Wangarini 7:38 - Candoshi-Shapra

³⁸ Nuwamun mangis tatkus, mangishis Apanll taárash urutamari taachiya; pastacheeja, ndambaree. Kung naantar ashkitaa nda pasitaru ashiritam siyaam nda pastachiya, watam Apanll kuk atuwa; tárangiya Isusu.

Wangarini 7:38 Iomraidhean Croise

Isáysa 44:3

Napa, nuw kungoo apusap tsap siyaam zaw ashirangina. Amb nduntaa kung pakchiyam taarangu, ashiritaa wayarangina. Na siyaam iparis kapung yusur istachima. Taárasheemis kaneesich panakuri, kisshaparee taatssa.

Isáysa 55:1

Neewa. Shiy sachitkush, nuwash waangcha. Kurikirish nduntaa payurush, ashiritaa, Neewa, atina. Nuwaa mashkush, nuwsha ngutiriti istachinllpa. Kis waangcha. Ksatam ktungangcha. ¿Antaati anumand nuw, Tuwapanda tácheezi? Ndambari.

Isáysa 58:11

Nuwaana siyaa imachchintsa. Tsap puzap taaktaateesa, anush nuwsha siyaam katungsheemis zapan panachintsa. Nutseetsis tuwizpurtachina. Tatsumim tamapari ashirus wanasirshapari kis taatssa. Kung uru zaw ashtaru, ashku siyaam pishtats ndunshaparee.

Wangarini 4:10

Itaru, Isussha: Apanll shiyaa kizpur wanasiri istamaam zandkiya. Anoo yasaranginaareesha, nuwaa kaapa natstaranginaareesha, shiy nuwaatssha kungoo mashirangpasha. Shiy nuwaa mashkinaareesha, nuwsha shiyaa pachindcheezi; kungoo taarashimashi panachinllpa, tárangiya.

Wangarini 4:14

Itaru, nuwaatssha mashkush, nuwsha kungoo taarashimash shiyaam panakchuri, ayamtaati yusur támaracheezish, ndambaree. Itaru, wambari urutamari shiyash kung taarashimashi kuchuchutaru taachiya. Kung taarashimash shiyash taakchinaari, urutamari taachsha, Isus tárangiya kizaatsi.

Ipísshucheema 5:9

Apanll kuk mangishis 'sineekpaz ashirangiya. Apanll kuk iyaa: Uru saanpatatis istangtsa; wanasiriri taangtsa; itsinsashtis chinangtsa, atiya.

Tayusima 18:15

Apanll waana siyashchee tputs ipuseeru, nuw tamapari ashiritam wayachiya waanaatsi kuk kamanimaama. Siysa anoo kukoo izuuru payungtsa.