Juan 4:51 - Chinantec Comaltepec

⁵¹ Jo̱ lajeeˇ iuuiñˉ fɨˊ e ngaiñꞌˊ fɨˊ quiáꞌˉbre mɨ˜ cajíñꞌˊ guiáꞌˆ fɨˊ i̱ dseaˋ ꞌléengꞌ˜ quiáꞌrˉ i̱ jalíingˉ fɨˊ jo̱, jo̱ lalab cajíngꞌˉ dseaˋ do mɨ˜ cajíñꞌˊ: —Nɨcaꞌláamˉ jó̱o̱ꞌˋ.

Juan 4:51 Iomraidhean Croise

Juan 4:50

Jo̱baꞌ lalab cañíiˋ Jesús quiáꞌˉ i̱ dseañʉꞌˋ do jo̱ casɨ́ꞌˉreiñꞌ: —Quɨ́ɨngꞌ˜tu̱ fɨˊ quíiꞌˉ, co̱ꞌ nɨcaꞌláamˉ jó̱o̱ꞌˋ. Jo̱baꞌ lajo̱b cajméeˋ i̱ dseañʉꞌˋ do, caquɨmꞌˉtu̱r fɨˊ quiáꞌrˉ, co̱ꞌ jábꞌˉ calɨ́iñˉ lají̱i̱ꞌ˜ júuˆ e casɨ́ꞌˉ Jesús írˋ.

Juan 4:52

Jo̱ mɨ˜ canúuˉ i̱ dseaˋ do e júuˆ jo̱, jo̱baꞌ cajmɨngɨ́ꞌˉreiñꞌ do e˜ íꞌˋ dseángꞌˉ e caꞌláangˉ i̱ jó̱o̱rˊ do. Jo̱baꞌ lalab cañíiˋ i̱ dseaˋ ꞌléengꞌ˜ do quiáꞌrˉ: —Lado guiéeˉ la i̱i̱ˉ co̱o̱ˋ e caꞌlóobˉ caguáˉ iʉ˜ guíiñˆ jo̱ caꞌláamˉbre.

Juan 4:53

Jo̱ mɨ˜ canúuˉ i̱ tiquiáꞌˆ i̱ jiuung˜ do e júuˆ jo̱, jo̱baꞌ dseángꞌˉ calɨlíꞌrˆ e dseángꞌˉ e íꞌˋ jo̱b mɨ˜ casɨ́ꞌˉ Jesús írˋ e nɨcaꞌláamˉ jó̱o̱rˊ. Jo̱baꞌ i̱ dseaˋ do co̱lɨɨng˜ có̱o̱ꞌ˜ jaléngꞌˋ dseaˋ sɨnʉ́ʉˆ quiáꞌrˉ cajámꞌˋ yaaiñ˜ fɨˊ jaguóˋ Jesús ie˜ jo̱.