Wangarini 5:7 - Candoshi-Shapra

⁷ wanguysha: Aa, zandaktana, tárangu. Itaru, ¿tamaycheezi? ¿Chakaja nuwaa istachinda? ¿Chakaja mikeeru nuwaa kungush wayachinda? Kung kapootkachu nuwsha apinll pshiyratat ashkuri, tputsima nllitarit ichtaru chipuykatssin, uru nuwsha xapookina; pinasakina, tárangiya.

Wangarini 5:7 Iomraidhean Croise

Salmos 72:12

Pukirsha tputs, Kurakaa istanda. Tpachindanda, tákchu, kuraksha tputsee taárash tapachindachiya, Watam wamin istamaama ndunariwa. ¿Chakaja pukiree istach?

Wangarini 5:2

Anush opeejanung washitungashi, kung chumashish taarangu, Isus anush naparangiya. Chumashish Utaáshuchiri kuk Betsatcha sura. Wantsshuri kung kapootpoottar ashtariya. Annungiri zameetpata kariyshish taarangiya.

Wangarini 5:3

Wanguy anush zapan tamutamur ashtarana. Wach mchusawtam, chpanawtam, wanuts muxareewtam, wanguy anush zapan tamuranganaya. Kung nuwaa yarpanda atusin, anush kutaranganaya.

Romshucheema 5:6

Mazinangtsa; yaani kamungamaam pinasarangini. Itaru, Apanll iyaa chinarangu, iwash zari waritakchu anush Isusoo zanganirangu, yutaritshishpaneemani tsiparangiya.

1 Koríndshucheema 9:24

Ashirucha, nuw siyaa atashina; Shingtamtsa, átana. Apanll nuwaa kis napachpa átus, Apanllee kuk kizpur payungtsa. Saanaatsi chinashis tamsangtsa. Apanll kis chiyaa napkinaari, urutamari mangich kis taachich. Ashiri piyari chinarintspa; mangiptis taangtsa. Napa: Tputs michitkusin, ¿iripumaam tamakazinllinaja? Manguksin, zapan yachakana; putam yachak, putam yachak ashkusin, itamsaksin, xapshingamaam ashkana. Sheersin, zapish yasayarusin, izuurisha iripkana. Minamtaata wamari kasiku, ichingurusin kizpur iripkana. Minam kasiku tútiyacheem yáyaru, natumasamamta mang' kis ashikcha. Ashiri siysa shingtamtsa tina. Itaru, iy Apanllee mangoonkuni, urutamari ashkiniya. Ashirucha, Apanllee kuk payurus, piyari nda chinakus, mangiptis taangtsa; kizpur taangtsa, átana.

Tayusima 32:36

Siy Israelchichis wizpuris nduneekchu, Apanllsha waanaa siyaam tiptsireemaru tapachindachiya. Siyaatsinaa Apanll Taarashipan naynikchu istachapantsa. Yuwash siyashuch kurakaris ndunareekchu, sundaruritamtis ndunareekchu, anush Apanllsha siyaam istachiya.