Wangarini 8:36 - Candoshi-Shapra

³⁶ Nuwsha ashiritamana; kizpurtamana. Nuw ipareetseeruri, nuw siyaa itutsimaam waritakina. Itaru, nuw siyaa itutskachuri, yanpumaam wanindaja.

Wangarini 8:36 Iomraidhean Croise

Salmos 119:133

Shiyaa kukish uru payumaam nda kapeetamaam istanda. Yutaritshish nuwaa kasirundama, átana.

Salmos 19:13

Istangandama Apaa, nda nuwaanaatstamari chinamaama. Watam an yutaritawa. Shiy nuwaa istakush, nuwsha yutaritshishireetsi kasichima.

Isáysa 61:1

Apanll Taarashipan wani nuwash wizpur taachiya. Apap nuwaa ipuseeru, wipunasheemsha ínarangiya. Nuwaa kamachtaku, Yuw kiyung kachiykana anoo istashini, tárangiya. Pukireem nuwaa kuki kamanishini. Putamawaa tputs yanpushini. Tumanshishush wantsush taakana, anoo tashitungangcha.

Lukasarini 4:18

Apanll Taarashipan wani nuwash wizpur taachiya. Apap nuwaa ipuseeru, wipunasheemsha ínarangiya. Nuwaa kamachtaku, Yuw kiyung kachiykana anoo istashini, tárangiya. Pukireem nuwaa kuki kamanishini. Putamawaa tputs yanpushini. Tumanshishush wantsush taakana, anoo tashitungangcha. Yuw kiyung kachiykana an nimun kiyung kachiyachtazinllinaja, Apanll átanda, tángcha.

Romshucheema 8:2

Apanlleem wip kinakchuni, Apanll Wani taarashishee kaneesich iyaam panakiya. Ashkachu, ndusha Yashinguni iy tiptsirini. Apanll yutaritshishee iyaa itutsku, yutaritshish ndusha iyaa kasikiya. Nduntam tsipats pzurtarich an wanindachiya.

1 Koríndshucheema 7:22

Siyaa m'chachurtaktaatiya ashiru, punirintspa. Isusoo kuk mangoonkus, ksarintspa. Isusoomari siyaa napku ¿chakaja siyaa kasich? Mishat, siysa tputs nduntaa muchchur taakis, Isusoo mangoonkus, Isusoom muchchur tamapari ashirus taangtsa, watam Isus siyaa kasikuwa.

2 Koríndshucheema 3:17

Ashirucha, atashina; Apanll Wani mangeetsich p'tseekchu, xarashish ndunshaparee; k'kuz sirapuch chiyaa ndusha wanichiya.

Gálatasshcheema 5:1

¿Nitaati iy Móysisarinimand yusur kiyung kachiymaam waritakeezini? nda. Ashiriya, anoo watsta tángtsa. Isusootsimari kuk chinangtsa; watam iyaa izuuru Móysisarinee kuk itutseeru, Apanlleem wip ínaranguwa. ¿Mayaama ashku Móysisarinimun kuk yusur kiyung kachiychich? Watsta átana, nuw siyaa atashina.