Juan 4:7 - Chinantec Comaltepec

^7-8 Jo̱ lajeeˇ jo̱ i̱ dseaˋ quiáꞌrˉ do cangolíiñˆ e cangoleáarˇ jaléꞌˋ e nidǿꞌrˉ e fɨˊ fɨɨˋ Sicar do. Jo̱ e fɨˊ ojmɨ́ˆ dob caje̱ˊ Jesús ꞌñiaꞌrˊ lajeeˇ jo̱, jo̱ co̱ꞌnáꞌˆ lajo̱b caguiéˉ jaangˋ dseamɨ́ˋ i̱ seengˋ fɨˊ lɨ˜ se̱ꞌˊ Samaria e fɨˊ ojmɨ́ˆ do, jo̱baꞌ lalab casɨ́ꞌˉ Jesús i̱ dseamɨ́ˋ do: —¿Jሠcuǿꞌˆjiʉꞌ jnea˜ jmɨɨˋ dúuꞌ˜u?

Juan 4:7 Iomraidhean Croise

Mateo 10:42

Jo̱guɨ doñiˊ i̱i̱ˋ dseaˋ i̱ cuøꞌˊ faꞌ capíꞌˆ jmɨɨˋ i̱ dseaˋ quiéˉe i̱ doñiˊ faꞌ nɨꞌléꞌˋ cuíingˋ jnea˜, jo̱baꞌ jnea˜ jmɨtaaˆ óoˊnaꞌ e catɨ́ɨmˉbre niꞌíñꞌˋ lají̱i̱ꞌ˜ e sɨꞌíiñˆ quiáꞌˉ Fidiéeˇ cajo̱.

Juan 19:28

Jo̱ mɨꞌmɨ́ɨngˉguɨjiʉ lajo̱, jo̱ co̱ꞌ nɨñibˊ Jesús e nɨcatóbꞌˊ jaléꞌˋ ta˜ quiáꞌrˉ, jo̱guɨ e laco̱ꞌ nilɨti˜ jí̱i̱ꞌ˜ laco̱ꞌ féꞌˋ fɨˊ ni˜ jiˋ quiáꞌˉ Fidiéeˇ e cajmeꞌˊ dseaˋ malɨɨ˜guɨ eáangˊ, jo̱baꞌ cajíñꞌˉ lala: —Dsíngꞌˉ jmɨjmɨɨnˉ.

Juan 4:10

Jo̱baꞌ cañíiˋtu̱ Jesús quiáꞌˉ i̱ dseamɨ́ˋ do: —Faco̱ꞌ jiʉ˜ ñíˆ ꞌnʉˋ jaléꞌˋ e guiʉ́ˉ e iing˜ Fidiéeˇ e cuǿꞌrˉ ꞌnʉˋ, jo̱guɨ faco̱ꞌ ñíꞌˆ cajo̱ i̱˜ jnea˜ dseaˋ i̱ mɨ́ɨꞌ˜ɨ ꞌnʉˋ jmɨɨˋ, jo̱baꞌ faco̱ꞌ lajo̱, ꞌnʉbˋ dseaˋ catɨ́ɨnꞌˉ e nimɨ́ɨꞌ˜ jnea˜ jmɨɨˋ jóng, jo̱baꞌ jneab˜ nicuǿøˆø ꞌnʉˋ e jmɨɨˋ có̱o̱ꞌ˜ e cuøˊ e seengˋ dseaˋ lata˜.

Juan 4:6

Jo̱ fɨˊ jo̱b lɨ˜ lɨ́ɨˊ co̱o̱ˋ tooˋ e aꞌˊ eáangˊ lɨ˜ níingꞌ˜ jmɨɨˋ, jo̱ fɨˊ jo̱b lɨ˜ calɨ́ˉ ojmɨ́ˆ quiáꞌˉ ꞌlɨɨ˜ yʉ́ʉꞌ˜ Jacóoˆ. Jo̱ nɨjaquiéengˊ guieñíbꞌˉ mɨ˜ caguiéˉ Jesús co̱lɨɨng˜ có̱o̱ꞌ˜ dseaˋ quiáꞌrˉ e fɨˊ ojmɨ́ˆ do, jo̱ fɨˊ jo̱b cajmiꞌíngꞌˊ dseaˋ do co̱ꞌ eáamˊ nɨfɨ́iñꞌˊ e ngɨrˊ, jo̱ dob caguárˋ cáangˋ e tooˋ a˜ jmɨɨˋ do.