Wangarini 2:14 - Candoshi-Shapra

¹⁴ Ashiriya, Isus Apanllish pang' pshtuyaramchu, napku, anushsha maachi zapan mirkatush tamapari ashiru paxanxanxtangat ashiranganaya. Anush wakara taaru, misha opeej taaru, misha makookoo chinuz taaru, misha kurikpan tputs misanung kuxinataranll ashirangana.

Wangarini 2:14 Iomraidhean Croise

Esekiyela 36:38

Yaktarini izuuru kapeetam, tputs ndunarimuna, anush tputs tatsitachtaya. Irusarinash shambatshishush opeejaa muchimaam yushindakchusin, zapan tatsitangat ashtaru, ashiritam tputssha Irusarinush tatsitchiya. Ashkachi anush, nuwaa Apanlleetsi natstachinlliniya, tángcha, Apanll nuwaa Esekiyelaatsi tárangiya. Ashiriya, kamaneena yuwaa Israelchich yusur watsapunish kis taakchusin, anush tputs ichingarusin Apanllee yasachinllina anootsi.

Márkosarini 11:15

Támbeeranllu, Irusarinush pshtuyaru, Isus Apanllip pang' napkamchu pshturangiya. Anush tputs paxanxamapani zapan Apanllshumari pang' paxanxarangana. Isussha paxanxamapaneetssha mang tashitungarangu, misarinee kapeet, urkiree yampanee misarineetstam kapeet, kuxinshisheetstam kapeet, tputseetstam uxinash makookoo paxanxarangu anootstam kapeet kapeet shitar ashirangiya.

Márkosarini 11:17

Isussha tputsee waneerangiya. Apanll yandamarini ateeja; Nuwash pangi kis nuwapa tsiyatchinllinaya. Mashkusin, nuwsha kis mazinachina. Anush kandoozeew ichingarusin nuwaa tsiyatchinllinaya; átcha Apari. Itaru, siysa shuchimaamari chinaksa. ¿Antaati Apanll pang' washchireem taar? mang, tárangiya.

Wangarini 2:15

Itaru, Isussha anoo pakeeru, kizpur tsiyantayaru, sukaa pzkoosheem tinayaru, anpa pzkoombarangiya. Wakaraatstam, opeejaatstam, maachee ichinguru tashitungarangiya. Maacheetsi pzkoota, misaatssha kata shitar ashirangiya. Kurikeetssha psinangata shitar ashirangiya. ¡Maya! ichinguru tashitungarangiya.