Juan 15:14 - Chinantec Comaltepec

¹⁴ Jo̱ song nʉ́ʉꞌ˜baꞌ jaléꞌˋ júuˆ quiéˉe e nɨcafɨ́ɨˉɨ ꞌnʉ́ꞌˋ e ꞌnéˉ jmeeˉnaꞌ, jo̱baꞌ dseaˋ seengˋ røøˋ có̱o̱ꞌ˜ jneab˜ lɨ́ɨngˊnaꞌ jóng.

Juan 15:14 Iomraidhean Croise

Mateo 12:50

Co̱ꞌ doñiˊ i̱i̱ˋ dseaˋ i̱ jmiti˜ lají̱i̱ꞌ˜ e iing˜ Tiquiéˆe dseaˋ guiing˜ ñifɨ́ˉ, jaléngꞌˋ dseaˋ íˋbingꞌ lɨ́ɨngˊ rúnꞌˋn jo̱guɨ dseaˋ íˋbingꞌ lɨ́ɨngˊ niquiéˆe cajo̱.

Lucas 12:4

’Jo̱ lala fɨ́ɨˉɨ jaléngꞌˋ ꞌnʉ́ꞌˋ, dseaˋ rúꞌˋnaaꞌ; jaˋ fǿøngꞌ˜naꞌ jaléngꞌˋ i̱ iing˜ jngángꞌˆ ꞌnʉ́ꞌˋ, co̱ꞌ jí̱i̱ꞌ˜ e jo̱baꞌ tɨɨiñˋ jmérˉ.

Juan 13:17

Jo̱ song ngámꞌˋbaꞌ jaléꞌˋ e júuˆ na jo̱guɨ jmitíˆbɨꞌ e iáangˋ óoˊnaꞌ cajo̱, jo̱baꞌ juguiʉ́bˉ nilɨseengˋnaꞌ jóng.

Juan 14:15

’Jo̱ fɨ́ɨˉguɨ́ɨ ꞌnʉ́ꞌˋ e song dseángꞌˉ lajangꞌˆ júuˆ ꞌneáangˋnaꞌ jnea˜, jo̱baꞌ nijméeˆbaꞌ nʉ́ʉꞌ˜naꞌ júuˆ quiéˉe jóng.

Juan 14:21

Jo̱guɨ i̱ dseaˋ i̱ íngꞌˋ júuˆ quiéˉe jo̱guɨ jmóorˋ nʉ́ʉꞌr˜ jaléꞌˋ e júuˆ jo̱, jo̱baꞌ i̱ dseaˋ íˋ cuøˊ li˜ e dseángꞌˉ lajamꞌˆbaꞌ e ꞌneáaiñˋ jnea˜, jo̱ lajo̱b Tiquiéˆe nijmiꞌneáamˋbre i̱ dseaˋ i̱ jmiꞌneáangˋ jnea˜ do, jo̱guɨ jnea˜ nijmiꞌneáamˋbaa i̱ dseaˋ íˋ cajo̱, jo̱guɨ niꞌéeˆbaare jial dseángꞌˉ lɨ́ɨnˊn.

Juan 14:28

Jo̱ nɨcanʉ́ʉˉbaꞌ e nɨcafɨ́ɨˉɨ ꞌnʉ́ꞌˋ lamɨ˜ jéengˊguɨ e ninínꞌˆn fɨˊ lɨ˜ guiing˜ Tiquíˆiiꞌ, jo̱ dsʉꞌ nigáabˊtú̱u̱ jo̱ nilɨseemˋtú̱u̱ có̱o̱ꞌ˜ ꞌnʉ́ꞌˋ caléꞌˋ catú̱ˉ. Jo̱ faco̱ꞌ dseángꞌˉ jáꞌˉ e ꞌnʉ́ꞌˋ ꞌneáangˋnaꞌ jnea˜, jo̱baꞌ calɨꞌiáamˋ óoˊnaꞌ jóng mɨ˜ calɨñíˆnaꞌ e ninínꞌˆn fɨˊ lɨ˜ guiing˜ Tiquíˆiiꞌ faco̱ꞌ lajo̱, co̱ꞌ íˋbre dseaˋ niingˉguɨr laco̱ꞌguɨ jnea˜.

Juan 2:5

Jo̱baꞌ cajíngꞌˉtu̱ niquiáꞌˆ Jesús e sɨ́ꞌrˋ i̱ dseaˋ i̱ jmóoˋ ta˜ jmɨcó̱o̱ꞌ˜ e sɨnʉ́ʉˆ do: —Jmeeˉnaꞌ lajalébꞌˋ ta˜ quiʉꞌˊ i̱ Jesús na.

Santiago 2:23

Jo̱ lajo̱baꞌ calɨti˜ jaléꞌˋ e féꞌˋ fɨˊ ni˜ jiˋ quiáꞌˉ Fidiéeˇ lɨ˜ féꞌˋ lala: “I̱ ꞌlɨɨ˜ yʉ́ʉꞌ˜ Abraham do jábꞌˉ calɨ́iñˉ júuˆ quiáꞌˉ Fidiéeˇ, jo̱baꞌ Fidiéeˇ caꞌíñꞌˋ dseaˋ do e lɨ́ɨiñˊ jaangˋ dseaˋ i̱ jaˋ carøøngˋ dseeˉ.” Jo̱baꞌ calɨsíˋ i̱ ꞌlɨɨ˜ yʉ́ʉꞌ˜ Abraham do jaangˋ dseaˋ i̱ eáangˊ iing˜ rúngꞌˋ có̱o̱ꞌ˜ Fidiéeˇ.

1 Juan 5:3

Jo̱ song jmiꞌneáamˋbaaꞌ Fidiéeˇ, jo̱baꞌ nʉ́ʉꞌ˜baaꞌ e júuˆ quiáꞌrˉ do; jo̱ o̱ꞌ júuˆ iiˋ e jo̱ faꞌ jaˋ quɨ́ꞌˉ jmɨɨ˜ nijmitíˆiiꞌ.