱ co̱ꞌ jaˋ mɨˊ lɨ́ɨiñˊ dseaˋ quiéˉe, jo̱baꞌ ꞌnéˉ nitǿøˆbaar cajo̱. Jo̱ jaléngꞌˋ i̱ dseaˋ i̱ nɨlɨ́ɨngˊ lafaꞌ joꞌseꞌˋ quiéˉe do nilɨnʉ́ʉꞌ˜bre júuˆ quiéˉe, jo̱baꞌ co̱o̱bˋ ꞌléꞌˋ niꞌuíiñˉ lajeeˇ lajɨɨiñˋ, jo̱ jí̱i̱ꞌ˜ jneab˜ dseaˋ nijmee˜e íˆ írˋ.

Juan 3:27

Jo̱baꞌ lalab cañíiˋ Juan quiáꞌˉ i̱ dseaˋ do: —Lajɨɨmˋ dseaˋ lɨꞌrˋ jaléꞌˋ e seaˋ quiáꞌrˉ dsʉꞌ uíiꞌ˜ e Fidiéeˇbingꞌ i̱ jmɨcó̱o̱ꞌ˜ quiáꞌrˉ e lɨꞌrˋ jaléꞌˋ e jo̱.

Juan 6:37

Jo̱ jaléngꞌˋ dseaˋ i̱ nɨcacuøngꞌˊ Fidiéeˇ jnea˜, jo̱baꞌ jaléngꞌˋ dseaˋ íˋ ímꞌˋbre jnea˜; jo̱guɨ jaléngꞌˋ i̱ dseaˋ íˋ niꞌíimꞌ˜baare cajo̱.

Filipenses 1:29

Co̱ꞌ dseaˋ quiáꞌˉ Dseaˋ Jmáamˉ lɨ́ɨngˊ ꞌnʉ́ꞌˋ, jo̱baꞌ ngɨ́ɨngˋnaꞌ e jáꞌˉ lɨ́ɨngˋnaꞌ júuˆ quiáꞌrˉ, jo̱guɨ ngɨ́ɨmˋbaꞌ cajo̱ e nimóˆnaꞌ iihuɨ́ɨˊ dsʉꞌ uíiꞌ˜ e nɨlɨ́ɨngˊnaꞌ lajo̱,

1 Timoteo 1:14

Jo̱ dsʉꞌ Fíiˋnaaꞌ Fidiéeˇ eáamˊ calɨguiúiñˉ có̱o̱ꞌ˜ jnea˜, jo̱ cajméerˋ e nɨcajáangꞌ˜ ꞌñiáꞌˋa fɨˊ jaguórˋ jo̱guɨ e nijmiꞌneáanˋnre cajo̱ e ngocángˋ dsiiˉ uíiꞌ˜ e cøøngˋ se̱e̱ˉnaaꞌ có̱o̱ꞌ˜ Dseaˋ Jmáangˉ.

2 Timoteo 2:25

jo̱guɨ ꞌnéˉ e jaˋ jmɨjløngꞌˆ ꞌñiaꞌrˊ mɨ˜ liúiñꞌˋ jaléngꞌˋ dseaˋ i̱ jaˋ jíiꞌ˜ júuˆ quiáꞌˉ Dseaˋ Jmáangˉ; jo̱ laꞌeáangˊ có̱o̱ꞌ˜ e jo̱, jangámˉ nijmɨcó̱o̱ꞌ˜ Fidiéeˇ quiáꞌˉ jaléngꞌˋ i̱ dseaˋ íˋ e laco̱ꞌ niquɨ́ꞌˉ jíngꞌˋ yaaiñ˜ fɨˊ quiniˇ dseaˋ do, jo̱guɨ e nijáꞌˉ líiñˋ júuˆ quiáꞌˉ Dseaˋ Jmáangˉ,

Hebreos 12:2

Jo̱baꞌ fɨ́ɨˉɨ ꞌnʉ́ꞌˋ, dseaˋ rúꞌˋnaaꞌ, e lɨ́ꞌˆ laco̱ꞌ caꞌéeˋ Jesús, lajo̱b ꞌnéˉ quié̱ˆnaaꞌ cuente e niꞌeeˉnaaꞌ cajo̱, co̱ꞌ laꞌeáangˊ dseaˋ dobingꞌ canaangˋ e jáꞌˉ lɨ́ɨˋnaaꞌ júuˆ quiáꞌˉ Fidiéeˇ, jo̱guɨ laꞌeáangˊ íbˋ cajo̱ i̱ jmiꞌiéꞌˋ e laco̱ꞌ sɨꞌíˆ e jáꞌˉ lɨ́ɨˋnaaꞌ do. Jo̱ Jesús jaˋ caquɨ́ɨiñꞌˉ tu̱caiñꞌˊ mɨ˜ caꞌíñꞌˋ jaléꞌˋ iihuɨ́ɨˊ lajeeˇ e catáiñˉ fɨˊ dseꞌˋ crúuˆ nañiˊ faꞌ e eáamˊ gaˋ fɨꞌɨꞌˋ quiáꞌˉ jaléngꞌˋ dseaˋ i̱ júungˉ fɨˊ jo̱. Co̱ꞌ nɨñiˊbre e mɨ˜ ningɨ́ˋ e niꞌíñꞌˋ e iihuɨ́ɨˊ jo̱, eáamˊ guiʉ́ˉ niꞌuíingˉ quiáꞌrˉ; jo̱ e jábꞌˉ, lajo̱b calɨ́ˉ, co̱ꞌ lana dob nɨguiiñ˜ fɨˊ ñifɨ́ˉ lɨ́ꞌˆ lɨˊ dséeˊ laco̱ꞌ guiing˜ Tiquiáꞌrˆ Fidiéeˇ.