Wangarini 7:7 - Candoshi-Shapra

^7-8 Tputs siyaa nda natsakana. Itaru, nuw tputsee yutaritshishee itsinsaru kamankuri, uwshtisin anumand nuwaa natsakana. Ashiriya, siyma naatssa. Nuw naturi naacheezi, watam Apanll yandamarini nuwaam nda tatsamooruwa; tárangiya zoonlleetsi.

Wangarini 7:7 Iomraidhean Croise

1 Utaáchich kuraka 21:20

Ashiriya, Elíyassha anoo kurakaa kamanirangu, kuraksha Elíyasaa: ¿Naturi yusur shiyapat kundararpati chamayangaranginee? tárangu, Elíyassha, Zuraktishcha. Nuwapa chamayangaranginiya, ¿Mayaamsha yutaritshishish kapung pshtuksha? Amb ashirangush, Apanllee kapung tatsiyuntarangsha.

1 Utaáchich kuraka 22:8

Kuraksha Israelchich Josafataa, Nish Mikayas Imlárini wip táriya. Anoo yasamaam waritaritamcha. Itaru, nuw anoo kuk nda kaapa mazinamaam zandkina, watam tsiyatssee nda wanasir kamanimaam yasariya. Yutarit tushiychu anootsimari kamankiya, tárangu, Josafatsha, Nduni amb tárinllpa, tárangiya.

Isáysa 49:7

Apanll Taarashipan siyaa Israelchichee itutseeru, tapachindachiya. Siy Israelchichis tsíparangitaatis, m'chachurtarangunts, kiyungtaa kachiyarangus, arapich tputs siyaa natsarangitaatssin, ashiritaa, Apanll siyaa chinaku, ateeja. Tsapurunashuch kurak shiyaa pakchusin, punirustakchusin, shiyaa tutunlltachinllinaya. Nuw Apanlli Taarashipani shiyaa sirútari ipusaranguri, natsha in yuwaa tárangi anoo shiyaam tuminkina, Apanll nuwaa wipunashi átcha. Waana wipunashee ashkachu, ztaru tputsee tuwasineekchiya, nuw Isáysi siyaa atina.

Malakiyasa 3:5

Mishat, Apanll wamari kasiru an siyaa ateeja: Nuw kuskachuri, yutarishishpanee tputs izuuru wanimaam kuschima. Nuw tputsee ichingaru natstakina. Yashingchicheetstam, wishunootstam, yuw tputs wizanllee tayutaritkana anootstam, ngichamapaneetstam, pátarunaa yuw tarawzipanee kiyung yachakana antootstam, misha yuw tputs mashindoo, mishat mxaxzee, mishat arapchee tputsee kiyungutam yachakana anootstam, yuw nuwaa niyrkana anootstam ichingaru yasakina. Yasayaruri, anoo ichingaroo wanichima. Ashiri nuw kuskachuri, tputsee wanimamari kuschima, átcha Apanlli. Na kamaneena yuwaatssha Apanll, Nuw tputsee ipuseeruri zanganchima nuwaa kuki kamanimaama, tárangu anootsi.

Lukasarini 6:26

Siy nuwaa kuki kapeetkinaareesa ashiru, siyaa yashingchichshaparee ichinguru kis chinachinllinaya. Ashkachus paptsa. Sirútamasa zitamin tputs apanllputsee kuk kis mazinarangana. Ashiri paptsa, Apanll anumand waniyantspa tina.

Wangarini 17:14

Tayaspataranguri, shiyaa kukish mangoonarangana. Anumun yutaritshishpan tputs tputsireetsi natsarangana. Yutaritshishee kasayarusin, na nuwaana tamaparina ashiritam tsasiritam taakana. Anumand piyartachsha natsakanaya.

Wangarini 3:19

Itaru, Apanllsha izuuru natstayaru waneekiya. Isusoo zanganarangu, Isussha 'sini tamapari ashiru ichinguru chiyaa natstakiya. Itaru, Isusoo ngataranganaya. Kamapshimaam zandarangsin, tunimaa kis chinaranganaya.

Romshucheema 8:7

Yuwaa chaana zandkich anootsimari chinachinaw ashkuch, Apanllee kundartakpaz ashikchi. Anpat uru mapeekuch, Apanllee kuk payukeezich; payumaam pinasakcha.

Gálatasshcheema 4:16

Ashirangtaatis, ¿mayaamsha na nuwaa nda chinaksa? ¿Mayaamsha kundareetspazis ashirus nuwaa natsaksa? Yuwamand nuw siyaa itsinsaru tayaspatakina anumandazuwa nuwaa natsaksawa atashina.

Sandeekurini 4:4

Siy kaapa itsinsaru nda chinaksa. Yutaritshishee chinakuch, uru Apanllee ndusha chinaksa. Chiy yutaritshishee patsisapi átuch, Apanlleem undarari kinachchi.

1 Wangarini 4:5

Itaru, uwaya Apanllee kuk kamanimaptsi tsapurunaschichsincha. Ashirucha, tsapurunaseetsimari tsiyatkana. Waanpatatin tsapurunasshuchpatatin uwaatssin kuk kis mazinakanaya.