Juan 18:33 - Chinantec Comaltepec

³³ Jo̱ mɨ˜ cangɨ́ˋ jo̱, caꞌíbˉtu̱ dseata˜ Pilato fɨˊ dsíiˊ ꞌnʉfɨ́ˋ quiáꞌrˉ, jo̱ catǿꞌrˉ Jesús fɨˊ lɨ˜ quidsirˊ íꞌˋ, jo̱ cajmɨngɨ́ꞌrˉ dseaˋ do jo̱ cajíñꞌˉ: —¿Su ꞌnʉbˋ i̱ lɨ́ɨngˊ dseata˜ dseaˋ féngꞌˊ i̱ quie̱ˊ nifɨˊ quiáꞌˉ dseaˋ Israel?

Juan 18:33 Iomraidhean Croise

Mateo 27:11

Jo̱ mɨ˜ caguiéngꞌˉ Jesús fɨˊ quiniˇ i̱ dseata˜ i̱ siiˋ Pilato do, jo̱ íˋ cajmɨngɨ́ꞌrˉ Jesús: —¿Su e jáꞌˉbaꞌ e ꞌnʉˋ lɨnꞌˊ dseata˜ dseaˋ féngꞌˊ i̱ quie̱ˊ nifɨˊ quiáꞌˉ jaléngꞌˋ dseaˋ góoꞌˋ dseaˋ Israel? —ꞌNʉbˋ nɨcaféeꞌ˜guɨꞌ —cañíiˋ Jesús.

Mateo 27:27

Jo̱ jaléngꞌˋ ꞌléeˉ quiáꞌˉ i̱ dseata˜ do catǿˉbre Jesús fɨˊ ꞌnʉfɨ́ˋ jo̱ casíñꞌˋ yaaiñ˜ lacúngꞌˊ lajíngˉ laco̱ꞌ singꞌˊ dseaˋ do.

Marcos 15:2

Jo̱ mɨ˜ caguilíingˉ jaléngꞌˋ i̱ dseaˋ íˋ fɨˊ jo̱, jo̱ dseata˜ Pilato cajmɨngɨ́ꞌrˉ Jesús lala: —¿Su jáꞌˉbaꞌ e ꞌnʉbˋ i̱ lɨ́ɨngˊ dseata˜ dseaˋ féngꞌˊ quiáꞌˉ dseaˋ Israel? Jo̱ Jesús cañíirˋ: —E jábꞌˉ. Lajo̱b lɨ́ɨˊ lɨ́ꞌˆ laco̱ꞌguɨ la nɨcaféeꞌ˜ na.

Lucas 23:2

Jo̱ mɨ˜ caguilíiñꞌˉ do fɨˊ do, jo̱ canaaiñˋ jmóorˋ dseeˉ quiáꞌˉ dseaˋ do jo̱ cajíñꞌˉ: —I̱ dseañʉꞌˋ la ngɨrˊ lacaangˋ jee˜ ꞌnʉ́ʉˊ ta˜ jmiguíingˉ jaléngꞌˋ dseaˋ i̱ seengˋ fɨˊ lɨ˜ quiʉ́ꞌˋ ꞌnʉˋ ta˜. Jo̱guɨ ngɨrˊ féꞌrˋ e jaˋ ꞌnéˉ niquíˆnaaꞌ cuuˉ quiáꞌˉ i̱ dseata˜ dseaˋ féngꞌˊ i̱ guiing˜ fɨˊ Roma, jo̱guɨ féꞌˋbɨr cajo̱ e íˋbre lɨ́ɨiñˊ Dseaˋ Jmáangˉ i̱ nisíngˉ Fidiéeˇ i̱ nicá̱ˋ nifɨˊ quiáꞌˉ jaléngꞌˋ dseaˋ góoˋnaaꞌ dseaˋ Israel.

Juan 1:49

Jo̱baꞌ cañíiˋtu̱ Natanael quiáꞌˉ Jesús jo̱ casɨ́ꞌrˉ dseaˋ do lala: —Tɨfaꞌˊ, ꞌnʉbˋ dseángꞌˉ i̱ lɨ́ɨngˊ Jó̱o̱ˊ Fidiéeˇ, jo̱guɨ ꞌnʉbˋ cajo̱ dseaˋ lɨnꞌˊ dseata˜ dseaˋ féngꞌˊ quiáꞌˉ jaléngꞌˋ jneaa˜aaꞌ, dseaˋ lɨ́ɨˊɨɨꞌ dseaˋ Israel.

Juan 12:13

Jo̱ mɨ˜ calɨñiˊ i̱ dseaˋ do e jo̱, jo̱baꞌ cangoquiʉ́ʉꞌrˇ mooˋ quieeˉ, jo̱ cangolíiñˆ cangoꞌíiñꞌˇ Jesús catɨˊ caluuˇ fɨɨˋ e quiáꞌˉ nijmiféiñꞌˊ dseaˋ do. Jo̱ mɨ˜ caꞌíñꞌˋ dseaˋ do, lalab féꞌrˋ teáˋ e iáangˋ dsíirˊ: —¡Majmifémꞌˊbaaꞌ i̱ dseaˋ na! ¡Jo̱guɨ juguiʉ́ˉjiʉ quiáꞌˉ i̱ dseaˋ na i̱ casíingˋ Fidiéeˇ fɨˊ jmɨgüíˋ la cuaiñ˜ quiáꞌrˉ! ¡Jo̱guɨ majmifémꞌˊbaaꞌr cajo̱ i̱ dseaˋ na i̱ lɨ́ɨngˊ dseaˋ güeangꞌˆ i̱ quie̱ˊ nifɨˊ quiáꞌˉ jaléngꞌˋ dseaˋ góoˋnaaꞌ dseaˋ Israel!

Juan 12:15

Jaˋ fǿøngꞌ˜naꞌ jaléngꞌˋ ꞌnʉ́ꞌˋ i̱ seengˋ fɨˊ fɨɨˋ Sión; jo̱ jǿøˉnaꞌ, lab nɨjáaˊ i̱ dseata˜ dseaˋ féngꞌˊ quíiˉnaꞌ e guiiñ˜ fɨˊ mocóoꞌ˜ jaangˋ búꞌˆ jiuung˜.

Juan 18:34

Jo̱baꞌ cañíiˋ Jesús quiáiñꞌˉ do jo̱ casɨ́ꞌrˉ dseaˋ do: —¿Su uǿøˊbaꞌ iinꞌ˜ ñíꞌˆ e jmɨngɨ́ɨꞌˇ jnea˜ na, o̱faꞌ lɨ́ꞌˆ canʉ́ʉꞌˉ e féꞌˋ dseaˋ jiémꞌˋ é?

Juan 18:37

Jo̱baꞌ cañíiˋtu̱ dseata˜ Pilato quiáꞌˉ Jesús jo̱ casɨ́ꞌrˉ dseaˋ do: —Jo̱ ꞌnʉbˋ dseaˋ lɨnꞌˊ dseata˜ dseaˋ féngꞌˊ i̱ quie̱ˊ nifɨˊ quiáꞌˉ dseaˋ Israel lɨya. Jo̱baꞌ cañíiˋtu̱ Jesús quiáꞌˉ i̱ dseata˜ do jo̱ casɨ́ꞌˉreiñꞌ: —Lajo̱b lɨ́ɨˊ lɨ́ꞌˆ laco̱ꞌguɨ nɨcaféeꞌ˜ na, e jneab˜ i̱ dseata˜ dseaˋ féngꞌˊ íˋ. Co̱ꞌ jnea˜ cagáˉa fɨˊ jmɨgüíˋ la mɨ˜ cangáanꞌ˜n e laco̱ꞌ niguiaaˉ jaléꞌˋ júuˆ jáꞌˉ. Jo̱ jaléngꞌˋ dseaˋ i̱ jáꞌˉ lɨ́ɨngˋ e júuˆ jo̱, jo̱baꞌ dseaˋ quiéˉbaa lɨ́ɨiñˊ, co̱ꞌ nʉ́ʉꞌ˜bre jaléꞌˋ júuˆ quiéˉe.

Juan 18:38

Jo̱ mɨ˜ canúuˉ dseata˜ Pilato lají̱i̱ꞌ˜ júuˆ quiáꞌˉ Jesús, jo̱baꞌ cajmɨngɨ́ꞌrˉ dseaˋ do lala jo̱ cajíñꞌˉ: —Jo̱ ¿jnang˜ e júuˆ jáꞌˉ do? Jo̱ mɨ˜ cangɨ́ˋ e cajmɨngɨ́ɨˋ dseata˜ Pilato e júuˆ jo̱, jo̱baꞌ cagüɨꞌɨ́ɨbˊtu̱r caléꞌˋ catú̱ˉ fɨˊ lɨ˜ teáangˆ i̱ dseaˋ Israel do e laco̱ꞌ nisɨ́ngˉtu̱r có̱o̱iñꞌ˜ do caléꞌˋ catú̱ˉ, jo̱baꞌ lalab casɨ́ꞌrˉ i̱ dseaˋ do: —Jí̱i̱ꞌ˜ co̱o̱ˋ dseeˉ jaˋ niguiéꞌˊ jnea˜ e nɨcaꞌéeˋ i̱ dseañʉꞌˋ la.

Juan 19:12

Jo̱ jo̱b mɨ˜ canaangˋ dseata˜ Pilato e ꞌnóꞌrˊ jial nileáiñˉ Jesús, jo̱ dsʉꞌ mɨ˜ calɨlíꞌˆ i̱ dseaˋ Israel do e jo̱, jo̱baꞌ canaaiñˋ taꞌˊguɨr mɨ́ɨꞌ˜ jo̱ sɨ́ꞌrˋ dseaˋ do lala: —Song nilaanꞌˉ i̱ dseaˋ na, jo̱baꞌ lɨ́ɨˊ lafaꞌ ꞌníꞌˋ máamˊbaꞌ jóng i̱ dseata˜ dseaˋ féngꞌˊ i̱ guiing˜ fɨˊ Roma, co̱ꞌ lɨ́ꞌˆ doñiˊ i̱i̱ˋ dseaˋ i̱ jíngꞌˉ e lɨ́ɨiñˊ jaangˋ dseata˜ dseaˋ féngꞌˊ, jo̱baꞌ lɨ́ɨˊ lafaꞌ e ꞌníꞌˋ níimˉbre i̱ dseata˜ i̱ guiing˜ fɨˊ Roma do.

Juan 19:3

Jo̱ mɨ˜ cangɨ́ˋ jo̱, cangoquiéeiñˊ fɨˊ quiá̱ꞌˉ lɨ˜ singꞌˊ dseaˋ do, jo̱ lalab canaaiñˋ lǿøiñˉ dseaˋ do jo̱ sɨ́ꞌrˋ lala: —¡Güɨlɨseemˋ huǿøˆ, dseata˜ dseaˋ féngꞌˊ quiáꞌˉ dseaˋ Israel! Jo̱ lajeeˇ jo̱ jnóorˊ fɨˊ moni˜ dseaˋ do.

Juan 19:4

Jo̱ mɨ˜ tɨˊ lɨ˜ cagüɨꞌɨ́ɨˊtu̱ dseata˜ Pilato e fɨˊ lɨ˜ teáangˆ i̱ dseaˋ Israel do, jo̱baꞌ lalab casɨ́ꞌˉreiñꞌ do jo̱ cajíñꞌˉ: —E labaꞌ fɨ́ɨˉɨ ꞌnʉ́ꞌˋ, e lab nisínꞌˆn i̱ dseañʉꞌˋ la fɨˊ quiníˆnaꞌ e laco̱ꞌ nilɨñíˆnaꞌ e jí̱i̱ꞌ˜ co̱o̱ˋ dseeˉ jaˋ mɨˊ cadséꞌˋe quiáꞌrˉ, co̱ꞌ lajɨbˋ nɨcajmɨngɨ́ɨꞌˇɨre.

Juan 19:9

Jo̱ caꞌíbˉtu̱r e fɨˊ lɨ˜ quiʉꞌrˊ ta˜ do co̱lɨɨng˜ có̱o̱ꞌ˜ Jesús, jo̱ fɨˊ jo̱b cajmɨngɨ́ꞌrˉ dseaˋ do jo̱ cajíñꞌˉ: —¿Jie˜ fɨˊ lɨ˜ ñíiˊ ꞌnʉˋ? Jo̱ dsʉꞌ Jesús jí̱i̱ꞌ˜ co̱o̱ˋ jaˋ e cañíirˋ quiáꞌˉ dseaˋ do.

1 Timoteo 6:13

Jo̱guɨ lana fɨ́ɨˉguɨ́ɨ ꞌnʉˋ, Timoteo, fɨˊ quiniˇ Fidiéeˇ i̱ cuøˊ e jí̱ꞌˋ dseaˋ fɨˊ jmɨgüíˋ la, jo̱guɨ cajo̱ fɨˊ quiniˇ Dseaˋ Jmáangˉ i̱ caféꞌˋ juguiʉ́ˉ quiáꞌˉ Fidiéeˇ fɨˊ quiniˇ Poncio Pilato,