Juan 12:40 - Chinantec Comaltepec

⁴⁰ Nɨcajnɨ́ˋbaa jminir˜ jo̱guɨ nɨcajnɨ́ˋbaa moguir˜ cajo̱ e laco̱ꞌ jaˋ cuǿøngˋ nilɨñirˊ júuˆ quiéˉe o̱ꞌguɨ cuǿøngˋ e ningáiñꞌˋ jial lɨ́ɨˊ cajo̱; jo̱ lajo̱baꞌ jaˋ niquɨ́ꞌˉ jíngꞌˋ yaaiñ˜ fɨˊ quiniiˉ, jo̱guɨ lajo̱bɨ jnea˜ jaˋ nijmiꞌleáanˉnre cajo̱.

Juan 12:40 Iomraidhean Croise

Mateo 15:14

Jo̱baꞌ fɨ́ɨˉɨ ꞌnʉ́ꞌˋ, jaˋ jmijíingˆnaꞌ jaléngꞌˋ i̱ dseaˋ fariseo do; co̱ꞌ i̱ dseaˋ íˋ lɨ́ɨiñˊ lafaꞌ dseaˋ tiuungˉ i̱ jeeng˜ jaangˋguɨ dseaˋ tiuungˉ. Jo̱ jaˋ líꞌˋ jí̱i̱ꞌ˜ jaangˋ dseaˋ tiuungˉ nijéiñˉ jaangˋguɨ dseaˋ tiuungˉ, co̱ꞌ fɨng song cajméerˋ lajo̱, jo̱baꞌ lajɨˋ huáamˉbre dseáangꞌ˜ nijiúiñꞌˋ fɨˊ ɨ̱́ɨ̱ˊ jóng.

Marcos 4:12

Co̱ꞌ lajo̱b féꞌˋ fɨˊ ni˜ jiˋ quiáꞌˉ Fidiéeˇ cuaiñ˜ quiáꞌˉ jaléngꞌˋ i̱ dseaˋ íˋ: Jo̱ dsʉꞌ nañiˊ faꞌ jialguɨ la jǿørˉ, dsʉꞌ jaˋ ninírˋ, jo̱guɨ nañiˊ faꞌ jialguɨ la núurˋ, dsʉꞌ jaˋ ningáiñꞌˋ, e laco̱ꞌ i̱ dseaˋ laꞌíˋ jaˋ niquɨ́ꞌˉ jíngꞌˋ yaaiñ˜ fɨˊ quiniiˉ, jo̱ o̱ꞌguɨ jnea˜ niꞌíin˜n dseeˉ quiáꞌrˆ cajo̱.

Marcos 6:52

co̱ꞌ jaˋ mɨˊ cangámꞌˋbɨiñꞌ do e˜ guǿngꞌˋ e li˜ e quɨ́ɨꞌ˜ jmɨɨ˜ e cajméeˋ dseaˋ do có̱o̱ꞌ˜ e iñíꞌˆ do, dsʉco̱ꞌ dseángꞌˉ sɨjnɨbˊ moguiñꞌ˜ do, jo̱ uíiꞌ˜ jo̱baꞌ e jaˋ ngáiñꞌˋ.

Lucas 4:18

E Jmɨguíˋ quiáꞌˉ Fii˜ Fidiéeˇbaaꞌ e jéengˋ jnea˜, co̱ꞌ caguíngꞌˋ Fidiéeˇ jnea˜ e laco̱ꞌ niguiaaˆ jaléꞌˋ juguiʉ́ˉ quiáꞌrˉ fɨˊ jee˜ jaléngꞌˋ dseaˋ tiñíingˉ: jo̱guɨ nɨcasíiñˋ jnea˜ cajo̱ e laco̱ꞌ niguiaaˆ juguiʉ́ˉ quiáꞌˉ e nileángˋ jaléngꞌˋ i̱ dseaˋ i̱ lafaꞌ ꞌñúungꞌ˜ có̱o̱ꞌ˜ dseeˉ quiáꞌˉ, jo̱guɨ e nijmee˜e e nilɨjnéꞌˋtu̱ jaléngꞌˋ dseaˋ tiuungˉ, jo̱guɨ e nilaanˉ jaléngꞌˋ dseaˋ i̱ íngꞌˋ iihuɨ́ɨˊ quiáꞌˉ dseaˋ rúngꞌˋ, jo̱guɨ e nijméeꞌ˜e júuˆ e nɨcatɨ́bˋ íꞌˋ e nijméˉ Fidiéeˇ e niꞌuíingˉ guiʉ́ˉ quiáꞌˉ dseaˋ jmɨgüíˋ. Jo̱ lanab jí̱i̱ꞌ˜ lɨ́ɨˊ júuˆ e féꞌˋ fɨˊ ni˜ jiˋ quiáꞌˉ Fidiéeˇ.

Lucas 8:10

Jo̱baꞌ cajíngꞌˉ Jesús casɨ́ꞌrˉ i̱ dseaˋ guitúungˋ do: —Quiáꞌˉ Fidiéeˇ nɨcangɨ́ɨngˋ ꞌnʉ́ꞌˋ e ngángꞌˋnaꞌ jaléꞌˋ e jaˋ mɨˊ ñiˊ dseaˋ jéengˊguɨ, e dseaˋ íˋ iiñ˜ cá̱rˋ nifɨˊ quiáꞌˉ lajaangˋ lajaangˋ dseaˋ jmɨgüíˋ. Dsʉꞌ jnea˜ éeˉe jaléngꞌˋ i̱ dseaˋ na có̱o̱ꞌ˜ júuˆ jáꞌˉ e lafaꞌ júuˆ cuento e laco̱ꞌ mɨ˜ ninírˋ, nijé̱rˉ lafaꞌ jaˋ eeˋ cangáˉbre, jo̱guɨ mɨ˜ ninúrˉ, nijé̱rˉ lafaꞌ jaˋ eeˋ canúuˉbre cajo̱.

Juan 12:39

Jo̱ lajo̱b jaléngꞌˋ dseaˋ do jí̱i̱ꞌ˜ jaˋ líꞌrˋ ningáiñꞌˋ, co̱ꞌ lalab cajmeꞌˊguɨ Saíiˆ cajo̱ fɨˊ ni˜ jiˋ quiáꞌˉ Fidiéeˇ lɨ˜ féꞌˋ lala: Jnea˜ Fidiéeˇ jo̱ fáꞌˋa e júuˆ la:

Juan 9:39

Jo̱ mɨ˜ cangɨ́ˋ jo̱, cajíngꞌˉtu̱ Jesús casɨ́ꞌˉreiñꞌ jo̱ cajíñꞌˉ: —Jnea˜ cagáˉa fɨˊ jmɨgüíˋ la e lɨ́ꞌˆ laco̱ꞌ niquidsiiˉ íꞌˋ quiáꞌˉ jaléꞌˋ dseeˉ quiáꞌˉ dseaˋ jmɨgüíˋ, jo̱ lajo̱baꞌ jaléngꞌˋ dseaˋ i̱ lafaꞌ tiuungˉ uíiꞌ˜ dseeˉ quiáꞌrˉ niꞌuíiñˉ dseaˋ i̱ lafaꞌ i̱ jnéꞌˋtu̱ caléꞌˋ catú̱ˉ, jo̱guɨ i̱ dseaˋ i̱ ɨˊ dsíiˊ e jnéꞌrˋ, jo̱baꞌ niꞌuíiñˉ dseaˋ i̱ lafaꞌ tiuungˉ.

Hechos 15:3

Jo̱ dseaˋ quiáꞌˉ Dseaˋ Jmáangˉ i̱ neáangˊ fɨˊ Antioquíabingꞌ caguiéꞌˊ quiáꞌrˉ. Jo̱ mɨ˜ cangɨ́ɨiñˊ fɨˊ lɨ˜ se̱ꞌˊ Fenicia có̱o̱ꞌ˜guɨ Samaria, cajmeaꞌrˊ júuˆ jaléngꞌˋ dseaˋ quiáꞌˉ Dseaˋ Jmáangˉ i̱ neáangˊ fɨˊ jo̱ jial nɨcatʉ́ˋ jaléngꞌˋ dseaˋ i̱ jaˋ lɨ́ɨngˊ dseaˋ Israel e lamɨ˜ quɨ́ꞌˉ tɨ́ɨiñˋ e jmiféiñꞌˊ diée˜ e laco̱ꞌ nɨteáaiñˉ teáˋ fɨˊ guiʉ́ˉ có̱o̱ꞌ˜ Fidiéeˇ. Jo̱ jalémꞌˋ i̱ dseaˋ quiáꞌˉ Dseaˋ Jmáangˉ do calɨꞌiáangˋ dsíirˊ mɨ˜ canúurˉ e júuˆ do.

Hechos 28:26

Gua˜ jo̱ güɨsíiꞌ˜ jaléngꞌˋ dseaˋ Israel e nañiˊ faꞌ jialguɨ e ninúrˉ dsʉꞌ jaˋ iiñ˜ ningáiñꞌˋ jí̱i̱ꞌ˜ co̱o̱ˋ; jo̱guɨ nañiˊ faꞌ jialguɨ e nijǿørˉ, dsʉꞌ jaˋ iiñ˜ ninírˋ jí̱i̱ꞌ˜ co̱o̱ˋ.

Hechos 3:19

’Jo̱baꞌ fɨ́ɨˉɨ ꞌnʉ́ꞌˋ e quɨ́ꞌˉ jíingꞌˇ yaang˜naꞌ fɨˊ quiniˇ Fidiéeˇ jo̱guɨ jáangꞌ˜ yaang˜naꞌ fɨˊ jaguórˋ, jo̱ lajo̱baꞌ niꞌíiñˉ dseeˉ quíiˉnaꞌ. Jo̱ jangámˉ Fíiˋnaaꞌ Dseaˋ Jmáangˉ nijmérˉ e nilɨꞌiáangˋ óoˊnaꞌ jo̱guɨ e nilɨseengˋnaꞌ juguiʉ́ˉ júuˆ røøˋ có̱o̱ꞌr˜.

Romanos 9:18

Jo̱ lajo̱b lɨ́ɨˊ, co̱ꞌ Fidiéeˇ fɨꞌˋ lɨ́ɨmˉbre jaléngꞌˋ dseaˋ i̱ iiñ˜ nijmérˉ có̱o̱ꞌ˜ lajo̱, jo̱guɨ jmóoˋbɨr cajo̱ e ueꞌˋ dsíiˊ jaléngꞌˋ i̱ dseaˋ i̱ jaˋ iing˜ ninúˉ júuˆ quiáꞌrˉ.