Juan 10:33 - Chinantec Comaltepec

³³ Jo̱baꞌ lalab cañíiˋ dseaˋ Israel quiáꞌˉ Jesús jo̱ cajíñꞌˉ: —Jaˋ ɨˊ dsiˋ jneaꞌˆ e nijngángꞌˆnaaꞌ ꞌnʉˋ uíiꞌ˜ jaléꞌˋ e guiʉ́ˉ e nɨcajmeeꞌˉ do, co̱ꞌ nijméˆnaaꞌ lajo̱ uíiꞌ˜ e gabˋ lɨ́ɨˊ e júuˆ e fóꞌˋ na fɨˊ quiniˇ Fidiéeˇ. Co̱ꞌ ꞌnʉˋ jí̱i̱ꞌ˜ dseaˋ jmɨgüíbˋ lɨnꞌˊ, jo̱guɨ iinꞌ˜ jméeꞌˆ e røøbˋ cǿønꞌˋ có̱o̱ꞌ˜ Fidiéeˇ.

Juan 10:33 Iomraidhean Croise

Juan 10:24

Jo̱ lajeeˇ ngɨˊ Jesús dob mɨ˜ carɨ̱́ɨ̱ˋ dseaˋ Israel fɨˊ lɨ˜ siñꞌˊ, jo̱ cajmɨngɨ́ꞌrˉ dseaˋ do lala: —Jo̱ ¿lɨ˜ catɨˊ nijméeꞌˆ júuˆ røøˋ e su ꞌnʉˋ dseaˋ i̱ casíingˋ Fidiéeˇ fɨˊ la e lɨnꞌˊ Dseaˋ Jmáangˉ i̱ sɨjeengˇ jneaꞌˆ do i̱ nicá̱ˋ nifɨˊ quíˉiiꞌ? Jo̱ lana jmeeˉdu júuˆ, ¿su ꞌnʉˋ íˋ?

Juan 10:30

Jo̱ jnea˜ có̱o̱ꞌ˜guɨ Tiquiéˆe jaamˋ dseaˋ lɨ́ɨˊnaaꞌ.

Juan 10:32

Jo̱ lalab cajíngꞌˉ Jesús quiáꞌˉ i̱ dseaˋ Israel do jo̱ casɨ́ꞌˉreiñꞌ: —Jmiguiʉbˊ jaléꞌˋ e quɨ́ɨꞌ˜ɨ jmɨɨ˜ e nɨcajméˉe jee˜ ꞌnʉ́ꞌˋ laꞌeáangˊ có̱o̱ꞌ˜ güeaꞌˆ quiáꞌˉ Tiquiéˆe. Jo̱ lajeeˇ lajaléꞌˋ e jo̱, ¿jnang˜ e catɨ́ɨngˉ e nijngángꞌˆnaꞌ jnea˜ có̱o̱ꞌ˜ layaang˜ cu̱u̱˜?

Juan 19:7

Jo̱ dsʉꞌ lalab cañíiˋ i̱ dseaˋ Israel i̱ teáangˉ do ie˜ jo̱ quiáꞌˉ dseata˜ Pilato jo̱ casɨ́ꞌrˉ dseaˋ do: —Seabˋ co̱o̱ˋ júuˆ quiʉꞌˊ ta˜ quíˉ jneaꞌˆ, dseaˋ lɨ́ɨˊɨɨꞌ dseaˋ Israel, jo̱ lalab lɨ́ɨˊ: Song jaangˋ dseaˋ féꞌrˋ e røøbˋ cǿøiñˋ có̱o̱ꞌ˜ Fidiéeˇ, jo̱baꞌ ꞌnéˉ nijúumˉbre jóng. Jo̱ lajo̱b lɨ́ɨˊ có̱o̱ꞌ˜ i̱ dseaˋ na, jo̱baꞌ dseángꞌˉ ꞌnéˉ nijúumˉbre.

Juan 5:18

Jo̱ mɨ˜ canúuˉ jaléngꞌˋ i̱ dseaˋ i̱ quie̱ˊ nifɨˊ quiáꞌˉ dseaˋ Israel do e cajíngꞌˉ Jesús lajo̱, jo̱baꞌ eáangˊguɨb caꞌɨ́ˋ dsíirˊ e nijngáiñꞌˉ dseaˋ do, co̱ꞌ o̱ꞌ jí̱i̱ꞌ˜ e cajmiꞌleáaiñˉ i̱ dseaˋ dséeꞌ˜ do ꞌñiaꞌˊ ie˜ jmɨɨ˜ e jmiꞌíngꞌˊ dseaˋ góorˋ dseaˋ Israel, co̱ꞌ lajo̱b cajo̱ féꞌrˋ e røøbˋ lɨ́ɨiñˊ có̱o̱ꞌ˜ Fidiéeˇ mɨ˜ féꞌrˋ e Fidiéebˇ dseaˋ lɨ́ɨngˊ Tiquiáꞌrˆ.

Romanos 13:1

Jo̱ e labaꞌ iin˜n fɨ́ɨˉguɨ́ɨ ꞌnʉ́ꞌˋ, dseaˋ rúꞌˋnaaꞌ dseaˋ quiáꞌˉ Dseaˋ Jmáangˉ, e lajɨɨmˋ ꞌnʉ́ꞌˋ ꞌnéˉ jméeˆnaꞌ nʉ́ʉꞌ˜naꞌ jaléꞌˋ ta˜ quiʉꞌˊ dseata˜ i̱ seengˋ. Dsʉco̱ꞌ Fidiéeˇbingꞌ i̱ nɨcacuøˊ e ta˜ jo̱ quiáꞌˉ jaléngꞌˋ dseata˜, jo̱guɨ cajo̱ ꞌñiabꞌˊ Fidiéeˇ dseaˋ nɨcaguiarˊ uiing˜ e seengˋ jaléngꞌˋ íˋ.

Filipenses 2:6

Co̱ꞌ írˋ røøbˋ cǿøiñˋ có̱o̱ꞌ˜ Fidiéeˇ, jo̱ dsʉꞌ jaˋ cajmeángꞌˋ ꞌñiaꞌrˊ faꞌ e røøˋ cǿøiñˋ có̱o̱ꞌ˜ dseaˋ do,