2 Juan 1:2 - Chinantec Comaltepec

² Jo̱ dseángꞌˉ ꞌneáamˋbaa ꞌnʉ́ꞌˋ, co̱ꞌ seemˋ fɨˊ dsiˋnaaꞌ e júuˆ quiáꞌˉ i̱ Fidiéeˇ i̱ jáꞌˉ do, jo̱ dseángꞌˉ contøømˉ nilɨseaˋ e júuˆ jo̱ fɨˊ dsiˊnaaꞌ.

2 Juan 1:2 Iomraidhean Croise

Juan 14:16

Jo̱baꞌ jnea˜ nimɨ́ɨꞌ˜ɨ Tiquíˆiiꞌ dseaˋ guiiñ˜ ñifɨ́ˉ e nisíñˉ Jaangˋ i̱ nijmɨcó̱o̱ꞌ˜ ꞌnʉ́ꞌˋ, jo̱ e jo̱b lɨ́ɨˊ Jmɨguíˋ quiáꞌˉ Fidiéeˇ có̱o̱ꞌ˜ e cuøꞌˊ ꞌnʉ́ꞌˋ e lɨñíˆnaꞌ jaléꞌˋ júuˆ quiáꞌˉ Fidiéeˇ. Jo̱ e Jmɨguíˋ do contøømˉ nilɨseengˋ có̱o̱ꞌ˜ ꞌnʉ́ꞌˋ. Jo̱ jaléngꞌˋ dseaˋ i̱ jaˋ mɨˊ caꞌíngꞌˋ jnea˜, jo̱baꞌ jaˋ quɨ́ꞌˉ jmɨɨ˜ faꞌ e niꞌíñꞌˋ e Jmɨguíˋ do, co̱ꞌ jaˋ mɨˊ cangárˉ o̱ꞌguɨ cuíirˋ cajo̱; jo̱ dsʉꞌ ꞌnʉ́ꞌˋguɨ nɨcuíiˋbaꞌ e Jmɨguíˋ do, co̱ꞌ nɨseemˋ có̱o̱ꞌ˜ ꞌnʉ́ꞌˋ lana, jo̱guɨ tɨˊ lɨ˜ nitɨ́ˉ íꞌˋ e nilɨseemˋ fɨˊ áaˊnaꞌ cajo̱.

Juan 15:7

’Jo̱guɨ song ꞌnʉ́ꞌˋ jaˋ tʉ́ˋnaꞌ e seemˋbaꞌ cøøngˋ co̱lɨɨng˜ có̱o̱ꞌ˜ jnea˜ jo̱guɨ e teábˋ teáangꞌ˜naꞌ có̱o̱ꞌ˜ júuˆ quiéˉe cajo̱, jo̱ song lajo̱b jmooˋnaꞌ, jo̱baꞌ mɨ́ɨꞌ˜naꞌ jnea˜ eeˋ iing˜naꞌ jo̱ lajo̱b nilíˋ.

1 Corintios 9:23

Jo̱ jmóoˋo jaléꞌˋ e na e laco̱ꞌ niníiꞌ˜ júuˆ quiáꞌˉ Dseaˋ Jmáangˉ jo̱guɨ e laco̱ꞌ røøbˋ niꞌíingꞌ˜naaꞌ e jloꞌˆ e cuøˊ e júuˆ jo̱.

2 Corintios 4:5

Dsʉꞌ jneaꞌˆ jaˋ ngɨˋnaaꞌ guiaˋnaaꞌ júuˆ quíˉnaaꞌ yee˜naaꞌ, dsʉco̱ꞌ jneaꞌˆ guiaˋnaaꞌ júuˆ e Dseaˋ Jmáamˉ dseaˋ lɨ́ɨiñˊ Fíiˋnaaꞌ, jo̱ jneaꞌˆ lɨco̱ꞌ lɨ́ɨˊnaaꞌ dseaˋ i̱ jmooˋ ta˜ quiníˆnaꞌ uíiꞌ˜ e lɨ́ɨˊnaaꞌ dseaˋ quiáꞌˉ dseaˋ do.

Colosenses 3:16

Jo̱ ꞌnéˉ quie̱ˊbɨ nifɨˊ quíiˉnaꞌ júuˆ quiáꞌˉ Dseaˋ Jmáangˉ. Jo̱guɨ éeꞌ˜ rúngꞌˋnaꞌ jo̱guɨ cuǿøꞌ˜ bíˋ rúngꞌˋnaꞌ có̱o̱ꞌ˜ jaléꞌˋ júuˆ niguoꞌˆ e nɨñíˆnaꞌ. Jo̱guɨ cuǿøꞌ˜baꞌ guiꞌmáangꞌˇ Fidiéeˇ e øˊnaꞌ júuˆ e to̱o̱˜ fɨˊ ni˜ jiˋ salmos có̱o̱ꞌ˜guɨ jaléꞌˋguɨ júuˆ e øˊ dseaˋ quiáꞌˉ Fidiéeˇ có̱o̱ꞌ˜guɨ jaléꞌˋ júuˆ e cuøˊ Jmɨguíˋ quiáꞌˉ Fidiéeˇ cajo̱.

2 Timoteo 1:5

Jo̱ tó̱o̱bˋ dsiiˉ cajo̱ e dseángꞌˉ e lajamꞌˉbaꞌ teáˋ sinꞌˊ có̱o̱ꞌ˜ júuˆ quiáꞌˉ Dseaˋ Jmáangˉ e ngocángˋ oꞌˊ. Co̱ꞌ laꞌuii˜ cajméeˋ lajo̱ i̱ niyúngꞌˊ quíiꞌˉ i̱ siiˋ Loida jo̱guɨ niquíiꞌˆ i̱ siiˋ Eunice, jo̱ tab˜ dsiiˉ e lajo̱b nɨlɨ́ɨngˊ ꞌnʉˋ cajo̱.

2 Pedro 1:12

Jo̱baꞌ dseángꞌˉ nijmeeˇbɨ́ɨ e nijmiguiémꞌˊbɨ́ɨ áaˊnaꞌ jaléꞌˋ e júuˆ na contøøngˉ, nañiˊ faꞌ lajamꞌˆ e nɨñíˆnaꞌ e júuˆ jo̱ jo̱guɨ e nɨteáangˉnaꞌ teáˋ fɨˊ guiʉ́ˉ có̱o̱ꞌ˜ dseaˋ do lɨ́ꞌˆ laco̱ꞌ jí̱i̱ꞌ˜ e nɨcaꞌeꞌˊ dseaˋ ꞌnʉ́ꞌˋ.

1 Juan 1:8

Jo̱ mɨ˜ féꞌˋnaaꞌ e jaˋ dseeˉ røøˉnaaꞌ jí̱i̱ꞌ˜ co̱o̱ˋ, jo̱baꞌ lɨ́ɨˊ lɨ́ꞌˆ jmɨgǿøngˋ yee˜baaꞌ jóng, co̱ꞌ jaˋ léeˊeeꞌ júuˆ jáꞌˉ quiáꞌˉ Fidiéeˇ.

1 Juan 2:14

Dseaˋ rúꞌˋnaaꞌ i̱ lafaꞌ jó̱o̱ˋo̱, nab nɨcajméeꞌ˜e quíiˉnaꞌ e laco̱ꞌ nijmiguiéngꞌˊ áaˊnaꞌ e nɨcalɨcuíimˋbaꞌ Tiquíˆiiꞌ Fidiéeˇ. Jo̱guɨ nɨcajméeꞌ˜baa quíiˉnaꞌ cajo̱ jaléngꞌˋ ꞌnʉ́ꞌˋ, dseaˋ lɨ́ɨngˊnaꞌ dseaˋ cǿøngꞌ˜ jee˜ dseaˋ quiáꞌˉ Dseaˋ Jmáangˉ, e jmiguiéngꞌˊ áaˊnaꞌ e nɨcuíimˋbaꞌ i̱ nɨseengˋ lají̱i̱ꞌ˜ mɨ˜ nʉ́ꞌˉguɨ nitɨro̱o̱ˇ jmɨgüíˋ do. Jo̱guɨ nɨcajméeꞌ˜bɨ́ɨ quíiˉ ꞌnʉ́ꞌˋ, dseaˋ i̱ nɨꞌléꞌˋ cuíingˋnaꞌ Dseaˋ Jmáangˉ, e jmiguiéngꞌˊ áaˊnaꞌ e nɨcaꞌíimꞌ˜baꞌ júuˆ quiáꞌˉ Fidiéeˇ carˋ ngocángˋ óoˊnaꞌ, jo̱ jaˋ mɨˊ catiúungˊnaꞌ jí̱i̱ꞌ˜ capíꞌˆ, jo̱ nɨcalɨ́ꞌˉbaꞌ e joˋ lɨꞌˋ fii˜ i̱ ꞌlɨngꞌˆ jmɨgǿøiñˋ ꞌnʉ́ꞌˋ.

1 Juan 2:17

Dsʉꞌ co̱o̱bˋ mɨ˜ nitɨ́ˉ íꞌˋ e niꞌíingˉ lají̱i̱ꞌ˜ bíˋ e seaˋ quiáꞌˉ i̱ ꞌlɨngꞌˆ fɨˊ jmɨgüíˋ la co̱lɨɨng˜ có̱o̱ꞌ˜ jaléꞌˋ e ꞌlɨꞌˆ e dsináangˊ jaléngꞌˋ dseaˋ jmɨgüíˋ. Jo̱guɨ jaléngꞌˋ i̱ dseaˋ i̱ jmóoˋ jí̱i̱ꞌ˜ e iing˜ Fidiéeˇ, latab˜ nilɨseeiñˋ cøøngˋ có̱o̱ꞌ˜ dseaˋ do.