Juan 4:15 - Chinantec Comaltepec

¹⁵ Jo̱baꞌ cañíiˋtu̱ i̱ dseamɨ́ˋ do quiáꞌˉ Jesús jo̱ casɨ́ꞌrˉ dseaˋ do lala: —Fíiˋi, iim˜baa nicuǿꞌˆ jnea˜ e jmɨɨˋ e fóꞌˋ na e laco̱ꞌ joˋ niguiáˋguɨ jmɨjmɨɨnˉ o̱ꞌguɨ ꞌnéˉguɨ faꞌ e gáaˊa tɨˊ la e gaquie̱e̱ˆ jmɨɨˋ.

Juan 4:15 Iomraidhean Croise

Juan 4:16

Jo̱baꞌ cajíngꞌˉ Jesús casɨ́ꞌrˉ i̱ dseamɨ́ˋ do: —Guǿngꞌˊ cateáˋ jo̱ güɨteeˉ dseañʉꞌˋ quíiꞌˉ jo̱ ñilíingˉtu̱ꞌ fɨˊ la.

Juan 6:26

Jo̱baꞌ cañíiˋ Jesús quiáꞌˉ jaléngꞌˋ i̱ dseaˋ do jo̱ cajíñꞌˉ: —E labaꞌ jmɨtaaˆ óoˊnaꞌ e ꞌnʉ́ꞌˋ ꞌnángꞌˋtu̱ꞌ jnea˜ lana, dsʉco̱ꞌ lado guiéeˉ caquiéꞌˋnaꞌ carˋ carǿmˉbaꞌ, jo̱ dsʉꞌ jaˋ ꞌnángꞌˋnaꞌ jnea˜ uiing˜ quiáꞌˉ e nɨcangángꞌˋnaꞌ e˜ guǿngꞌˋ jaléꞌˋ e li˜ e quɨ́ɨꞌ˜ɨ jmɨɨ˜ e nɨcajméˉe do.

Juan 6:34

Jo̱baꞌ i̱ dseaˋ do camɨꞌrˊ Jesús lala jo̱ cajíñꞌˉ: —Fíiˋi, cuǿøꞌ˜ jneaꞌˆ contøøngˉ e iñíꞌˆ jo̱.

Juan 6:35

Jo̱baꞌ casɨ́ꞌˉ Jesús jaléngꞌˋ i̱ dseaˋ do jo̱ cajíñꞌˉ: —Jneab˜ dseaˋ lɨ́ɨnˊn e iñíꞌˆ e cuøˊ e seengˋ dseaˋ lata˜; jo̱guɨ i̱ dseaˋ i̱ jáꞌˉ lɨ́ɨngˋ júuˆ quiéˉe jo̱guɨ nɨcajángꞌˋ yaaiñ˜ fɨˊ jaguóoˋo, jo̱baꞌ joˋ tó̱o̱ˋ jmɨɨ˜ faꞌ niguiáˋguɨ jmɨꞌaaiñˉ o̱ꞌguɨ jmɨjmɨɨiñˉ.

Romanos 6:23

Jo̱ lajo̱b lɨ́ɨˊ, dseángꞌˉ jí̱i̱ꞌ˜ ꞌmóˆbaꞌ íngꞌˋ dseaˋ mɨ˜ éerˋ dseeˉ. Jo̱ dsʉꞌ laꞌeáangˊ e eáangˊ ꞌneáangˋ Fidiéeˇ jneaa˜aaꞌ, jo̱baꞌ cacuørˊ e iáangˋ dsíirˊ e nilɨse̱e̱ˉnaaꞌ cøøngˋ có̱o̱ꞌ˜ Fíiˋnaaꞌ Dseaˋ Jmáangˉ carˋ ngongɨ́ɨˋ jmɨɨ˜.

Romanos 8:5

Jo̱ jaléngꞌˋ dseaˋ i̱ seengˋ e guiing˜ dsíirˊ lají̱i̱ꞌ˜ e lɨ́ˋ dsíiˊ ngúuˊ táaiñˋ lɨco̱ꞌ seeiñˋ e jmitir˜ dseángꞌˉ lají̱i̱ꞌ˜ e jo̱b dseángꞌˉ. Jo̱ dsʉꞌ jaléngꞌˋguɨ dseaˋ i̱ seengˋ lɨ́ꞌˆ laco̱ꞌ la iing˜ Jmɨguíˋ quiáꞌˉ Fidiéeˇ e seeiñˋ, jo̱baꞌ dseángꞌˉ jí̱i̱ꞌ˜ e iing˜ e Jmɨguíˋ do guiing˜ dsíirˊ e jmóorˋ.

1 Corintios 2:14

Jo̱ i̱ dseaˋ i̱ jaˋ seengˋ laꞌeáangˊ có̱o̱ꞌ˜ Jmɨguíˋ quiáꞌˉ Fidiéeˇ jaˋ líꞌrˋ niꞌíñꞌˋ jaléꞌˋ e cuøˊ Jmɨguíˋ quiáꞌˉ Fidiéeˇ, co̱ꞌ i̱ dseaˋ íˋ ɨˊ dsíirˊ e í̱i̱bˊ lɨ́ɨˊ jaléꞌˋ e júuˆ jo̱. Jo̱guɨ jaˋ cuǿøngˋ faꞌ e ningáiñꞌˋ e júuˆ jo̱ cajo̱, co̱ꞌ jí̱i̱ꞌ˜ laꞌeáangˊ có̱o̱ꞌ˜ Jmɨguíˋ quiáꞌˉ Fidiéeˇbaꞌ quɨ́ɨꞌ˜ dseaˋ jmɨɨ˜ e niguiꞌrˉ jaléꞌˋ e jo̱.

Santiago 4:3

Jo̱ dsʉꞌ mɨ˜ mɨ́ɨꞌ˜naꞌre eeˋgo̱ iing˜naꞌ, jaˋ nicuǿꞌrˉ ꞌnʉ́ꞌˋ jaléꞌˋ e mɨ́ɨꞌ˜naꞌre do, dsʉco̱ꞌ mɨ́ɨꞌ˜naꞌr lají̱i̱ꞌ˜ e jaˋ dseengˋ e lɨco̱ꞌ jmiꞌiáangˋ óoˊnaꞌ yaam˜baꞌ.

1 Juan 5:20

Jo̱guɨ nɨne˜bɨ́ɨꞌ cajo̱ e nɨcagüémˉ i̱ ꞌñiaꞌˊ Jó̱o̱ˊ Fidiéeˇ do fɨˊ jmɨgüíˋ la e laco̱ꞌ cacuøꞌrˊ jneaa˜aaꞌ e nilɨcuíingˋnaaꞌ dseángꞌˉ i̱ Fidiéeˇ i̱ jáꞌˉ do. Jo̱ lana cøømˋ nɨse̱e̱ˉnaaꞌ có̱o̱ꞌ˜ i̱ Fidiéeˇ i̱ jáꞌˉ do jo̱guɨ có̱o̱ꞌ˜ i̱ Jó̱o̱rˊ Dseaˋ Jmáangˉ do cajo̱. Jo̱ íˋbingꞌ lɨ́ɨngˊ dseángꞌˉ i̱ Fidiéeˇ i̱ jáꞌˉ do, jo̱ laꞌeáangˊ có̱o̱ꞌ˜ íbˋ cajo̱ ngɨ́ɨngˋnaaꞌ e se̱e̱ˉnaaꞌ cøøngˋ có̱o̱ꞌ˜ Fidiéeˇ lata˜.