Wangarini 4:32 - Candoshi-Shapra

³² itaru Isussha: Wapamasa, nllitaritamash nuwaam taariya, tárangu. Itaru, siy anoo nda yasasa, tárangiya.

Wangarini 4:32 Iomraidhean Croise

Salmos 119:103

Watam shiy chinashish kizpur wanasircha. Mishat, kama kinduraa wayar waakuch, kizpur kisa an tamapari ashiriya nuwaama shiy kukish. Shiyamun kukish mangi kisa.

Salmos 63:5

Shiyamun mangi kisa. Tputs kapung katungeeru, tazazayaru, mang kis taaku, nuwsha shiyaa ungirtakuri ambtam ashchina. shiyaa kis yasichina.

Isáysa 53:11

Apanllsha wipunash kapung kiyung kachiyaru, anumunsha yusur támeeru, kis 'sinish taachiya. Ashkachu, mang' kis taachiya. Taarashipan wipunash wanasirimshipan tputsee zapan tapachindachiya. Watam tputsimand yutaritshish waana tuwaparanguwa.

Jeremiyasa 15:16

Shiy nuwaa tsiyatkachush, anuritam mangi kis mazinakina. An tsiyatsis nuwaam wanasircha. Mishat, kizpur mangi ksakina, watam nuw shiyamun mangi tatkinawa. Apaa, shiyamaritcha Apanllish.

Wangarini 4:31

Ashirucha, kiz naantachu, iysha Isusoo: Neewa, mayistoroo. ¿Mayaamsha nda katungaksha? Mariz kayateeshpa. Pakchiyam ktungachishpa, táranguni,

Wangarini 4:33

Iysha yaanpatatini tsiyatkuni, ¿Ashiriya, nllitarishta tputs martanll? tárangtanicha.

Wangarini 4:34

Itaru, Isussha; Nduni, tárangu. Apanllingaz kukoo anoomari tuminumaam chinakina. Mishat, Apap nuwaa kamachtarangu anoomari iwapamaam zandkina. Anoo nuwaam katungats tamaparee ashiru taariya. Itaru, nuwsha siyaa atina; Apapaa kuk kamaningtsa tputseetsi.

Tayaspatampanirini 20:35

Ashirucha, siyaa wanasir taamaam tayaspatarangina. Tputsich ichingurutanda tarawaztakuch ancha wanasiri. Tarawaztakuch, tputsee yuwaam kiyung kachiyku anoom istakuch, ancha kizpur wanasiri, watam waana Isus atuwa: Tputs siyaam mangutari panaku, mangis ksamana ksachparee. Itaru, saana tputseem panakus, aranginasha kis taatssa; atimanda Isusu. Ashiri shingtsa, tárangiya Paporo.

Apanll ashtachu anu 2:17

Ashiri Apari Wani átu anoo wits mazinachinllinpa; ngatusinapa atina, áttanda tánllcha. Tputs yutaritshishee izuuru kasikchu, wanasiriri taakchu, katungtsee urutamash panachima. Katungtsee Aparshi pishurangi anoo panachima. Mishat, wich mburshimash panachtamana. Anumun suraa kaneesich yandachima. Tputseem panakuri, uwsha yáyaru, waanitari suraa yasachiya; nllitari tputs ndusha yasachinllinaya, áttanda tángcha, tárangiya Apanll Wipa siyaa Pergamshucheetsis.