Wangarini 7:37 - Candoshi-Shapra

³⁷ Minush zari shambatshishush, zari kizpurcha shambatshishimuna, anpasha zari shambatshishee uru iwaptaranaya. Ashiriya, anush zari Isus chiyzayaru, ichinguru tputs mazinapana átu, kizpur tsiyatarangiya. Sachispaz ashiru Apanllingaz támarakus, nuwsha izuuru istachintspa Apanlleema.

Wangarini 7:37 Iomraidhean Croise

Nehemiyasa 8:18

Esdarsha Apanllee kuk putam natstata, putam natstata ashirangu, tsimbun matayaru zari, kachingarangiya. Ashirangu, tuchparinsha matayaru zar ichingarusin Apanllish pang' shaniyaranganaya. Yapiritam iwatspamaam ashtarana ambiritam ashiru shaniyeersin, Apanlleetsimari chinayarusin ungirtaranganaya. Ashiriya, na kamaneena yuwaa Utaáchich masharpa tambtayarusin, Apanllee kis ungirtarangana anootsi.

Salmos 42:2

Nuw shiyangaz sachitakpaz ashkina, Apaa. Watam shiysha taarashipanshawa. ¿Ashinooja nuw shiyash pangish yusur pshtuchee? aturi,

Salmos 63:1

Apaa, shiyaa nuwcha Apari. Nuw Shiyangaz támarakina. Tputs tsap mazachinandari taaru, amb naayaru, sachittaru, ashiritamti nuw shiyangaz kizpur sachitakpaz ashkuri támarakina.

Isáysa 40:2

Nayanimpatari Irusarinshuchee tsiyatangtsa. Sirú m'chachumuntaa taarangsin, na tushiyanlliya. Yuwamand yutarit taarangana anumand túmshir tuwaparanganaya. Nuw Apanlli Israelchichee waneekuri, kuwipti pzkoorangina. Yutaritshishimand wappari kiyung yacharangina.

Isáysa 40:6

K'kuz íwarimand kímarangu, nuwaa, Kizpur tsiyatangi, tárangiya. Nuwsha, Kizpur tsiyatkuri, ¿ameecheezi? tárangina. Uwsha, Tputs ichingarusin chirichir tamapari ashiru taakanaya. Wanuts chap ashiru musásimashcha.

Isáysa 44:3

Napa, nuw kungoo apusap tsap siyaam zaw ashirangina. Amb nduntaa kung pakchiyam taarangu, ashiritaa wayarangina. Na siyaam iparis kapung yusur istachima. Taárasheemis kaneesich panakuri, kisshaparee taatssa.

Isáysa 55:1

Neewa. Shiy sachitkush, nuwash waangcha. Kurikirish nduntaa payurush, ashiritaa, Neewa, atina. Nuwaa mashkush, nuwsha ngutiriti istachinllpa. Kis waangcha. Ksatam ktungangcha. ¿Antaati anumand nuw, Tuwapanda tácheezi? Ndambari.

Isáysa 55:3

Nuwaa mashkinaareesha, nuwaa kuki mazinakinaareesha, kisshaparee taatsha, zurampatari nuw shiyaa atashina. Nuw shiyapa tsiyatssee yarkachuri, shiyapa amikurtakchuri, zurampatari nuwaanaatsi kuki tuminchima. Amb ashkachuri, Dapiyarinimand chinakuri, nuw kuki Dapiyarinpat tatsamchima.

Isáysa 58:1

Apanll Taarashipan nuwaa tárangiya. Kizpur tsiyatangcha. Pzirinllpa. Wakar wits tamaparee ashiru kapung zunganeengcha. Nuwaa tputsiri waneengcha, watam yutarit taakanawa. Akoparinchich tputs yutaritshishee kis chinakanaya.

Apanll kamachtamarini 23:36

Tsimbun matayaru zari nuwaam Apanlleemi wakaraa, misha opeeja karupana ichinguru zar muchta, muchta, shingtsa. Tuchip arangtach matayaru zar iwatspakchus, ichingurus washunand shaniyeerus, mangis kis shambatangtsa. Chinuzee muchkachus, nuwaam Apanlleemi muchingtsa. Anush zar tputs tarawaztarusinapa, tárangiya Apanlli.

Apanll kamachtamarini 23:39

Mishat, Apanll Móysiseetsi tárangitamta. Tirikureetsis kaneesich kayan pusaramchus, tsup nuevish, zar kinsish, anush zar tatsamkachu, tambtayarus, 7 zar nuwaam shambatangtsa. Anushsha mangis kis nuwaa ungirtatssa. Zar shambatshisheem chtakchus, pakchiyam tarawaztarintspa. Zar shambatshishi itupshingaramchus, anshutam tarawaztarintstampa.

Mikiyasa 6:9

Itaru, iyashuch shiyaa kukish payumaam nda zandkana. Ashiri nuw Mikiyasi, atina: Iy Apanllirini Irusarinshucheetsis ateeja: Yuwis mangis kapunguwa anis nuwaa waneeshi kamungamaam zandkeesa, kaapaniri mangiptis mazinangtsa. Kurakshtis wanimpanis tputsirpatartis mazinangtsa.

Sakáriyasa 9:15

Ashkachu, Apanll waanaatsi tiptsir tapachindachiya. Patumbchee tputseem pachamaam payukana, anpatari izuuru kasachinlliniya. Sheersin, undararee kasiyarusin, mang' kizpur ksakchusin, tputs karusam amtarparee ashiru, Jay, jay táchinllinaya. Watsiyun kapung sitkatssin, undararee ursir tasunashpaz tatsikusina, sheersin Apanllish kajonarini izuuru pzachtakpaz ashtachinllinaya.

Matiwarini 11:28

Naani, nuwaa kuki mazinangtsa. Waninll zitaminaa kamachtamarini payumaam kiyung kachiyaksawa. Itaru, nuwamun mangis tatkus, nuwsha mangeemis mapiym panachintsa.

Matiwarini 3:3

Yuwaritam zitaminarini Isáysarini wasina tárangu, anootstam Wangarini tuminarangiya. Isáysarini, tárangeeja; Tputs ipusap tayapstaku mazinachinllinaya. Mazinangtsa. Apanll naanllpa, atiya. Wasina mangeetsis yarangtsa. Na kurak kizpur naanllpa. Ngootseem wanasir yarangtsa. Ngootsee itsinsaru tuwitangtsa. Apanlleem yarangtsa, watam kuschuwa. Ngoots tamapari ashiru yutaritshishireetsis kapeeteerus mangeetsis yaramaam ashikpaz shingtsa, táchiya; tárangiya Isáysarini sirútamasa Wangarineetsi. Ashirucha, Wangarinsha kusarangu, anootsiritam wasina tayapstarangiya.

Matiwarini 5:6

Tputsich Apanllingaz kuk payumaam támarakuch, wanasircha. Apanllingaz mangoonamaam kizpur zandku, wanasircha. Apanll anoo kizpur chinakiya. Izuuru mangoo p'tseekiya mangoonamaama.

Wangarini 1:23

Apuchirinsha Wangarini: Nuw Apanllee Ipusamarini yámandampantana. Apanllee kuk kamanimapani, Isáysarini watam, táranguwa; Apusap tputs tsiyatssee tsiyatku anoo mazinachinllinaya. Na kurak kizpur naanllpa. Ngootseem wanasir yarangtsa. Ngootsee itsinsaru tuwitangtsa. Apanlleem yarangtsa, táchiya, tárangiya Isáysarini. Ashiriya, nuw antana. Tputsee mang' p'tseekuri, Apanlli Ipusamarini naanllpa, wasina mangeetsis yarangtsa, tayapstakuri atina, tárangiya Apuchirini.

Wangarini 14:6

Isussha: Nuwamunuri Apapush pshtumaam waritariya. Nuw kuki tsinascha. Nuw taarashipantana. Ashiriya, nuwamunuri Apanllush pshtutssa siyaya.

Wangarini 4:10

Itaru, Isussha: Apanll shiyaa kizpur wanasiri istamaam zandkiya. Anoo yasaranginaareesha, nuwaa kaapa natstaranginaareesha, shiy nuwaatssha kungoo mashirangpasha. Shiy nuwaa mashkinaareesha, nuwsha shiyaa pachindcheezi; kungoo taarashimashi panachinllpa, tárangiya.

Wangarini 4:11

Kizsha: In wach wantsushcha. Suwirish tipamaam nda payutatsha. ¿Ashiri mayshooja tipayarush, nuwaam panayachish kungootsi taarashimasheetsi? kiz, tárangiya.

Wangarini 4:14

Itaru, nuwaatssha mashkush, nuwsha kungoo taarashimash shiyaam panakchuri, ayamtaati yusur támaracheezish, ndambaree. Itaru, wambari urutamari shiyash kung taarashimashi kuchuchutaru taachiya. Kung taarashimash shiyash taakchinaari, urutamari taachsha, Isus tárangiya kizaatsi.

Wangarini 6:35

Isussha anush wazareetsiri kamanirangiya. Tárangiya; Watatana nuwaya. Yuw Apanll zanganirangu anu nuw antana. Taarashipantana nuwaya. Siy nuwash tachitkinaareesa, nuwaa mangoonkinaareesa, ayamtaati yusur Apanlleem mangis pachirungacheezis, ndambaree. Mangishis Apanlleem pishtats ndunshaparee, tárangiya Isusu.

Wangarini 6:37

Itaru, yuwaa tputs Aparich nuwaam tputsireemi wayarangu an uru nuwangaz zandkiya; nuwash tachitkiya. Tputs nuwash tachitku, nuwsha anoo kapeetcheezi, ndambari.

Wangarini 6:55

Katungtsimun natumasana taarasheemich kchitarchi. Itaru, nuwamun nutsi, misha kurasirimunatamti urutamari Apanlleem taachchi.

Wangarini 7:28

Tárangusin, Isussha tayaspataku kuk kapung tsiyatarangiya anshu. Tárangiya; Zuraktishcha. Siy nuwaa yasamana yasaktischa. Taarasheetsi yasaktamsa. Yasaktaateesa, itaru yuw nuwaa zanganirangu anootscha nda yasaksa siya. ¿Nitaati nuwaantaa nish kusarangee? Nllitarit waana nuwaa zandeeru, kamachtayaru zanganirangiya. Siy kaapa waa nda yasaksa; mangoonkeezis siya.

1 Koríndshucheema 10:21

Itaru, Isusootsimari chinayaruni, waakuni, katungkuni, sheeruni, ¿tamareeja yusur Yashingoo chinachinee? Ancha kizpur yutarita; pinasakiya.

1 Koríndshucheema 10:4

Upusap waamaam nduntaa taarangu, Apanllsha patumbchish kungoo wayaru, ichingurusin waarangana. Yapta xiykana amb Apanll Wip istarangiya.

1 Koríndshucheema 11:25

Katungtsee kawapayarusin, Isus mangawaa yáyaru, yusur Waparpat tsiyateeru, yásirangiya. Yusur wipunasheetsshat: Sirú opeejamun ursir yutaritshishireetsis Apari mapiytariya. Itaru, natshacha nuwamunari kurasiri yutaritshishireetsis tachingchiya izuuru mbizamaama. Ashiri waakchus, nuwaatsimari chinangtsa. Uru piy shingtsa mangeetsis p'tsimaama; tárangiya Isusu. Táyaru, yásirangiya.

1 Koríndshucheema 12:13

Isusoo mangoonaranguni, Apanllsha Waanaatsi Wani iyash pshtayaru, Apanllee taárash yarangtanicha. Shuneeruni yarangitaatani, itaru minamari tamapari ashiru taakani. Utaáshuchtaatani, arapchitaatani, tunartaatani, m'chachtaatani, wirak'chitaatani, ichinguruni minam nutsas tamapari ashiru taakani Isusooma.

Ipísshucheema 5:18

Karusamaam chinarintspa; kash kaseeyantspa. Ashkachus mangich tsípat ashku mantsir taakchi. Itaru, Apanlleetsimari Wani chinangtsa kis taamaama. Apanllee Wani: Nuwaa kasiyarush, machingandama; tángtsa.

Apanll ashtachu anu 21:6

Apari tputsee tapachindamaam chinarangu anoo ichinguru musá iwapchina nuwa; watam nuwaani chtaranginawa. Nuw urutari taarangina. Sirútari taaranguri, na wandaritam taakina; urutamaritam taachina nuwaya, áttanda tánllcha. Tputs zandku, nda ngatku, nuwaanasha taárashsheem urutamash panachima. Sachis tamapari ashiru Apanllingaz támarakus, nuwsha siyaa istakuri, ayamtaati siyaam pishtacheeja Apanlleema.

Apanll ashtachu anu 22:1

Anumunsha, Apanll wasundurur nuwaa minootssha yámandarangiya. Kungoo taarashimashi nuwaa yámandarangiya. Kung kizpur wirinandari naantar ashirangiya. Tiptsir kchitamaam wayarangiya. Apanllush watsirar shitungarangiya. Apanll Opeejarini anshutam Waparimun watsirar kuxineeru, anush kung shitungarangiya.

Apanll ashtachu anu 22:17

Ashirucha, Apanll Wani: Mikeerush naangcha, átcha Isusootsi. Iysha Isus tiptsir ichinguruni: Mikeerush kusangcha, atitamaniya. Shiy nee kirakaa natstayarush, mangeetsish p'tseeyarush, Isusootssha: Mikeeru kusangcha, tángtamcha. Nuwsha siyaa atashina; Isusush kamungangtsa atashina. Zandkus, nda ngatkus, Isussha siyaam taárashee urutamash panachiya. Sachis tamapari ashiru Apanllingaz támarakus, Isussha siyaa istaku, ayamtaati siyaam pishtacheeja Apanlleema, nuw siyaa atashina.