1 Juan 3:23 - Chinantec Comaltepec

²³ Jo̱ e lab e júuˆ quiáꞌˉ Fidiéeˇ e ꞌnéˉ lɨti˜ do, e nijáangꞌ˜ yee˜naaꞌ fɨˊ jaguóˋ Fíiˋnaaꞌ Dseaˋ Jmáangˉ, jo̱guɨ e nijmiꞌneáangˋnaꞌ dseaˋ rúꞌˋnaaꞌ laco̱ꞌ ta˜ quiʉꞌˊ Fidiéeˇ.

1 Juan 3:23 Iomraidhean Croise

Mateo 22:39

Jo̱guɨ e júuˆ quiʉꞌˊ ta˜ e catɨˊ tú̱ˉ do røøbˋjiʉ lɨ́ɨˊ có̱o̱ꞌ˜ e la, jo̱ lalab féꞌˋ: “Jmiꞌneáangˋ jaléngꞌˋ dseaˋ rúnꞌˋ lɨ́ꞌˆ laco̱ꞌguɨ jmiꞌneáanꞌˋ uøꞌˊ.”

Marcos 9:7

Jo̱ lajeeˇ jo̱b mɨ˜ cajgóˉ cabøø˜ jníiˊ fɨˊ yʉ́ꞌˆ jmɨgüíˋ, jo̱ jee˜ jo̱b caquɨ́iñꞌˋ lajaléiñꞌˋ do. Jo̱ fɨˊ jee˜ e jníiˊ do guicanʉ́ꞌˋ e guicaféꞌˋ dseaˋ lala: —I̱ lab Jó̱o̱ˋo̱ i̱ ꞌneáanˋn eáangˊ, jo̱ nʉ́ʉˉnaꞌ lají̱i̱ꞌ˜ júuˆ quiáꞌrˉ.

Juan 1:12

Jo̱ dsʉꞌ jaléngꞌˋ i̱ dseaˋ i̱ caꞌíngꞌˋ írˋ jo̱guɨ i̱ jáꞌˉ calɨ́ngˉ júuˆ quiáꞌrˉ, jo̱baꞌ cacuøꞌˊreiñꞌ fɨˊ e caꞌuíiñꞌˉ do jó̱o̱ˊ Fidiéeˇ.

Juan 13:34

Jo̱ uiing˜ e jo̱baꞌ e nicuǿøˆø ꞌnʉ́ꞌˋ e júuˆ laniingˉ la e jaˋ mɨˊ cafɨ́ɨˉɨ ꞌnʉ́ꞌˋ lamɨ˜ jéengˊguɨ, jo̱ e lab e jo̱: jmiꞌneáangˋnaꞌ dseaˋ rúngꞌˋnaꞌ. Jo̱ lɨ́ꞌˆ laco̱ꞌ la ꞌneáangˋ jnea˜ ꞌnʉ́ꞌˋ, lajo̱b dseángꞌˉ ꞌnéˉ jmiꞌneáangˋnaꞌ dseaˋ rúngꞌˋnaꞌ cajo̱.

Juan 14:1

Jo̱ mɨ˜ cangɨ́ˋ e casɨ́ɨngˉ Jesús có̱o̱ꞌ˜ i̱ Tʉ́ˆ Simón do, jo̱baꞌ lalab casɨ́ꞌˉguɨr i̱ dseaˋ quiáꞌrˉ do: —Jaˋ jmáangꞌ˜ yaang˜naꞌ fɨꞌíˆ ꞌnʉ́ꞌˋ, dseaˋ jáꞌˉ nɨcalɨ́ngˉnaꞌ júuˆ quiáꞌˉ Fidiéeˇ, jo̱guɨ jaˋ jmitúngˆ óoˊnaꞌ có̱o̱ꞌ˜ júuˆ quiéˉe, co̱ꞌ ꞌnéˉ e jábꞌˉ nilíingˋnaꞌ cajo̱.

Juan 15:12

Jo̱guɨ fɨ́ɨˉtú̱u̱ ꞌnʉ́ꞌˋ e júuˆ quiéˉe e ꞌnéˉ lɨti˜ do, jo̱ e lab e júuˆ jo̱: ꞌnéˉ nijmiꞌneáamˋbaꞌ dseaˋ rúngꞌˋnaꞌ lɨ́ꞌˆ laco̱ꞌguɨ jnea˜ jmiꞌneáanˋn ꞌnʉ́ꞌˋ lajaangˋ lajaangˋnaꞌ.

Juan 17:3

Jo̱ niñíiñˋ e seeiñˋ cøøngˋ có̱o̱ꞌ˜ ꞌnʉˋ lata˜ fɨng song calɨcuíiñˋ ꞌnʉˋ jo̱guɨ calɨñirˊ e jí̱i̱ꞌ˜ ꞌnʉbˋ dseaˋ lɨnꞌˊ Fidiéeˇ i̱ jáꞌˉ, jo̱guɨ fɨng song calɨcuíiñˋ jnea˜ cajo̱ e lɨ́ɨnˊn Dseaˋ Jmáangˉ i̱ casíingˋ ꞌnʉˋ fɨˊ jmɨgüíˋ la.

Juan 2:23

Jo̱ lajeeˇ táamˋbɨ Jesús fɨˊ Jerusalén, lajeeˇ jmɨɨ˜ e quɨ́ꞌˉ tɨ́ɨngˋ dseaˋ Israel e jmóorˋ jmɨɨ˜ e siiˋ Pascua do, jo̱ lajeeˇ jo̱ jmiguiʉbˊ jaléꞌˋ e quɨ́ɨꞌ˜ Jesús jmɨɨ˜ cajméerˋ fɨˊ quiniˇ jaléngꞌˋ i̱ dseaˋ i̱ sɨseángꞌˊ do ie˜ jo̱, jo̱baꞌ i̱ fɨ́ɨmˊ i̱ dseaˋ íˋ jáꞌˉ calɨ́ngˉ júuˆ quiáꞌˉ dseaˋ do.

Juan 3:18

’Jo̱ doñiˊ i̱i̱ˋ dseaˋ i̱ jángꞌˋ ꞌñiaꞌˊ fɨˊ jaguóˋ i̱ Jó̱o̱ˊ Fidiéeˇ do, jo̱baꞌ i̱ dseaˋ íˋ jaˋ niꞌíñꞌˋ iihuɨ́ɨˊ uii˜ quiáꞌˉ jaléꞌˋ dseeˉ quiáꞌrˉ mɨ˜ nitɨ́ˉ íꞌˋ lajo̱; jo̱ dsʉꞌ i̱ dseaˋ i̱ jaˋ jángꞌˋ ꞌñiaꞌˊ fɨˊ jaguóˋ i̱ Jó̱o̱ˊ Fidiéeˇ do, jo̱baꞌ i̱ dseaˋ íˋ niꞌímꞌˋbre iihuɨ́ɨˊ uii˜ quiáꞌˉ jaléꞌˋ dseeˉ quiáꞌrˉ, co̱ꞌ jaˋ mɨˊ cajángꞌˋ ꞌñiaꞌrˊ fɨˊ jaguóˋ i̱ Jó̱o̱ˊ Fidiéeˇ camɨ́ɨngꞌ˜ do.

Juan 6:29

Jo̱baꞌ lalab cañíiˋ Jesús quiáꞌˉ dseaˋ do: —E lab e iing˜ Fidiéeˇ e ꞌnéˉ nijmeeˉnaꞌ, e niꞌíingꞌ˜naꞌ jnea˜, dseaˋ i̱ casíiñˋ fɨˊ jmɨgüíˋ la.

Hechos 16:31

Jo̱baꞌ cañíiˋ i̱ dseaˋ do: —Jáꞌˉ güɨlíinꞌˋ júuˆ quiáꞌˉ Fíiˋnaaꞌ Jesús jo̱ niꞌíimˉ dseeˉ quíiꞌˉ có̱o̱ꞌ˜guɨ dseeˉ quiáꞌˉ jaléngꞌˋ dseaˋ sɨnʉ́ʉˆ quíiꞌˉ.

Efesios 5:2

Jo̱ güɨlɨseemˋbaꞌ e jmiꞌneáangˋnaꞌ jaléngꞌˋ dseaˋ rúngꞌˋnaꞌ lɨ́ꞌˆ laco̱ꞌguɨ Dseaˋ Jmáangˉ jmiꞌneáaiñˋ jneaa˜aaꞌ jo̱guɨ cajángꞌˋ ꞌñiaꞌrˊ e cajúiñˉ fɨˊ dseꞌˋ crúuˆ uíiꞌ˜ jneaa˜aaꞌ; jo̱ e cajúiñˉ do lɨ́ɨˊ lafaꞌ co̱o̱ˋ e jmeafɨɨˋ jloꞌˆ e catɨ́ɨngˉ Fidiéeˇ.

1 Tesalonicenses 4:9

Jo̱ joˋ ꞌnéˉ faꞌ jnea˜guɨ nifɨ́ɨˆɨ ꞌnʉ́ꞌˋ e ꞌnéˉ nijmiꞌneáangˋ rúngꞌˋnaꞌ laꞌóꞌˋ lɨ́ɨngˊnaꞌ dseaˋ quiáꞌˉ Dseaˋ Jmáangˉ, dsʉco̱ꞌ ꞌñiabꞌˊ Fidiéeˇ nɨcaꞌeꞌrˊ ꞌnʉ́ꞌˋ jial nijmiꞌneáangˋnaꞌ dseaˋ rúngꞌˋnaꞌ.

1 Timoteo 1:15

Dsʉco̱ꞌ dseángꞌˉ e jábꞌˉ e júuˆ la, jo̱guɨ dseángꞌˉ la guíimˋ ꞌnéˉ nilíˋ jáꞌˉ líingˋ jaléngꞌˋ dseaˋ e júuˆ la cajo̱; Fíiˋnaaꞌ Dseaˋ Jmáangˉ cajárˉ fɨˊ jmɨgüíˋ la e laco̱ꞌ nileáiñˉ jaléngꞌˋ dseaˋ røøngˋ dseeˉ, jo̱ lajeeˇ lajaléngꞌˋ dseaˋ røøngˋ dseeˉ, jnea˜bingꞌ i̱ eáangˊguɨ lɨ́ɨngˊ lajo̱.

1 Pedro 1:22

Jo̱guɨ ꞌnʉ́ꞌˋ, laꞌeáangˊ e nɨcalɨnʉ́ʉꞌ˜baꞌ júuˆ quiáꞌˉ Fíiˋnaaꞌ Dseaˋ Jmáangˉ, jo̱baꞌ lana nɨlɨ́ɨngˊnaꞌ dseaˋ i̱ joˋ beángꞌˋguɨ dseeˉ yaang˜ jo̱guɨ i̱ ꞌneáangˋ rúngꞌˋ laꞌóꞌˋ dseaˋ quiáꞌˉ Dseaˋ Jmáangˉ; jo̱ lajo̱b ꞌnéˉ cajo̱ e nijmiꞌneáamˋbɨꞌ dseaˋ rúngꞌˋnaꞌ dseángꞌˉ e ngocángˋ óoˊnaꞌ jo̱guɨ có̱o̱ꞌ˜ jaléꞌˋ bíˋ quíiˉnaꞌ.

1 Pedro 4:8

Dsʉꞌ niingˉguɨ eáangˊ e nijmiꞌneáangˋnaꞌ dseaˋ rúngꞌˋnaꞌ e ngocángˋ óoˊnaꞌ, dsʉco̱ꞌ mɨ˜ jmiꞌneáangˋnaꞌ rúngꞌˋnaꞌ, jo̱baꞌ nilíbˋ nilɨféngꞌˊ óoˊnaꞌ quiáꞌˉ rúngꞌˋnaꞌ doñiˊ faꞌ seaˋ jmiguiʉˊ dseeˉ quiáꞌrˉ.

1 Juan 2:7

Dseaˋ rúꞌˋnaaꞌ i̱ ꞌneáanˋn eáangˊ, jaˋ lɨ́ɨˊ laco̱ꞌ co̱o̱ˋ júuˆ ꞌmɨ́ɨˉ e júuˆ e ꞌnéˉ lɨti˜ quiáꞌˉ Fidiéeˇ e jmoꞌˊo la e catɨ́ɨngˉnaꞌ, co̱ꞌ e lab cajo̱ e caꞌíingꞌ˜ ꞌnʉ́ꞌˋ latɨˊ mɨ˜ calɨcuíingˋnaꞌ Dseaˋ Jmáangˉ. Jo̱ e júuˆ e ꞌnéˉ lɨti˜ do jaˋ sɨsɨ́ɨngˆ có̱o̱ꞌ˜ e júuˆ e caꞌíingꞌ˜ ꞌnʉ́ꞌˋ lamɨ˜ jéengˊguɨ do.

1 Juan 3:11

Jo̱ latɨˊ mɨ˜ uiim˜ nɨcanʉ́ʉˉ ꞌnʉ́ꞌˋ e ꞌnéˉ jmiꞌneáangˋnaaꞌ dseaˋ rúꞌˋnaaꞌ.

1 Juan 4:15

Jo̱guɨ doñiˊ i̱i̱ˋ i̱ jábꞌˉ lɨ́ɨngˋ jo̱guɨ féꞌrˋ e jáꞌˉbaꞌ e Jesús lɨ́ɨiñˊ i̱ Jó̱o̱ˊ Fidiéeˇ camɨ́ɨngꞌ˜ i̱ cagüéngˉ fɨˊ jmɨgüíˋ la, jo̱baꞌ i̱ dseaˋ íˋ cøømˋ seeiñˋ có̱o̱ꞌ˜ Fidiéeˇ, jo̱guɨ Fidiéeˇ cøømˋ seeiñˋ có̱o̱ꞌ˜ dseaˋ do cajo̱.

1 Juan 4:21

Jo̱ ꞌñiabꞌˊ Dseaˋ Jmáangˉ cajíñꞌˉ e júuˆ quiáꞌˉ Fidiéeˇ e ꞌnéˉ lɨti˜ na: “Doñiˊ i̱i̱ˋ dseaˋ i̱ jmiꞌneáangˋ Fidiéeˇ, lajo̱b ꞌnéˉ jmiꞌneáaiñˋ dseaˋ rúiñꞌˋ cajo̱.”

1 Juan 5:13

Jo̱baꞌ jmoꞌˊo jaléꞌˋ júuˆ e to̱o̱˜ fɨˊ ni˜ jiˋ la e catɨ́ɨngˉ jaléngꞌˋ ꞌnʉ́ꞌˋ e laco̱ꞌ nilɨñíˆnaꞌ e seengˋnaꞌ cøøngˋ có̱o̱ꞌ˜ Fidiéeˇ lata˜, ꞌnʉ́ꞌˋ dseaˋ jábꞌˉ lɨ́ɨngˋnaꞌ e Jesús dseángꞌˉ jáꞌˉ lɨ́ɨiñˊ Jó̱o̱ˊ Fidiéeˇ.